කතෘ බූතයා

          අද උදේ ඉදලම මම පසුවුනේ ගොඩාක් සතුටින්. ප්‍රසිද්ධ අත්භූත කතා ලේඛක බටුවන්ගල මහත්තයා එයාගෙ අලුත්ම කෘතියෙ පිටපත් වලින් එකක් මට දෙන්න තීරණය කලා කියන ආරංචිය අහපු දවසෙ පටන්ගත්ත මගෙ සතුට අද වෙනකොට දෝරෙ ගලාගෙන ගියේ අද තෑග්ග මගේ අතට ලැබෙන්න තියෙන දවස නිසා..

                  පහුගිය දවස්වල මුහුණුපොත හරහා තිබුන හොඳම පාඨකයා තෝරන තරඟයකින් තමයි මට ඒ පොත දිනාගන්න අවස්ථාව ලැබුනේ. බටුවන්ගල මහත්තයා විසින්ම පවත්වපු ඒ තරඟෙදි එතුමා විසින් එතුමගෙ පොත්වල තිබුන විවිධ කරුණු ඔස්සේ පාඨකයන්ගෙන් විවිධ ප්‍රශ්න විමසුවා. හැබැයි එතන හිටපු එක පාඨකයෙක්ටවත් මාව නං පරාද කරන්න පුළුවන් උනේ නෑ. 

     සොහොන් පිටියෙන් ආ පිල්ලිය , අඳුරු නැකත , ගුප්ත සුරපුරයේ මරණීය කන්‍යාව , රාක්ෂ දියණිය , අත්භූත පෙට්ටිය , මාරක උදෑසන ඇතුලු බටුවන්ගල මහත්තයාගෙ දැනට ආපු සියලුම පොත් ,  මම වගේ දහවතාවකටත් වඩා කියවල තිබුන පාඨකයෙක් එතන නොසිටපු නිසා මට ඡයග්‍රහණය ලැබුනේ නිතරඟයෙන්. තරඟය ඡයග්‍රහණය කලාට පස්සෙ මුහුණුපොත හරහා ම⁣ට සුබපතපු බටුවන්ගල මහත්මයා මට ලබාදෙන තෑග්ග හැකි ඉක්මනින් තැපැල් කරන බව පැවසුවා.එතුමා තැපැල් කරපු දිනේ එක්ක බලනකොට හරිනං අද තෑග්ග එන්න ඕන දවස.

                     තෑග්ගට ලැබෙන අලුත් පොත ගැන හීනලෝකෙක අතරමං වෙලා තිබුන මගෙ හිත අාපහු මේ ලෝකයට අරගෙන ආවෙ ලියුම් මා⁣මගෙ බයිසිකලේ ටිලිං ටිලිං , ටිලිං ටිලිං ගාන සද්දෙ. සද්දෙ අැහුන ගමන් මම එක හුස්මටම මිදුලට දිව්වා. මම හිතුව වගේම තෑග්ග එවල තිබුනා. ඒක හොඳට ඔතපු ටිකක් ලොකු පෙට්ටියක්. අද සෙනසුරාදා  දවසක් නිසා අම්මයි තාත්තයි දෙන්නම පොළට ගිහින් තාම ගෙදර ඇවිත් තිබුනේ නෑ. ඒ දෙන්න  එනකං තෑග්ග කඩන්නැතුව බලන්න ඉන්න තරම් මගෙ ලඟ ඒ වෙනකොටත් ඉවසීමක් ඉතුරු වෙලා තිබුනෙ නැති නිසා මම පුළුවන් තරම් ඉක්මනින් තෑගි පෙට්ටියත් අරන් කාමරේට දිවුවා. තෑගි පෙට්ටිය  ලස්සනට තෑගි ඔතන කොළ වලින් ඔතලයි තිබුනෙ. කතුරක් අරගෙන හිමීට ⁣පෙට්ටියෙ උඩ හරිය කපපු මං පෙට්ටිය අරිනවත් එක්කම , ඉමිහිරි වැනිල සුවඳක් එක්ක  පෙට්ටිය ඇතුලෙන් අත්භූත කටහඬක් ආවා...

"සුබ උදෑසනක් වේවා තරිඳු !!!"

     පුදුමයට වගේම බයට පත්වුන මම පෙට්ටියත් ඇඳ උඩ අතහැරලා කාමරේ දොර දිහාවට දිව්වේ මේ මොකක්ද වෙන්න යන්නෙ කියල හිතාගන්න බැරුව.බටුවන්ගල මහත්මයගෙ අත්භූත පෙට්ටිය කතාවෙත් මෙහෙම සිද්ධියක් උනා කියල මගෙ හිතට ආවෙ අකුණක් ගහන තරම් වේගයෙන්. ඒ කතාවෙ හැටියට ඒ අත්භූත පෙට්ටියෙ සද්දෙ බලන්න ගිය හැමෝමව පෙට්ටියේ යකා ගිලල දැම්මා .දොර ලඟ නතරවෙලා පෙට්ටිය දිහා බලපු මම දැක්කෙ හරිම පුදුමාකාර දෙයක්. පුංචි මනුස්සයෙක් පෙට්ටියේ පියන ඉරාගෙන එලියට බොහොම අමාරුවෙන් එළියට ආවා. එයාට ටිකක් කැරකිල්ල වගේ මට පෙනුනෙ. පෙට්ටියෙන් එළියට ආව එයා ඇඳ උඩින් වාඩි වෙලා මගෙ දිහා බලල කතාකරන්න පටන්ගත්තා..

"බයවෙන්න එපා තරිඳු. මම ඔයාට කරදරයක් කරන්නෙ නෑ. මම අහිංසක කෙනෙක්"

එයාගෙ ප්‍රමාණයයි. අහිංසක පෙනුමයි , කටහඩේ තිබුන සන්සුන් ගතියයි දැකපු මම ,  මගේ බය පැත්තකට දාල ටිකක් ලඟට ගිහින් එයාට කතා කලා.

"ක ක ක කවුද ඔයා? "

"මම කතෘ බූතයෙක්." ඒ කුඩා මිනිසා කිව්වා..

"බූ බූ බූතයෙක්.."

"හා හා බයවෙන්න එපා ළමයෝ මම මිනිස්සුන්ට කරදර කරන ඡාතියේ බූතයෙක් නෙවෙයි. මම මිනිස්සුන්ට උදව් කරන ඡාතියේ බූතයෙක්." බූතයා සිනාසෙමින් කිව්වෙ කාලයක ඉදලම මාව අඳුරන කෙනෙක් වගේ.

"ඔයා කොහොමද මාව දන්නෙ?"

"ඔයා කොහොමද මේ පෙට්ටිය ඇතුළට ආවෙ.."

"මමනෙ ඔයාට මේ ලස්සන තෑගි පෙට්ටිය හැදුවෙ , මම මුහුණුපොත හරහා බටුවන්ගල මහත්මයගෙ ගිණුමෙන් ඔයා එක්ක කොච්චර කතා බහ කරල තියෙනවද?" ඉතින් මම කොහොමද ඔයාගෙ නම නොදැන ඉන්නෙ.

"ඒ කියන්නෙ ඔයා බටුවන්ගල මහත්තයගෙ ගෙදර ඉදලද ආවෙ?"

 "එතකොට ඔයාද ඇත්තටම  බටුවන්ගල කියන්නෙ? " 

    මම මගේ හිතට ආපු ප්‍රශ්න ඔක්කොම එයා ඉදිරියේ දිගහැරියා. මම හිතාගෙන හිටියෙ බටුවන්ගල මහත්තයා කියන්නෙ මැදි වයසෙ හිටපු ටිකක් මහත , කුරු කොන්ඩයක් තියෙන මහත්මයෙක් කියලයි. එතුමගෙ පොත් ඔක්කෝගෙම වගේ දාල තිබුනෙ ඒ වගේ ඡායාරූපයක්..එතකොට ඇත්තටම එයා මනුස්සයෙක් නෙවෙයි බූතයෙක්වත්ද?

"ඔව් මම බටුවන්ගල මහත්මයගෙ ගෙදර  ඉදල තමයි ආවෙ." බූතයා කිව්වා කිව්වා.

"හැබැයි මම බටුවන්ගල නෙවෙයි." බූතයා සිනාසෙමින් කිව්වා.

මම තමයි එයාගෙ කතෘ බූතයා.

බූතයගෙ කතාව එක්ක මට එයා අහිංසකයි කියල තේරිලයි තිබුනෙ. මොකද දරුණු කෙනෙක් උනා නං දැනටම එයාට මාව අල්ලගෙන කරදර කරන්න පුළුවන්කම තිබුනා. ඒ වගේම අඳුර බලවේග දවල් කාලයට ක්‍රියාත්මක වෙන්නෑ කියලයි මම අහල තිබුනෙ. ඒ නිසා මම මගේ බය පැත්තකට දාල එයාගෙ ලඟට ගියා..

"ඒ කියන්නෙ බටුවන්ගල මහත්තයා එයාගෙ වැඩ කරවගන්නෙ බූතයො ලව්වද?"

"ඔයා එයාගෙ ගෙදරින් පැනල ආව බූතයෙක් ද?" මම ඇහුවා..

"හපෝ නෑ ළමයෝ. බටුවන්ගලට බූතයො ලව්ව තියා මිනිස්සු ලව්වවත් හරිහැටි වැඩක් කරගන්න බෑ."

 "අනිත් එක මම එහෙන් පැනල ආවෙ නෑ.මම එයා එක්ක තරහවෙලයි එන්න ආවෙ." බූතයා කිව්වා..

    " ඔයා මගෙ ගැන හරි හැටි නොදන්න නිසා ඔයා මට තාමත් බය ඇති. ඒ නිසා ඉන්නකො මම ඔයාට  මගෙ ගැන විස්තර කියන්න." බූතයා කතාව පටන්ගත්තා..

    "මම ඔයාට කලිනුත් කිව්ව වගේ මම කතෘ බූතයෙක්. කතෘ බූතයො  තමයි ලස්සන ලස්සන අදහස් තියෙන අයව දක්ෂ ලේඛකයො කරන්නෙ. අපි අපේ සහඡ ඉවෙන්  හොයාගන්නවා දක්ෂ නිර්මාණාත්මක අදහස් තියෙන මිනිස්සුන්ව. ඊට පස්සෙ අපි එයාලව හොයාගෙන ගිහින් රෑට එයාලගෙ අදහස් වලට පණ දෙනවා.. එයාල ඒ අත්දැකීම් විඳලා , ඒවයෙ තියෙන විශාල මාලිගාවල ඉදල ඇල්පෙනෙති තුඩවල් වෙනකං දේවල් මතක තියාගෙන ඒ කරුණු එකතු කරලා ලස්සන පොත් විදිහට ලියලා ඔයාල අතට එවනවා."

"ඒ කියන්නෙ හැම ලේඛකයෙක්ටම එයාගෙ කියල කතෘ බූතයෙක් ඉන්නවද?" මම බූතයගෙන් ඇහුවා.

"හපෝ නෑ. ගොඩක් නිර්මාණශීලී අය ලඟට විතරයි කතෘ බූතයො යන්නෙ.. අපේ වර්ගෙ අය මේ ලෝකෙ ඉන්නෙත් බොහොම ටික දෙනයි.  ලෝකප්‍රසිද්ධ ලේඛකයො ලඟ විතරයි ගොඩක් වෙලාවට අපි ඉන්නෙ.  අපි පෝෂණ වෙන්නෙ එයාලගෙන්"

"ඒ කිව්වෙ ?" මම ඇහුවා.

කතෘ බූතයො ඡීවත්වෙන්නෙ කතෘවරුන්ගෙ චින්තන ශක්තිය ආහාරයට අරගෙන..

"ඒ කියන්නෙ ඔයා එයාගෙ චින්තන හැකියාව කාල නැතිකරල දානවද?" මම ඇහුවා.

හපෝ නෑ ළමයෝ. ඔයා හිතල බලන්නකො ඔයාගෙ වත්තෙ ලස්සන සමන්පිච්ච මලක් හැදිල තියෙනවා කියල. ඒක හරිම සුවඳයි. ඔයා ඒ සුවඳ වින්දා කියල මලට කරදරයක් වෙන්නෙ නෑ නේද? ඒ මදිවට ඔයා ඒ සුවඳ  වින්ඳට පස්සෙ මල් ගහ තව මල් වලින් පුරවන්න කියල හිතාගෙන ඒ ගහට පෝර වතුර දානව නේද? අන්න ඒ වගේ දෙයක් තමයි කතෘ බූතයොත් කරන්නෙ..

    අපි එයාගෙ චින්තන ශක්තිය රසවිඳිනවා. ඒකට හරියන්න අපි එයාට දක්ෂ ලේඛකයෙක් වෙන්න එයාගෙ චින්තන ශක්තියට පණ දෙනවා.

"ඉතින් ඔයා බටුවන්ගල මහත්තයව දාල මගෙ ලඟට ආවෙ එයාව අතහැරල  මාව දක්ෂ  ලේඛකයෙක් කරන්නද?" මම ඇහුවේ ⁣හරිම කුතුහලයෙන්..

"හාහ් හහ් හා හපෝ නෑ ළමයෝ." කතෘ බූතයා සිනාසුනා..

"මම එතනින් එන්න ආවෙ මම එයා එක්ක තරහවුන නිසා."

"ඒ කියන්නෙ එයා ඔයාව හිර කරල කරදර කලාද?"

නෑ නෑ ළමයෝ හරියටම කියනව නම් මෙන්න මේකයි උනේ. මම බටුවන්ගල මහත්තය ගාව ඉන්නෙ එයා පොත් ලියන්න පටන්ගත්ත මුල් කාලෙ ඉදලමයි. එයා ඒ කාලෙ ඉදලම ගොඩක් නිර්මාණශීලී කොල්ලෙක්. එයාගෙ නිර්මාණ හැකියාව උපරිමයටම අරගෙන යන්න එයාට උදව් කලේ මං. එයා දැන් සාර්ථක ලේඛකයෙක්ගෙනුත් එහාට ගිහින් අති සාර්ථක ලේඛකයෙක් වෙලා ඉවරයි..

   ඒත් එයා දැන් එයාගෙ නිර්මාණකරණයට එයාගෙ චින්තන ශක්තිය පාවිච්චි කරන්නෙ නෑ. එයා අවුරුද්දකටම එක පොතක් ලියල ඉතුරු දවස් ටික මාධ්‍යය සාකච්ඡා වලයි , සම්මන්ත්‍රණ ශාලාවයි ගත කරනව. අඩුමගානෙ එයාට නිදාගන්නවත් වෙලාවක් නෑ. ඉතින් එයා එයාගෙ චින්තන ශක්තිය පාවිච්චි කරන්නෙ නැති උනහම කෝ මට කෑම ?.  මම ටිකෙන් ටික දුර්වල වෙනවා.

      පහුගිය කාලෙ එයා පාඨකයො ගැන පවා හිතුවෙ නෑ. මමයි එයාගෙ මුහුණුපොතෙන් විවිධ තරඟ පවත්වල එයාව මිනිස්සුන්ට සමීප කරන්න උත්සාහ කලෙත්. මට ඔයාව හම්බවුනෙත් ඒ විදිහට..

     ඉතින් මම එයාගෙ වෙනස් වීම ගැන එයාට කියන්න කීප දවසක්ම උත්සාහ කලා..ඒත් එයාට ඒව අහන්නවත් වෙලාවක් නෑ. ඒකයි මම එයා එක්ක තරහවෙලා එන්න ආවෙ.

"ඉතින් මගෙන් ඔයාට මොනවද වෙන්න ඕන? " ඇයි ඔයා මෙහාටම ආවෙ..

මම කතෘ බූතයාගෙන් ඇහුවා.

මම බටුවන්ගල මහත්තයගෙ කතෘ බූතයා. මට හැමෝවම විශ්වාස කරන්න බෑ. ඒත් ඔයා එක්ක කතා කලාම මට තේරුනා ඔයා විශ්වාස කරන්න පුළුවන් හොඳ දරුවෙක් කියලා..

"මගේ අගය බටුවන්ගල මහත්මයාට ආපහු තේරෙනකම් ඔයාට මාව ඔයාගෙ කාමරේ තියාගන්න පුළුවන් ද?" බූතයා ඇහුවා.

මේ අපූරු බූතයාව එළවල දාන්න මගෙ හිත මට ඉඩ දුන්නෙ නෑ. එයාගෙ අපූරු හැකියාව බලාගන්නත් මට පුදුමාකාර ආසාවක් තිබුනෙ..ඒ නිසා මම එයාට අලුත් ලේඛකයෙක් ලැබෙනකම් මගෙ කාමරේට වෙලා ඉන්න ඉඩදුන්නා. හැබැයි ඒ එක පොරොන්දුවක් උඩ.

ඒ තමයි එයාගෙ අපූරු බලය මටත් පෙන්නනව කියන පොරොන්දුව!!!

          මේ බූතයා ගැන අපූරු කතාවත් හංගගෙන එදා දවස ගෙදරට වෙලා ඉන්න එක ගොඩක් අමාරු දෙයක් වෙලයි තිබුනෙ.

අම්ම කීප වතාවක්ම මට මොකක්හරි ලෙඩක්වත් හැදීගෙන එනවද කියල ඇහුව මට ලාවට මතකයි.. 

කොහොමහරි රෑ මම කලින්ම නිදාගන්න කියල කාමරේට ආවෙ කතෘ බූතයගෙ අපූරු හැකියාව බලාගන්නත් එක්ක.

හොඳයි දරුවෝ. ඔයා නිදාගන්න කලින් ඔයාගෙ මනස හොඳට නිදහස් කරල එක දෙයක් ගැන හොඳට හිත යොමු කරන්න. ලස්සන දෙයක්..

මම කොච්චර හිතුවත් මට කිසිම  දෙයක් හිතාගන්න බැරිවුනා.. ඒත් ටිකක් කල්පනා කලාම මට මතක්වුනා  ඊයෙ රෑ බලපු ඡැක් සහ මායා බෝංචි වැල චිත්‍රපටය ගැන..

මට එච්චරයි මතක.

"ඡැක් පුතේ නැගිටින්න."

     මම අවදිවුනේ පුංචි කුඩා ගෙදරක. ඒ ගෙදර ලස්සන කාන්තාවක් හිටියා. එයා මගෙ අම්ම..

ඔව් මම තමයි ඡැක්..

මට බූතයගෙ බලයෙන් රෑ වෙච්ච දේවල් ඔක්කොම  ඔයාලට කියන්න බෑ. ඒත් මම එලදෙනව දීල ගත්ත බොංචි ඇටවලින් පැළවුන සුවිශාල බෝංචි වැලෙන් අහසෙ මාලිගාවට ගිහින් යෝධයගෙ රත්තරන් බිත්තර දාන කිකිලිව හොරකම් කරගෙන ඇවිත් ලොකු සල්ලිකාරයෙක් උන හැටි මට තාමත් මතකයි. 

          එලදෙනව දීල බොංචි ඇට ගෙනාව වෙලාවෙ අම්ම ඇන්න ටොක්කට තාමත් මගෙ ඔලුව රිදෙනව.

 ඒත් මම තාමත් ගෙදර ඇඳ උඩ. අද ඉරිද . දැන් වෙලාව උදේ අටයි.

එතකොට ඊයෙ රෑ උන දේවල්. මම ඒ ලෝකෙ ගතකරපු දවස් ගාන. මගෙ ඇගට දැනුන දැනීම්.

"පොඩ්⁣ඩෝ ඔයා නැගිට්ටද?" කතෘ බූත⁣යගෙ කටහඬ මගේ කණ ගාවින් ඇහුනෙ හීන් කෙදිරියක් වගේ..

"කොහොමද ඊයෙ රෑ"

මට හිතාගන්න බෑ ඒ මොකක්ද උනේ කියල..

"ඒක තමයි මගේ  බලය. මට  පුළුවන් ඔයා හිතන දේ ඇතුලට ඔයාව අරගෙන ගිහින් ඔයාගෙ සිතුවිලි අංගසම්පූර්ණ නිර්මාණයක් කරන්න.." බූතයා කිව්වා

ඕහ් ඒක නම් පුදුමාකාරයි..

"හරිනම් ඔයා ඒක ලියගන්න ඕන පොඩ්ඩෝ..ඒක ලස්සන කතාවක්"

ඔව් ඒක ගොඩක් ලස්සනයි. හැබැයි ඒක දැනටමත් ලෝකෙ හැමෝම දන්න කතාවක්. මම බූතයට කිව්වා..

ඊයෙ රෑ පුරාම ඇහැරිලා ඉදගෙන ඔයාගෙ සිතුවිලි වලට පණ දීල මට ටිකක් මහන්සියි.  මම පෙට්ටිය ඇතුලට වෙලා නිදාගන්නව. සුබ දවසක් පො⁣ඩ්ඩෝ. එහෙම කියපු බූතයා අර කාඩ්බොඩ් පෙට්ටිය ඇතුලට රිංගාගත්තා..

පෙට්ටිය මගේ මේසෙ කෙලවරකින් තියපු මං කාමරේටම වෙලා පොතක් කියවන්න ගත්තෙ බූතයව දාල යන්න හිත හදාගන්න අමාරු කමට..

පුතා මෙන්න ඔයාව හම්බවෙන්න කවුද ඇවිල්ලා..

අම්ම කතාකරන සද්දෙ එක්ක මම කියව කියව හිටපු පොත ඇඳ උඩින් තියල සාලයට ගියේ මගේ කරදරකාර යාලුව සිතිඡ ඇවිත් කියල හිතාගෙන. නමුත් ඒ ඇවිත් හිටියෙ මම තුන්හිතකින්වත් හිතපු කෙනෙක් නෙවෙයි..

බටුවන්ගල මහත්තයා!!!

 පුතා මට ගෙදරට එන්න කියන්නෙ නැද්ද. එතුමා නිවසේ දොරකඩට වෙලා ඉදගෙන ඇහුවා..

      එතුමා සිනාසුන බවක් පිටතට පෙන්නුවත් මට නම් පෙනුනෙ හිතේ තිබුල දුක්බර බව මුහුණෙන් පෙනෙන බවක්..

එන්න සර් ගෙට.. මම බටුවන්ගල මහතාට කිව්වා.

මේ කවුද පුතා . ඔයා මට ඒ ගැන කියන්නෙ නැද්ද?

ඒ කතා කලේ අම්මා..

මේ බටුවන්ගල සර් අම්මේ. අර පොත් ලියන සර්.   මට අර තෑග්ගක් එවනව කිව්ව කෙනා..

"එවනව කිව්වෙ තෑග්ග තාම ආවෙ නැද්ද?" බටුවන්ගල මහත්මයා කලබල වෙලා වගේ මගෙන් ඇහුවා..

ආව සර්.කලබලයට පත්වුන මම කිව්වා..

       

    මිස් මම මෙහෙට ආවෙ මිස්ගෙ පුතාව හම්බවෙන්න.මට හිතෙන්නෙ මගෙ අතින් වැරදීමකින් මගෙ වටින යමක් එයාගෙ තෑගි පෙට්ටියට වැටිල කියලයි..

"එතුමා කියන්නෙ බූතය ගැනද?" මගේ හදවත ඩිහ් ඩිහ් ගෑවා..

"මොකක්ද නැතිවෙලා තියෙන්නෙ මිස්ටර් බටුවන්ගල . ගොඩක් වටින දෙයක්ද?" මගෙ අම්මා ඇහුවා..

"නෑ නෑ මැඩම් කලබල වෙන්න එපා. එහෙම දෙයක් නෙවෙයි මේ මට ආව ලියුමක්." බටුවන්ගල මහතා අපහසුවෙන් පිළිතුරු දුන්නා..

"ඔයාට පුළුවන් නම් මට තෑග්ග ආව පෙට්ටිය පෙන්නනවද පුතේ."

මට කියන්න දෙයක් ඉතුරු උනේ නෑ. කාමරයට ගිය මම බූතයව ඇහැරවල සිද්ධිය ගැන කිව්වා..

ළමයෝ මම මෙහෙ ඉන්නව කියල බටුවන්ගලට දැනගන්න තියන්න එපා බූතයා  කිව්වා.

බූතය එළියට ආවට පස්සෙ මම පෙට්ටිය අරගෙන ගිහින් බටුවන්ගල මහත්මයාට පෙන්නුවා..

පෙට්ටිය අතට අරගෙන ටිකක් වෙලා ඒ දිහා බලාගෙන හිටපු බටුවන්ගල මහත්මයා ,

මට වැරදීමක් වෙලා වගේ මම ගිහින් එන්නම් කියල අපේ ගෙදරින් යන්න පිටත්වුනා....

ඔහුගේ පෙනුමෙ තිබුනෙ සතුටට පත්වුන බවක්...

      එතුමා අපේ ගෙදරින් පිටත්වුන ගමන් මම නැවතත් දුවගෙන ගියේ මගෙ කාමරේට. බූතයා මම එනකං මේසෙ උඩ වාඩිවෙලා හිටියා..

"එයාට දැන් මාව මතක්වෙලා වගේ ඇවිත් තියෙන්නෙ. පහුගිය කාලෙත් එයා ඔය වගේ මගෙ ගැන හෙව්වනං මට මෙහෙම එයාව දාල එන්න වෙන්නෙ නෑනෙ." එයාට තව ටිකක් මහන්සි වෙන්න අරින්න ඕන බූතයා කිව්වා...

කොහොමහරි එදා දවසම බූතයයි මමයි විවිධ දේවල් ගැන කතා කර කර තමයි ගත කලේ..

භූතයා විසින් ඈත සමයේ ප්‍රකට ලේඛක හැගාඩ් මහතා සමඟ ගතකල කාලය ගැන මට විස්තර කිව්වා..

 පෙනුමෙන් අවුරුදු තිහක පමණ තරුණයෙක් උනත් බූතයා අවුරුදු දහස් ගානක් වයස බවයි මට කතාවෙන් කතාවෙන් තේරුනේ..

  

බූතයා නිතරම වැනිල බොන්න පුරුදු වෙලා හිටපු නිසා එයාගෙ ලඟින් නිතරම වැනිල සුවඳ එන බවත් එයා කිව්වා.. මම ඒ සුවඳට ගොඩක් ආස කලා.

අපි ගොඩක් සතුටින් කාලය ගත කලා...

කොහොමහරි ඉරිද රෑත් උදාවුනා..

මම එදා රෑ නම් කිසිම දෙයක් හිතේ තියා නොගෙනයි නිදාගත්තෙ. මොකද බූතයව තවත් වෙහෙසට පත් කරන්න මට හිතුනෙ නෑ. මටත් නොදැනි මගේ හිත පුරාම හිටියෙ කතෘ බූතයා විතරමයි..

    පුදුමයකට වගේ කලින් දවසෙ වගේම කතෘ බූතයා එදා රෑත් මාව පුදුමාකාර සිදුවීමකට අරගෙන ගියා.

 

සඳුද උදේ නැගිටපු ගමන් මම මුලින්ම කලේ මම රාත්‍රීයෙ විදපු අද්දැකීම එක හුස්මටම මම ලෑස්ති කරගත්ත පොතක ලියපු එක.. 

         මම ඒකට ලස්සන නමකුත් දැම්මා.

ඒක ආයි පාරක් කියවල බැලුවම මට හිතුනෙ ඒක අමුතුම  කෙටිකතාවක් කියලයි.

අද ඉතින් සඳුදා. සතියෙ දවසක්!!!

 

 ඉතින් මට පාසල් යන්න උනා.. මම කතෘ බූතයට පෙට්ටිය ඇතුලෙ හැංගෙන්න කියලයි ඉස්කෝලෙ ගියේ.

මොකද අම්ම කාමරේට අැවිත් බූතයව දැක්කොත් ලොකු ප්‍රශ්නයක් වෙන්න පුළුවන් කියල මට තේරිලයි තිබුනෙ.

මට එදා දවසෙ , ඉස්කෝලෙ කිසිම පාඩමක් ගැන සිහියක් තිබුනෙ නෑ. මට ගෙදර එන්න තමයි ඕන උනේ.. කොහොමහරි ඉස්කෝලෙ ඇරෙන වෙලාව පැමිණීමත් එක්ක මම එක හුස්මටම ගෙදර දුවගෙන ගියේ කතෘ බූතයව දැකගන්න..

එ්ත් ගෙදර ගියාට මගෙ කාමරේ කතෘ බූතය හිටියෙ නෑ. මම හැමතැනම කතෘ බූතය හිටපු පෙට්ටිය හෙව්වා.ඒකත් නෑ..

හොයල හොයල බැරිමතැන මම අම්මගෙන් ඒ ගැන අහන්න තීරණය කලා..

අම්මේ කෝ මට අර බටුවන්ගල මහත්මයගෙන් තෑග්ග ලැබුන පෙට්ටිය ? මම අම්මගෙන් ඇහුවා..

"පුතේ ඔයා ඉස්කෝලෙ ගියාට පස්සෙ ආපහු බටුවන්ගල මහත්තයා ආවා.. එයාගෙ ලියුම එයා ඔයාට තෑගි දීපු පොතක් අස්සෙද දන්නෑ කියල එයාට ගෙදර ගියාට පස්සෙ හිතුනලු. මම එයාට කිව්ව ඔයාගෙ කාමරේට ගිහින් හොයල බලන්න කියල..

    ඒ ගිය ගමන් තමයි එයා ඔය පෙට්ටිය අරගත්තෙ. එයා මගෙන් ඒක ඉල්ලුව තව ලමයෙක්ට තෑග්ගක් යවන්න තියෙනව කියල..එයා ලඟ තිබුන පෙට්ටි ඔක්කොම ඉවරලු."

"මම කිව්ව කමක්නෑ ගෙනියන්න කියල. හිස් පෙට්ටියක්නෙ පුතේ. අනික ඒක ඔයාට එව්වෙත් එයානෙ....."

ඉවරයි!!"

ඔක්කොම ඉවරයි.

මට දැනුනෙ මුලු ඔක්කොම විනාස වෙලා වගේ. බටුවන්ගල මහත්තයා කොහොමහරි එයාගෙ බූතයව අරගෙන ගිහින්. මගෙ යාලුවව මට නොකියම අරගෙන ගිහින්..

මම අම්මට මුකුත්ම නොකියා කාමරේට ආවා.

ඇවිත් මට පුළුවන් තරම්ම ඇඬුවා..

එත් මොනව කරන්නද කතෘ  බූතය ආපහු එන්නෑ. බටුවන්ගල මහත්තයා එයාව අරගෙන ගිහින්. එයාල දෙන්න දැන් මොනව කරනවද දන්නෑ. ගෙදරින් පැනල ආවට බටුවන්ගල මහත්තයා බූතයට දඬුවම් කරනවද දන්නෙත් නෑ...

අඬල අඬල මගෙ නහයත් හිරවුනා. මම නහය පිහදාගන්න ලඟපාත ලේන්සුවත් නැති නිසා අැද උඩ තිබුන පොරවන රෙද්දවත්  අරගන්න ඕන කියල හිතල ඒක උස්සනකොට මම දැක්කා එතන ලියමක් තියෙනවා..

ඒක ලියල තිබුනෙ බටුවන්ගල මහත්තයා!!! හැබැයි එයා ඒක ලියල තිබුනෙ කතෘ බූතයා වෙනුවෙන්...

...................................................................

     ආදරණීය තරිඳු ,,

       ඔයා ඉස්කෝලෙ  ගියාට පස්සෙ බටුවන්ගල මහත්තයා  මාව හොයාගෙන ආවා. එයා මම ඔයාගෙ ලඟ ඉන්න බව දැනගෙන තියෙන්නෙ පොත් පෙට්ටිය ආව ලිපිනයෙන්. පෙට්ටියෙන් ආව වැනිල සුවඳින් එයා හරියටම මම මෙහෙ ඉන්නවා කියල දැනගෙන..  අද අපි දෙන්න පහුගිය කාලයේ වෙච්ච දේවල් ගැන ගොඩක් කතා කලා..ඒ වෙනකොටත් නිර්මාණ ශක්තිය නැතුව මම ගොඩක් දුර්වල වෙලයි හිටියෙ. බටුවන්ගල මහත්මයා  වෙච්ච දේවල් වලට මගෙන් සමාව ඉල්ලුවා. එයා අත්භූත භයානක කතාවල අත්දැකීම් රෑ පුරා විඳල වෙහෙසට පත්වුන නිසාලු වැඩිය නිර්මාණ වලට හිත යොමු නොකලේ. 

     මම එයාට කිව්වා අත්භූත පැත්තෙන් ටිකක් මිදිලා වික්‍රමාන්විත රහස්පරීෂක කතා පැත්ත⁣ට හිත යොමු කරන්න කියලා.

     මම දන්නවා ටිකක් කාර්යබහුල උනාට එයා හොඳ මනුස්සයෙක් කියල. එයා මට පොරොන්දු උනා ආයි මාව බඩගින්නෙ තියන්නෙ නෑ කියල. ඉතින් මම එයා එක්ක ආපහු යන්න තීරණය කලා. පහුගිය දවස් දෙකේ මාව බලාගත්තට ඔයාට ගොඩක් ස්තූතියි. ඔයාට පුළුවන් වෙලාවට මාව බලල යන්න එන්න. බටුවන්ගල මහත්මයා ඒකට මුකුත් කියන්නෑ කියල මට පොරොන්දු උනා..

        ඔයා කවදහරි දවසක හොඳ නිර්මාණ ශක්තියක් තියෙන දක්ෂ ලේඛකයෙක් වෙයි කියල මම විශ්වාස කරනවා.. එතකොට ඔයාව හොයාගෙන ඔයාගෙම කතෘ බූතයෙක් එයි..

  

               මීට ඔයාගෙ යාලු කතෘ බූතයා

ඊට යටින් බටුවන්ගල මහත්මයාත් වචන ස්වල්පයක් ලියල තිබුනා..

       තරිඳු පුතේ , ඔයා මගේ කතෘ බූතයව පරිස්සමට බලාගෙන තියෙනවා කියල මට පේනවා. ඒකට ගොඩාක් ස්තූතියි. ඔයාට කැමති වෙලාවක මගේ ගෙදර අැවිත් කතෘ බූතයව බලල යන්න. මගේ අලුත්ම පොත් පිරුණු රාක්කයකුත් ඔයා වෙනුවෙන් එහේ බලාගෙන ඉන්නවා. අපේ පුංචි රහස රහසක් විදහටම තියාගන්න...

තාමත් ඔයාගේ ප්‍රියතම ලේඛකයා යැයි සිතන මම බටුවන්ගල.

......................................................................

ලියුම කියවපු මම , ලඟදිම බූතයව බලන්න යනව කියලත් හිතාගෙන ඒ ලියුම පරිස්සමට නවලා කතෘ බූතයා ගැන මට ඉතුරු වුන අනෙක් වටිනාම මතක සටහන ඇතුලෙන් දැම්මා..

    ඔව් ඒ මතක සටහන තමයි මම කතෘ බූතයගෙ බලයෙන් ඉරිද රෑ සිහිනයෙන් විදපු අත්දැකීම් ගැන ලියපු පොත. මට දැනුනෙ ඒ ලියුමත් එ් පොතේ තිබුන කතාවෙම කොටසක් වගේ..

 ඒ පොත වහද්දි මම ඒදා රෑ විඳපු අත්දැකීම සම්බන්ධ කෙටිකතාවට දාපු නම රතුපාටින් පැහැදිලිව පෙනුනා.

ඒකෙ නම තමයි කතෘ බූතයා!!!

     

හිරු නොබසින අධිරාඡ්‍යයේ මහරැඡිනිගෙ කතන්දරේ👑😅

    මටත් ඉදල හිටල එකපාරටම එක එක පිස්සු හැදෙනවනෙ. ඊයෙ රෑ දහයට විතර පොතක එංගලන්තයේ මහරැඡිනගෙ දියමන්ති ඡුබිලිය ගැන කියව කියව ඉන්න ගමන් මට හිතුනා රැඡිනගෙ  සැමියා ගැන පොඩ්ඩක් අන්තර්ඡාලයෙන් හොයල බලන්න..
     ඒක හොයන්න ගියාම තමා මම දැනගත්තෙ එයා තාමත් සුවෙන් සනීපෙන් අවුරුදු 99 ක් ආයු වලඳමින් ඉන්නව කියල. මැන්ඩෙලා ඉෆෙක්ට් එකට අහුවෙලාද කොහෙද මම මෙච්චර දවස් හිතාගෙන හිටියෙ පිලිප් කුමාරය කප් එක ගහල ගොඩක් කල් කියලයි😅

මම ඉතින් මේ ගැන මහා ලොකු ඇවිස්සිල්ලක් ඇවිස්සුවේ නෑ. බොහොම සරල හොයා බැලිල්ලක් තමා කලේ. හැබැයි ඔයාල දන්නවනෙ මම ඉතින් යමක් ගැන හොයන්න ගත්තම චුට්ටක් විතර අක් මුල් හොයන්න යනවනෙ.       එහෙම ගිය ගමන අන්තිමට නතර උනේ එංගලන්තයේ ඔටුන්න තියාගෙන හිටපු හැඩකාර යුවතිය වික්ටෝරියා මහාරාඡිනිය ගාවින්🤭

මම මුලින්ම කියන්න කැමතියි මේක කියවන්න කලින් මම දාන ඉමොඡි ගැන හොඳට හිතේ තියාගෙන කියවන්න කියන එක.

👑 ඉමොඡිය දාල තියෙන්නෙ රඡ උන අයට

🌟 ඉමොඡිය තියෙන්නෙ රඡ නොවුනත් අතිශය වැදගත් අයට

👑💔 ඉමොඡිය දාල තියෙන්නෙ රඡකම අහිමි උන අයට

මම මගේ හෙවිල්ල අවසන් කලේ වික්ටෝරියා මහ රැඡිනගෙන් කියල මම කලින්ම කිව්වනෙ. දැන් එහෙනං අපි එතනින් පටන්ගමු.

..........................................................................

👑 වික්ටෝරියා මහ රැඡින (Queen Alexandrina Victoria) තමයි ඈත අතීතයේ ලංකාව යටත්විජිතයක් උන සමයේ , ශ්‍රීමත් ආතර් කොනන් ඩොයිල් ශර්ලොක් හෝම්ස් ලියපු කාලයේ එංගලන්තෙ පාලනය කොරාපු රැඡින.

ඇයගෙ උපත - 24 May 1819
ඇය මියගියේ - 22 January 1901

අර මේ ලඟදි තඩි යට ඇඳුමක් බර ගානකට වෙන්දේසි උනේ මේ රැඡිනගෙ තමා🤭

ඇය විවාහ වෙලා හිටියෙ ඇල්බට් කුමාරයා (Prince Francis Albert Augustus Charles Emmanuel) එක්කයි. ඔවුන් දෙදෙනට  ළමයි නව දෙනෙක්ම ඉන්නව. ඒ කාලෙ ඉතිම් පවුල වැඩි තරමට හොඳ ඇති. හ්ම්ම්..

මේ නවයෙන්

👑 හත්වන එඩ්වඩ් (Edward VII)කියන ලොකු පුතාට තමා ඇයගෙ ඇවෑමෙන් හිරු නොබසින අධිරාඡ්‍යයේ රඡකම ලැබෙන්නෙ.

🌟 තව ඇලිස් කියල දුවෙකුත් ඉන්නව (princess Alice Maud Mary) ..( මෙයාවත් විශේෂයෙන්ම මතක තියාගන්න)

..........................................................................

👑 අම්මගෙන් රඡකම ලබාගත්ත හත්වන එඩ්වඩ් රඡතුමා (King Edward VII) වසර හයක් රට පාලනය කලා.

හත්වන එඩ්වඩ් රඡුට (Edward VII)  සහ ⁣ඔහුගේ බිරිඳ ඩෙන්මාර්කයේ ඇලෙක්සැන්ඩ්‍රා කුමරියට (Alexandra Caroline Marie Charlotte Louise Julia) ළමයි හය දෙනෙක් හිටියා.

ඒ අතරින් ඔහුට  හිටියා රඡකමට උරුමකම් කියන ලොකුම ලොකු පුතෙක්👑👑👑

👑💔 ඔහුගේ නම තමයි ඇල්බට් වික්ටර්. (Albert Victor Christian Edward) මොහු විවාහ ගිවිසගෙන  හිටියෙ මේරි කුමරිය (Princess Victoria Mary Augusta Louise Olga Pauline Claudine Agnes) එක්ක.
 නමුත් අවාසනාවන්ත අසනීපයකින් මෙයා අවුරුදු 28 න් මිය යනව.

හැබැයි කොල්ල මැරුන කියල මේරි කුමරිය නම් තනිකඩව ඉන්නෑ. ඇය බඳිනව ඔහුගෙ බාල සහෝදරය පස්වන ඡෝර්ඡ්ව. (George Frederick Ernest Albert)

👑අයිය මැරුන නිසා තාත්තගෙ ඇවෑමෙන් එංගලන්තෙ රඡ පුටුවයි අයියගෙ බිරිඳ වෙන්න ගිය කෙනාවයි දෙකම අයිති කරගන්නෙ මෙන්න මේ පස්වන ඡෝර්ඡ් කුමාරයයි. (George Frederick Ernest Albert)

..........................................................................

👑 පස්වන ඡෝර්ඡ් රඡතුමාත් වසර විස්සක පමණ කාලයක් හිරු නොබසින අධිරාඡ්‍යය පාලනය කරනව.

ඔහුට සහ ඔහුගේ බිරිඳ මේරි කුමරියට ළමයි හය දෙනෙක් ඉන්නව..

මේ අතරින් වැඩිමලා සහ ඔටුන්නට හිමිකම් කියන්න ඉන්නව කුමාරයෙක්..

ඔහු තමයි 👑💔 අටවන එඩ්වඩ්.

👑💔 අටවන එඩ්වඩ් තමන්ගෙ උරුමයේ හැටියට රඡකම බාර ගන්නව(Edward Albert Christian George Andrew Patrick David)

..........................................................................

මේ 👑💔 අටවන එඩ්වඩ් (King Edward Albert Christian George Andrew Patrick David) කියන්නෙ සුවිශේෂී රඡ කෙනෙක්.

  මොහුට ආදරයක් ඇති වෙනව දෙපාරක් දික්කසාද ⁣උන ගෑනු කෙනෙක්ට. ඇයගෙ නම තමයි Wallis Simpson.

 තමන්ගෙ රඡතුමා දෙවරක් දික්කසාද උන ගැහැණියක් සමඟ විවාහ උනොත් රටේ රාඡකීයත්වයට ලොකු අපකීර්තියක් වෙනව වගේම  විශේෂයෙන්ම ඇය දික්කසාද උන සැමියෙන් ඡීවතුන් අතර සිටින නිසා ඇයට විවාහ උනත් රැඡින කියල ආමන්ත්‍රණය කරන්න බැරි බව පාර්ලිමේන්තුව සහ අගමැතිවරයා ප්‍රකාශ කරනව. මේක බ්‍රිතාන්‍යයේ නම්බුවට කනේ පහරක් වෙන්න යන බව තමා හැම අතින්ම කියවෙන්නෙ.

      මේ ගැන දුරදිග හිතන රඡතුමා  ඔටුන්නද ආදරයද කියන තැන අතරමං වෙලා අවසානයේ දැඩි තීරණයක් ගන්නව.

ඒ තමයි ඔහුගෙ රඡකම ඔහුගේ සොයුරා 👑 හයවන ඡෝර්ඡ්ට (Albert Frederick Arthur George) දීල ප්‍රේමයේ නාමයෙන් අර කාන්තාවව විවාහ කරගන්න. අන්න රඡවරු😍😍😍

        ඔහු අවසානයේ  මාස එකොළහයි රඡකම් කරල , රඡකම අතහැරල තමන් ආදරය කරන කාන්තාවව විවාහ කරගන්නව. නමුත් ඒකෙ ප්‍රතිඵලය වෙන්නෙ ඔහු සහ ඔහුගේ පරපුරට එංගලන්තයේ රඡකමට ඇති අයිතිය  නැති වීමයි.

ප්‍රසිද්ධ තොරතුර තමයි අටවන එඩ්වඩ් රඡතුමාට ළමයි නෑ කියන එක.

😑නමුත් කතාවක් තියෙනව ඔහුට දියණියක් සහ පුතෙක් හිටපු බව. ඔවුන් ගැන ඉතිහාසයේ නම් හරි සඳහනක් නෑ.

..........................................................................

කොහොමහරි අටවන එඩ්වඩ් රඡතුමා රඡකම අතහැරීම එක්ක ඔහුගේ සහෝදරයා උන 👑 හයවන ඡෝර්ඡ්ට රඡකම ලැබෙනව.(King Albert Frederick Arthur George)

ඔහු විවාහ වෙන්නෙ එළිසබෙත් (Elizabeth Angela Marguerite Bowes-Lyon) කියල කුමාරිකාවක් එක්කයි. මේ කියන්නෙ වර්තමාන මහරැජිනගෙ අම්ම ගැන.

එම විවාහයෙන් ඔවුන් දෙදෙනට ඉන්නෙ එකම ගෑනු දරුවන් දෙන්නෙක් විතරයි.

ඒ අතරින් වැඩිමල් දරුවව ඔවුන් නම් කරනව 👑👑👑 දෙවන එළිසබෙත් කියල.(Elizabeth Alexandra Mary)

..........................................................................

👑👑👑තම පියාවන හයවෙනි ඡොර්ඡ්ගෙන් රඡකම ලබාගෙන මේ වෙනකොටත්  දෙවන එළිසබෙත් රැඡින (Queen Elizabeth Alexandra Mary) එංගලන්තය පාලනය කරනව👑👑👑


🌟🌟🌟🌟🌟🌟🌟🌟🌟🌟🌟🌟🌟🌟🌟

    දැන් ඒ කතාව හමාරයි. අපි ආපහු කතාවෙ මුලට යමු.

ඔයාලට මතකද දන්නෑ මම මුලින්ම කිව්වා 👑 වික්ටෝරියා රැඡිනට ළමයි නව දෙනෙක්ම හිටපු බව.

මේ අතරින් එලිසබෙත් රැඡිනගෙ ලොකු පුතා 👑 හත්වන එඩ්වඩ්ට  රඡකම ලැබෙද්දි , වික්ටෝරියා රැඡිනට තව 🌟 ඇලිස් (Alice Maud Mary) කියල දුවෙකුත් හිටිය කියල මම ඔයාලට මුලින්ම කිව්වා.

මෙන්න මේ 🌟ඇලිස් කුමාරිකාව හතරවන ලුයිස් කියල ඩියුක් කෙනෙක්ව (Frederick William Louis Charles) විවාහ කරගන්නව.

මොවුන්ට ළමයි හත් දෙනෙක් ඉන්නව.

මේ අතරින් 🌟වික්ටෝරියා (Victoria Alberta Elisabeth Mathilde Marie) කියන කුමරිය සුවිශේෂීයි. (මෙයා රැඡින නෙවේ ඈ, රැඡින⁣ගෙ මිණිබිරියක්🙃)

ඇය විවාහ වෙනව තවත් ලුයිස් ලුයිස් ( prince Louis Alexander Mountbatten) කියල නම තියෙන ඡර්මන්  කුමාරයෙක් එක්ක. (තාත්⁣තගෙ නමම තියෙන කෙනෙක්😅)

ඔවුන්ට ළමයි හතර දෙනෙක් ඉන්නව.

ඒ අතරින් වැඩිමල් දුව 🌟 ඇලිස් (Victoria Alice Elizabeth Julia Marie) සුවිශේෂීයි. (එකම නම ඈ😅)

මේ ඇලිස් විවාහ වෙනව ඇන්ඩෲ කියල ග්‍රීක (Prince Andrew of Greece) කුමාරයෙක් එක්ක.

මොවුන්ට ළමයි පස් දෙනෙක් ඉන්නව.

ඒ අතරින් සුවිශේෂී දරුවා තමා පවුලේ බාලයා උන  🌟🌟🌟පිලිප් කුමාරයා.

පස්සෙ කාලෙක එංගලන්තෙ රැඡින උන 👑👑👑 දෙවන එළිසබෙත්ව බැන්දෙ ඔය කියන 🌟🌟🌟පිලිප් කුමාරයා තමා.

       අන්තිමට බලනකොට දෙන්නම  වික්ටෝරියා මහ රැඡිනි අාච්චි අම්මගෙ ළමයි තමා😍

හැබෑටම මොකක්ද මේ මැන්ඩෙලා බලපෑම

               මේ මැන්ඩෙලා බලපෑම , එහෙමත් නැත්නම් මැන්ඩෙලා ඉෆෙක්ට් කියන්නෙ විශාල පුද්ගලයන් පිරිසක් විසින් කිසිම විදියකට සිද්ධඋනේ නැති දෙයක් ගැන විශ්වාස කිරීම.

ඇත්තටම මේ මැන්ඩෙලා සිදුවීම ගැන ලෝකයා දැනගත්තේ කොහොමද? මේකට මැන්ඩෙලා බලපෑම කියන නම වැටුනේ කොහොමද කියන එක ගැන අපි දැන් විමසා බලමු..

      2009 වසරෙදි Fiona Broome  කියන මාධ්‍යවේදිනිය තමන්ගෙ වෙබ් පිටුවේ කතා බහක නිරත වෙන ගමන් ප්‍රකාශ කරනවා ඇයට 1980 දි දකුණු අප්‍රිකානු සිර මැදිරයකදි අප්‍රිකානු ඡනාධිපති නෙල්සන් මැන්ඩෙලා මහත්මයා  මිය ගිය එකේ මතකයන් ගැන.
      නමුත් නෙල්සන් මැන්ඩෙලා මහත්මයා සැබෑවටම මිය යන්නෙ 2013 වසරෙදියි.

  2013 එතුමා මිය ගියාට පස්සෙ Fiona Broome මහත්මිය නැවතත් මැන්ඩෙලා 1980 හිරේදි මියගියා කියල හිතන ඇයගෙ මතකය ගැන වෙබ් සටහනක් පළ කරනවා. එතකොට තමයි සිද්ධිය ගින්නක් වගේ ඇවිලිලා යන්නෙ.
   1980 දි මැන්ඩෙලා මහත්මයා මියගියා කියල හිතන , ඒක ගැන නිව්ස් එහෙමත් කියෙව්වා කියල හිතන බොහෝ පිරිසක් ඇය එක්ක ඒකරාශි වෙනව..
මැන්ඩෙලා 2013 දි නම් මියගියේ ,,,, මිනිස්සුන්ට 1980 තිබුන ඔහුගේ මළගෙයක් ගැන හිතේ තියෙන්නෙ කොහොමද?

       මේ සිද්ධිය ගැන පුදුමඋන Fiona Broome ,, තවත් වෙබ් අඩවියක් ආරම්භ කරනවා mandela effect එක හා ඒ සමාන අත්දැකීම් බෙදාහදා ගන්න.

එතනින් තමයි ලස්සනම ⁣සිද්ධි ටික එළියට එන්නෙ.
මේ තියෙන්නෙ ඒකෙදි හෙළිවුන ප්‍රසිද්ධ සිද්ධි කිහිපයක්.

1. බ්‍රිතාන්‍යයේ මිනිස්සු බොහෝ පිරිසකට අටවෙනි හෙන්රි රඡතුමා කළුකුම් කකුලක් කන චිත්‍රයක් ගැන මතක තියෙනව. නමුත් සැබෑවටම එහෙම චිත්‍රයක් නෑ.

2. ස්ටාර් වෝර්ස් පිස්සන් බොහෝ දෙනෙකුට Star Wars: Episode V තුළ ඩාත් වේඩාර් විසින් තමන්ගෙ පුතා ලූක් ස්කයිවෝකර්ට ,,

"Luke, I am your father."  කියන දෙබස කියනවා හොඳට මතක තියෙනව..

නමුත් සැබෑ චිත්‍රපටය තුළ ලූක් කියල වදනක් නෑ.

"No, I am your father." කියලයි තියෙන්නෙ.

3. නවසීලන්තය සහ ඕස්ට්‍රේලියාවෙ පිහිටීම ගැනත් මිනිස්සුන්ට මෙවැනිම බලපෑමක් වෙලා තියෙනව.

මිනිස්සු බොහෝ පිරිසකට මතක තිබිල තියෙන්නෙ ඕස්ට්‍රේලියාවට ඊසාන දෙසින් නවසීලන්තය පිහිටා තිබෙන බවයි..

නමුත් සැබෑවටම නවසීලන්තය පිහිටා තියෙන්නෙ ඕස්ට්‍රේලියාවට ගිණිකොණ දෙසින්

4. තවත් පිරිසකට 1990 ආව Shazaam කියල චිත්‍රපටයක් ගැන මතකයක් තිබිල තියෙනව. නමුත් සැබෑවටම ඒ කාලෙ එහෙම චිත්‍රපටයක් තිබිල නෑ. නමුත් Kazaam කියල ලමා චිත්‍රපටයක් නම් තිබිල තියෙනව

5.  ඇමරිකානු පාසල් වල උගන්වන ආකාරයට ඇමරිකා එක්සත් ඡනපදයේ පියා තමයි Alexander Hamilton.  නමුත් ඔහු කවදාවත් ඇමරිකාවෙ ඡනාධිපතිවරයෙක් බවට පත්වුනේ නෑ.
          නමුත් අහඹු ලෙස ඇමරිකානුවන් 100 ක් ගත්තොත් ඉන් කිහිපදෙනෙක්ම කියනව alexander hamilton ඇමරිකානු ඡනාධිපතිවරයෙක් වෙලා හිටපු බව.

6. ලංකාව සහ ඉන්දියාවේ පිහිටීම ගත්තම ඇතැම් අයට ලංකාව ඉන්දියාවට පහළින් තියෙනව වගේ මතකයක් තියෙනව කියල කතාවකුත් තියෙනව. (මේක නම් සමහරවිට අපේ සිතියම් බැලිල්ලෙ වැරැද්දක් වෙන්න පුළුවන්)

ඇත්තටම ලංකාව තියෙන්නෙ ඉන්දියාවෙ දකුණු පසට වෙන්න. ගොඩක්ම පහළින් නෙවේ.

      මේ හැමදේකටම හේතුව යථාර්ථ කිහිපයක් තිබීම කියල පිරිසක් විශ්වාස කරනව.(Alternate Realities) ඇතැම් වෙලාවට මේ යථාර්ථ එකිනෙක එක්ක කලවම් වීම නිසා මිනිස්සුන්ගෙ මතක වෙනස්වෙන බව තමයි එතනදි ඔවුන් කියන්නෙ. එතනදි අලුතෙන් හැදුන යථාර්තයෙ මතකයන් පිරුණු මිනිස්සු බහුලව සිටියත් පරණ යථාර්ථය ගැන මතක අයත් ඒ අතර ඉන්න පුළුවන් කියන එක තමා ඔවුන්ගෙ තියරිය.

    ඒ කියන්නෙ සැබෑවටම නෙල්සන් මැන්ඩෙලා 1980 මියගිහින් අවමංගල්‍යයක් උනා. හැබැයි තවත් යථාර්ථයක නෙල්සන් මැන්ඩෙලා දිගටම ඡීවත්වෙලා 2013 මියගියා..
     පස්සෙ දෙක එකට මික්ස් වෙලා මැන්ඩෙලා 1980 මියගිය යථාර්ථය නෙල්සන් මැන්ඩෙලා 2013 මියගිය යථාර්ථයට ෆිට් උනා.. 

දැන් තියෙන්නෙ කලවම් යථාර්ථයක්.

ඒකෙ සමහර අයට පරණ යථාර්ථය මතක තිබුනා වගේම සමහර අයට ඒක  එහෙම උනේ නෑ කියල තමා ඔවුන් කියන්නෙ.

 මේ ගැන තියෙන තවත් තියරියක් තමයි එකවර බොහෝ පිරිසකගෙ මතකය නැති වීම.
   ඔවුන්  කියන්නෙ අලුත් මතකයන් එක පිට එක ගොඩගැසීම එක්ක මිනිස්සුන්ගෙ පරණ මතක යට ගිහින් අවුල් වෙලා වෙනස් වෙලා මතක නැතිවෙන්න හැකියාවක් තියෙනව කියලයි.

තවත් පිරිසක් මේක මානසික රෝගයක් විදියටත් අර්ථ දක්වලා තියෙනව..

තවත් පිරිසක් කියනව මේක කාල තරණය කරල නෙල්සන් මැන්ඩෙලාව මැරෙන්න නොදී බේරගත්ත නිසා උන දෙයක් කියලත්.

තවත් පිරිසක් කියනව මේක සැලසුම් සහගතව මනසට කා වද්දපු බොරුවක් බව..

කවුද දන්නෙ ඇත්ත මොකක්ද කියල🙄

කොහොම නමුත් කොච්චර මත ආවත් යථාර්ථ කිහිපයක් ගැන මතය තමයි මේ මැන්ඩෙලා බලපෑම ගැන තියෙන ප්‍රසිද්ධම මතය විදියට සලකන්නෙ.

කොහොම නමුත් මැන්ඩෙලා බලපෑම ගැන තවදුරටත් දැනගන්න ආස අයට අන්තර්ඡාලය හරහා ගොඩක් තොරතුරු දැනගන්න පුළුවන්..මම  පළ කලාට වඩා ගොඩක් තොරතුරු මේ සම්බන්ධව තියෙනව.
   mandela effect කියල ලස්සන මූවි එකකුත් තියෙනව 2019 ආව. බයිස්කෝප් එකෙන් උපසිරැසි එහෙමත් දීල තියෙන ඒ ෆිල්ම් එකත් අනිවාර්යයෙන් බලන්න වටින එකක්.

මේ සම්බන්ධ ප්‍රසිද්ධ උදාහරණ කිහිපයක් මම පහළින් දාන්නම්..

බිල්බෝ බැගින්ස්ගේ වීරචාරිකාවෙන් ආරම්භ වූ ෆෝඩෝ බැගින්ස්ගෙන් අවසන් වූ බල මුදුවේ මිතුරු හවුලේ කතාන්දරය 2 කොටස

පළවෙනි කොටස නොබලපු අය මෙතනින් ගිහින් එ්ක බලල එන්න >>  මෙතන click කරන්න

   මම පළවෙනි කොටසෙදි ඔයාලට පැහැදිලි කලා හොබිට් ලෝකෙ වැඩ කටයුතු සිද්ධ වෙන ආකාරය.

ඉරු දෙයියො දෙයියො කාව කාවද මැව්වෙ

පළවෙනි ඩාක් ලෝඩ් කාව කාවද මැව්වෙ කියන එක

ඒ වගේම හොබිට් චිත්‍රපටය ගැනත් ඔයාල යමක් කමක් ඒකෙන් දැනගන්න ඇති කියල මම හිතනව.

එහෙනම් අපි දැන් යමු දෙවනි කතාවට,
එහෙමත් නැත්නම් Lord of the rings චිත්‍රපටය වෙතට

මේ කතාව ආරම්භ උනේ බලයේ  මුදු නිර්මාණය කිරීමෙන්. Celebrimbor කියන සුරයන්ගෙ කම්මල්කරුවාගේ අතින් යහපත් අරමුණෙන් තමයි මේව නිර්මාණය උනේ.මේකට ඩාක් ලෝඩ් සවුරෝනුත් උදව් කලා.

🔥මුදු තුනක් අහස යට ඉන්න අමරණීය සුරයන්ට, ( මේ මුදු තුන සුවිශේෂී උනා, Celebrimbor මේව හදන්න සවුරෝන්ගේ උදව් ගත්තෙ නෑ ඔහු තනිවමයි මේ තුන හැදුවෙ)

🔥මුදු හතක් ගල් ගුහා වල ශාලාවල  ඉන්න කුරුමිටි අධිපතියන්ට

🔥නවයක් මරණය උරුම  කරගත්ත මිනිසුන්ට

ඔවුන්ට එම මුදු මගින් තමන්ගෙ වර්ගයා රැක ගැනීමට බලයක් හා ශක්තියක් ලබා දුන්නා

නමුත් ඔවුන් නොදන්න තවත් දෙයක් තිබුනා

ඔවුන්ට රහසින් තවත් මුදුවක් නිර්මාණය උනා

මෝඩෝර්වල මරණයේ ගිනි කන්දෙ ගිනි දලු වලින් ඩාක් ලෝඩ් සවුරෝන් සැමට රහසින් සියලු බල මුදු පාලනය කළ හැකි තනි මුද්දක් නිර්මාණය කලා.
ඔහු විසින්මයි මෙම මුද්ද නිර්මාණය කලේ
ඔහු මේ මුද්දට ඔහු සතු සියලුම නපුරත් ඇතුළත් කලා.

සියල්ල පාලනය කළ හැකි තනි මුද්ද. මේ මුද්ද සහ සෞරෝන් කියන්නෙ දෙකක් නෙවෙයි එකක්!!!

(Ash nazg durbatulûk,
Ash nazg gimbatul,
Ash nazg thrakatulûk
Agh burzum-ishi krimpatul)

One Ring to rule them all,
One Ring to find them,
One Ring to bring them all,
And in the darkness bind them.

සවුරෝන් එක් දිනක් මුද්ද පැළඳ සියලු දෙනා තම වහලුන් කරගෙන පාලනය කරන්න ආරම්භ කලා.

නමුත් සවුරෝන් මුද්ද ඇඟිල්ලට දා ගත්ත ගමන් සුරයන්ට වැරැද්දක් දැනුනා, ඔවුන් වහාම තමන්ගෙ මුදු ඇඟිල්ලෙන් ගලවා ඉවත්කලා.

සිද්ධිය දැනගත්ත සවුරෝන් මුදු නැවත ලබාගැනීමේ අරමුණෙන්  සුරයන්ට විරුද්ධව යුධ ප්‍රකාශ කලා.
නමුත් සුරයන් තමන්ගෙ ශ්‍රේෂ්ඨ ශාකය අසල සැඟවිලා සවුරෝන්ගෙන් දිවි රැකගත්තා.

සවුරෝන් මීලඟට තම අවධානය  යොමු කලේ අනෙක් මුදු 16 ටයි.

මේ මුදු 16 න් 7 ක් ගත්ත කුරුමිටි අධිපතියනුත් සෞරෝන්ගෙ පාලනයට යටත් උනේ නෑ. ගුහා වල වාසය කිරීම නිසා යම් නොදන්නා හේතුවක් නිසා ඔවුන් සවුරෝන්ගෙ බලයෙන් ගැලවුනත් මෙම මුදු නිසා ඔවුන්ගෙ මනස විකෘති උනා. ඔවුන් අසීමිතව ධනයට කෑදර පිරිසක් බවට පත්වුනා. ධනය නිසාම ඔවුන් විනාශයට පැමිණුනා..

එතකොට මුදු 9 ගත්ත මිනිස්සු. මේ මුදු නවය ගත්තෙ මනුෂ්‍යයන්ගෙ ශ්‍රේෂ්ඨතම රඡවරුන් නව දෙනෙක් විසින්. මොවුන් සියලු දෙනාම සවුරෝන්ගෙ වහලුන් බවට පත්වුනා.
මරණයත් ඡීවිතයත් අතරමඟ නැවතුන ඔවුන් නාස්ගුල් නම් සවුරෝන්ගේ සුවිශේෂී සෙබලු බවට පත්වුනා
Witch king of Angmar තමයි මේ නාස්ගුල් සෙබලුන්ගෙ නායකය උනේ. වරක මධ්‍යම පෘථිවියෙ ශ්‍රේෂ්ඨතම රඡෙක් උන ඔහු පසුව සවුරෝන්ගෙ ප්‍රධාන සේවකය උනා.

නමුත් මෙයට විරුද්ධ පිරිසකුත් හිටියා. මිනිසුන් සහ සුරයන්ගේ අවසාන බලඇණි මෝඩෝර් වෙත ගමන්කලා..
ඔවුන් බොහෝ දෙනෙකුට සිදුවුනේ මරණයේ ගිනි කන්ද පාමුල මරණයට පත්වෙන්නයි.

අවසානයේ මිනිසුන් සහ සුරයන් සටන ඡයගත්තා, නමුත් බලයේ මුද්ද අත දරාගෙන පැමිණි සවුරෝන් හට එරෙහි වීමට ඔවුන්ට නොහැකි උනා

නමුත් එක් මොහොතක සියල්ල වෙනස්වුනා , මනුෂ්‍ය රඡතුමාගේ පුත් ඉසිල්ඩූර් තම පියාණන්ගේ අසිපතින් සවුරෝන්ගේ මුද්ද සහිත ඇඟිලි කපා දැමුවා

සවුරෝන් පරාඡය උනා

ඒ සමගම ඉසිල්ඩූර් මධ්‍යම පෘථිවියේ සියලු දෙනාට නිදහස උරුම කර දුන්නා

සවුරෝන්ගේ අතින් ගැලවුණු බල මුදුව ඉසිල්ඩූර් අතට පත්වුනා,,,

නමුත් බල මුදුවේ බලයට වහල්වුණු ඉසිල්ඩූර් මරණයේ ගිණි කන්දට දමා මුද්ද විනාශ නොකොට එය තමන් සතු කරගත්තා

නමුත් ඉසිල්ඩූර් හට මුද්ද රැගෙන තම රාඡධානිය කරා යාමට හැකියාවක් ලැබුනේ නැහැ,

ඕක් සෙබලුන්ගෙ හදිසි පහර දීමක් නිසා ඉසිල්ඩූර් මියගියා, ඔහු සමඟ වතුරට වැටුණු බල මුදුව අතුරුදන් වෙලා ගියා

වසර සිය ගණන් ගෙවී ගියා

අතීතය පුරාවෘතයයක් උනා , පුරාවෘතය මිත්‍යාවක් උනා

වසර 2500කට පසු එක් දිනයක දියේගොල් කියන හොබිට්ටෙක් දිය යට තිබිල බල මුදුව සොයා ගත්තා,,පසුව ස්මිගොල් කියන ඔහුගේ සහෝදරය ඔහුව මරල මුද්ද තමන් සතු කරගත්ත.

නමුත් පහත් ගති ඇති ඒ ස්මිගොල් හොබිට්ට අවසානයේ මුද්දට ආශා කරන ගොලම් සත්වයෙකු බවට පත්වුනා.
 ඔහු වසර 500 බල මුදුව තමන් ලඟ තබාගෙන සිටියා

දැන් අපි හොබිට් චිත්‍රපටය අවසන් උන තැනින්ම මේ කතාව පටන්ගන්න එක තමයි හොඳ

 හොබිට් කතාවෙ අවසානයට ,,,

කුරුමිට්ටන් ඕක් සෙබලු සමඟ තිබුන සටන ඡයග්‍රහණය කර නැවතත් ඔවුන්ගෙ කන්දෙ රාඡධානිය අත්පත් කරගත්ත. ( මේ සටනින් අසොග් කියන ඕක් නායකය වගේම කුරුමිටි රඡු තෝරින් ඕකන්ෂීල්ඩ් මියගියා , ඔහුගේ සහෝදරය නව රඡතුමා බවට පත්වුනා)

ලේඩි ගැලැඩ්‍රියෙල් විසින් සවුරෝන්ගෙ ආත්මය ඒක අරක්ගෙන හිටපු තැනින් පිටුවල් කලා, එල්ෆ් රඡු එ් පිටුපස ගිහින් ඒක විනාශ කරන්න පිරිසක් යවන්න උත්සාහ කලත් , මායාකාර සරුමාන් ඒ ගැන එයා විසින්ම බලාගන්නම් කියල පොරොන්දු වෙලා එල්ෆ් රඡුව නතරකලා.

එතකොට හොබිට් සිනමාපටයෙ පුංචි වීරය බිල්බෝ බැගින්ස් , එයා වීර චාරිකාව අස්සෙ ගොලම් සත්වයගෙ ගුහාවෙන් බල මුදුව ලබා ගත්තා. නමුත්  බල මුදුව ගැන හරිහැටි තේරුමක් නැති ඔහු එහි මායා බලයට වශී වෙලා එය මායාකාර ගැන්ඩල්ෆ්ටත් හොරෙන් බල මුදුව ⁣අරගෙන ගෙදර ගියා


      මේ සිද්ධිය වෙන්නෙ ඒ ඔක්කොම වෙලා වසර 60 කට පස්සෙයි.

     බල මුදුව බිල්බෝ අතේ තිබෙන කාලය ඇතුලෙ ඔහු නොදැන බොහෝ දේවල් සිදුවුනා.

 හොබිට් චිත්‍රපටයෙ අවසානයේ සවුරෝන්ව පරාඡය කරන බවට එල්ෆ් රඡුට සහ ලේඩි ගැලැඩ්‍රියෙල් හට පොරොන්දු වී ගිය සරුමාන් නම් මායාකරු කට්ටියට ද්‍රෝහි වෙලා සවුරෝන් හට එකතුවෙලා මෝඩෝර් ශක්තිමත් කිරීමට උපකාර කලා.
මේ අනුව මෝඩෝර්හි මායා ඇස සහිත අති විශාල කුලුණක් ගොඩ නැගුනා.
අඳුරු බලමුලු ශක්තිමත් උනා.

       එක්තරා දවසක ගොලම් සත්වයාව මෝඩෝර් වල සෙබලු අල්ලා ගත්තා. ගොලම් සත්වයා " ෂයර් " සහ " බැගින්ස්වරු යනුවෙන් ඔහු දන්නා සියලුම දේ සතුරන් ඉදිරියේ වැමෑරුවා.

මෙහි අවසාන ප්‍රතිඵලය උනේ මෝඩෝර් වල අති බිහිසුණු නාසිගුල් ⁣සේනාව ෂයර් ගමේ බැගින්ස්වරු සොයා ඒමයි..

මේ වෙලාව වෙනකොට බිල්බෝ බැගින්ස් බල මුද්ද තමන්ගෙ ඥාතියක් උන ෆෝඩෝ බැගින්ස්ට පවරල චාරිකාවකට පිටත්වෙලා ගිහින්.

සිද්ධිය දැනගත්ත ගැන්ඩල්ෆ් ෆෝඩෝට කියනව පැනල යන්න කියල.
පැනල යන ෆෝඩෝ එක්ක සෑම් , මේරි හා පිපින් කියන යාලුවො තුන් දෙනත් එකතුවෙනව.

මගදි මොවුන්ට හමුවුනා තරුණ වන ආරක්ෂකයෙක්

අවසානයේ මෙයාල රිවර්ඩේල් වල සුර නගරයට යනව. ඒ බල මුද්දේ අනාගතය ගැන තීරණයක් අරගන්නයි.


එතනදි මේ ගැන සාකච්ඡා කරන්න විවිධ රාඡධානි වලින්  නියෝඡිතයන් එකතු උනා

මෙහිදී අවසන් තීරණය ගැන කට්ටිය වාද කරද්දි ෆෝඩෝ කියනව තමන් මෝඩෝර් වල ගිනි කන්දට මුද්ද ගිහින් දාන්නම් කියල..
මොකද මෝඩෝර්වල ගිනි කන්දෙ ගින්නෙන් විතරයි මේ මුද්ද විනාශ කරන්න පුලුවන්.

හැබැයි මෝඩෝර් වලට යන එක ලේසි වැඩක් නෙවෙයි , මොකද මෝඩෝර් කියන්නෙ අඳුරු රාඡධානියටයි. ඒකෙ මැද තියෙන ගිනි කන්දට යන එක. ඒක ඊට වඩා අමාරු වැඩක්

ෆෝඩෝගෙ තීරණයට ගරු කරපු සියලුම දෙනා එකතු වෙලා මෝඩෝර් වෙත යන ෆෝඩෝගෙ  චාරිකාවට උදව් කරන්න සන්ධානයක් හැදුව.

Fellowship of the Ring කියල නම් කරේ මේ ගමනට සහභාගි උන අයයි.

"බල මුදුවේ මිතුරු හවුල මොවුනුයි"

මේ කණ්ඩායමේ සාමාඡිකයන් මෙන්න මෙහෙමයි. (වරහන් ඇතුලෙ කට්ටියගෙ වයස සටහන් කරල තියෙනව.

* ෆෝඩෝ බැග්න්ස් (50)- මුද්දේ බාර කරුවා වගේම මුද්ද රැගෙන යන්නා

* සෑම් (38) - ෆෝඩෝගෙ ආරක්ෂකයා

* ගැන්ඩල්ෆ් ද ග්රේ ( අතිපෞරාණිකයි) - අලු පැහැ ඇඳුම් ඇඳි මහලු මායාකාරයා වගේම පිරිසේ නායකයා

* ලෙගොලස් (500+) -  Mirkwood  වල සුර රඡුගේ පුත්‍රයා. අති දක්ෂ දුණුවායා

* ග්‍රිම්ලි (139) - එල්බෝරයේ කුරුමිට්ටන් නියෝජනය කරන ගොලින්ගෙ පුත්‍රයා.

* ඇරගොන් (87) - උතුරු වන ආරක්ෂකයින්ගෙ ප්‍රධානියා, ඒ වගේම ඉසිල්ඩූර් රඡුගෙ උරුමක්කාරයා , ගොන්ඩෝර් හි ඔටුන්නෙ සැබෑ හිමිකාරයා

* බොරමියර් (40) - ගොන්ඩෝර්හි බාරකාරයගෙ පුත්‍රයා

* මේරි (36) සහ පිපින් (28) - ෆෝඩෝගෙ මිතුරන්

අවසානයේ මොවුන් ගමනට පිටත්වුනා,,

අතරමගදි උන විවිධ හැල හැප්පීම් මැද්දෙ ගැන්ඩල්ෆ් යක්ෂයෙක් හා සටන් කරන්න ගිහින් හෙලකට වැටිල අතුරුදන් උනා.
බොරමියර් ඕක් සෙබලුන්ගෙ ප්‍රහාරයකින් මියගියා..

මේරි සහ පිපින්ව ඕක්වරුන් පැහැරගත්තා

අවසානයේ ෆෝඩෝ සහ සෑම් තනිවම චාරිකාවේ ඉතුරු ටික අවසන් කරන්න තීරණය කරද්දි,,

ග්‍රිම්ලි , ලෙගොලස් සහ ඇරගෝන් ප්‍රමුඛ  වීරයො තුන්දෙනා මේරි සහ පිපින්ව බේරගන්න පිටත්වුනා..


ඔය විදියට බල මුදුවේ මිතුරු හවුල බිඳිල ගියා.

⁣⁣තනිවම ගමන්කල ෆෝඩෝ සහ සෑම්ට ගොලම් නම් මුද්දට ආශා කරන සත්වයාව මුණ ගැසුනා, සත්වයා ෆෝඩෝ සහ සෑම්ට මරණයේ ගිණි කන්දට යාමට කෙටි මාර්ගයක් ලබා දුන්නා , ඔවුන් ඒ මග ගමන් ගනිද්දී,,

මේරි සහ පිපින් ආරක්ෂිත බව මඟදි හමුවූ ධවල පැහැදිලි ගැන්ඩල්ෆ්ගෙන් දැනගන්නා වීරයන් තිදෙනා ගැන්ඩල්ෆ් සමඟ රොහාන් රාඡධානිය කරා ගමන්කලා..

සරුමාන් නම් දුෂ්ට මායාකරුගේ උගුලකට හසු වී සිටි රොහාන් රඡුව බේරාගත් ගැන්ඩල්ෆ් සහ පිරිස රොහාන් රාඡධානිය ආක්‍රමණය පිණිස පැමිණි සරුමාන්ගේ ඕක් හමුදාව සුරයන්ගේද උදව් ඇතුව පරාඡය කර දැමුවා,,

මීලඟට ඇරඹුණේ ගොන්ඩෝර් රාඡධානියේ සටනයි...

ගොන්ඩෝර්හි බාරකාර රඡු තම තම පුත්‍රයා බොරමියර් නැති වූ දුකින් උමතු වෙද්දී,,

මෝඩෝර් හි අති බිහිසුණු හමුදා ගොන්ඩෝර් ආක්‍රමණය කරන්නට පටන්ගත්තා.

මෙහිදී ඇරගෝන් ප්‍රමුඛ වීරයන් රොහාන් දේශයේ රඡු හා හමුදාව සමඟ සටනට එකතු වීමට ගමන්කලා,,,
  සවුරෝන් පරාඡය කළ ඉසිල්ඩූර් රඡුගේ පෙළපතින් ලැබුණු සුවිශේෂී කඩුවේ බලයෙන් මරණීය ශාපලත් සේනාවක් නැවතත් සටන් බිමට ගෙන්වූ අැරගෝන් විශාල ඡීවිත හානි හමුවේ එම සටනත් ඡයග්‍රහණය කලා.

රොහාන් දේශයේ මහරඡුගේ ඡීවිතයත් එයට වැයවුනා..

මේ සටන අවසානයේ  ෆෝඩෝ මෝඩෝර්හි ගිණිකන්දට ආසන්න බව පිරිසට දැනගන්න ලැබුනා.

   ඇරගෝන් තීරණය කලා ෆෝඩෝ හට ගිනිකන්ද වෙත යාම පහසු කරවීමට  අවසාන සටන ආරම්භ කරන්න..
      ගැන්ඩල්ෆ් , අැරගෝන් , ලෙගොලස් , ග්‍රිම්ලි ප්‍රධාන පිරිස ඉතුරු සේනාවත් රැගෙන මෝඩෝර්හි දොරටුව වෙතට ගියේ අවසාන සටන ආරම්භ කිරීමටයි. වීරයන් තමන්ගේ පරාඡය නියත බව දැන දැන ආරම්භ කල මේ සටන පැතිරී යදිදී , ෆෝඩෝ සහ ගොලම් අතර මුදුව වෙනුවෙන් සටනක් ආරම්භ උනා.

අවසානයේ ගොලම් මුද්ද සමඟ මොඩෝර් හි ගිනිකන්දට බිලි උනා.

⁣සෑම්ගේ උපකාර නිසා ෆෝඩෝ තමන්ගේ දිවි රැකගත්තා..

සවුරෝන්ගේ පරාඡය සිදුවුනා!!!

මේ සමඟම සුරයන්ගේ යුගය ගෙවී ගොස් මධ්‍යම පෘථිවියේ මනුෂ්‍යයන්ගේ යුගය උදා උනා..

චිත්‍රපටයේ අවසානයට,,,

අැරගෝන් ගොන්ඩෝර්හි රඡු බවට පත්වුනා..

සුරයන් සදහටම මධ්‍යම පෘථිවියෙන් යන්නට ගියා. ඔවුන් සමඟ ෆෝඩෝ , බිල්බෝ  සහ ගැන්ඩල්ෆ් ද මධ්‍යම පෘථිවියෙන් පිටත්වුනා...

කතාව අවසානයි.

ලෝඩ් ඔෆ්ද රින්ග්ස් කතාව ඉවර උනාට ප්‍රශ්න ඉවර නෑ නේද😂😂😂

අන්න ඒවට උත්තර දෙන වෙලාව තමයි දැන් ඇවිත් තියෙන්නෙ..

1. බිල්බෝ බැගින්ස්ගේ වයස කීයද?

හොබිට් චිත්‍රපටයෙදි ගැන්ඩල්ෆ්ව හම්බවෙනකොට බිල්බෝට අවුරුදු 50 යි. චිත්‍රපටය අවසන් වෙනකොට අවුරුදු 51යි.

ලෝඩ් ඔෆ්ද රින්ග්ස් චිත්‍රපටය පටන්ගන්නෙ හොබිට් චිත්‍රපටය අවසන්වෙලා හරියටම අවුරුදු 60 කට පස්සෙයි. එතකොට බිල්බෝ ට අවුරුදු 111 වෙනව.
නමුත් අනෙක් හොබිට්වරු වගේ නැතුව ඔහු තරුණව ක්‍රියාශීලිව හිටියෙ බල මුද්දේ බලපෑම නිසයි.

2. ගැන්ඩල්ෆ්ගෙ වයස කීයද?

          පොතේ හැටියට ලෝඩ් ඔෆ්ද රින්ග්ස් සිද්ධිය පටන්ගන්නකොට ගැන්ඩල්ෆ්ට වයස අවුරුදු 54,960 වෙනව.
     ඒ වගේම ගැන්ඩල්ෆ් තමන්ගෙ දිව්‍යමය ස්වරූපය හංගගෙන ඉන්න නිසා මධ්‍යම පෘථිවියෙ බොහෝ දෙනෙක් ගැන්ඩල්ෆ් කියන්නෙ සාමාන්‍ය ගිනිකෙළි පෙන්නන කෙනෙක් සහ වන්දනාකාරයෙක් කියලයි හිතන්නෙ.

3. ලෝඩ් ඔෆ්ද රින්ග්ස් සිද්ධිය වෙනකොට ඇරගෝන්ගෙ වයස 87 උනේ කොහොමද?

  මේකත් හරි හුටපටයක් තමයි.. ඇරගෝන්ගෙ පරම්පරාවෙ ආදි මී මුත්ත Elros කියන්නෙ රිවන්ඩේල් වල සුර රඡතුමාගෙ නිවුන් සහෝදරයයි.
  රිවන්ඩේල් වල සුර රඡතුමා කියල මම හැදින්වුවෙ Elrond ව. එහෙමත් නැත්නම් ඇරගෝන් විවාහ වුන ආර්වෙන්ගෙ තාත්ත..
          කාලෙකට ඉහත සුරයන්ට අවස්ථාවක් ආව අමරණීයත්වය සහ මරණීය ඡීවිතය තමන්ට අවශ්‍ය විදියට තෝර ගන්න. අන්න ඒ වෙලාවෙදි Elrond අමරණීයත්වය තෝර ගත්තට , Elros මරණීය ඡීවිතය තමයි තෝර ගත්තෙ..
       මෙන්න මේ elros ගෙ පරම්පරාවෙ අය ඩූනෙඩයින්වරු කියන නමින් හැදින්වුවා
 මනුෂ්‍යත්වය තෝර ගත්ත සුරයන් උන මොවුන්ට මුලින්ම වසර 500 පමණ ආයු කාලයක් හිමි වුනා,
පස්සෙ පරම්පරාවෙ ලේ සබඳතා එක්ක ටික ටික මේක පරපුරෙන් පරපුරට අඩු උනා,
ඉසිල්ඩූර්ගෙ පියා මැරුනෙ අවුරුදු 330 කින් වගේ.
ඇරගෝන් අවුරුදු 210 ඡීවත්වුනා

4. ඇරගොන්ගෙ ප්‍රේමවන්තිය සුරයෙක්ද?

      ඔව් ඇය ඇත්තටම අමරණීය ඡීවිතයක් හිමි සුරයෙක්. ඇය ඒ වගේම අති දක්ෂ රණකාමී කාන්තාවක් වගේම , ඇගේ අත්තම්මා ගැලැඩ්‍රියෙල්ගෙන් ලැබුන මායාවනුත් ඇයට තියෙනව.
         ලෝඩ් ඔෆ්ද රින්ග්ස් චිත්‍රපටයේ විශේෂ සටන් දර්ශනයට ඇය සහභාගි වීමට නියමිතව හිටියත් අධ්‍යක්ෂකතුමා ඒක කපා හැරල තියෙනව.

5. රිවන්ඩේල් වලදී බිල්බෝ බැගින්ස් විසින් ෆෝඩෝ බැගින්ස් හට ලබාදෙන තෑගි මොනවාද?

 බිල්බෝ ෆෝඩෝට දෙන්නෙ , බිල්බෝ තමන්ගෙ පළවෙනි චාරිකාවෙදි ට්‍රෝල් වරුන්ගෙ ගුහාවකින් සොයාගත්ත අසිපතයි. මේ අසිපත හදල තියෙන්නෙ අවුරුදු ගානකට කලින් සුරයන් විසිනුයි. මේ අසිපත් තලය ඕක්ල ලඟපාත ඉන්නව නම් නිල්පාට වෙනව.  පළවෙනි චාරිකාවෙදි තෝරින් ඕකන්ෂීල්ඩ්  බිල්බෝට පරිත්‍යාග කළ මිත්‍රිල් කියන යුධ ආවරණයි. මේ යුධ ආවරණය කුරුමිට්ටන්ගෙ සුවිශේෂී වස්තුවක්. මේක මධ්‍යම පෘථිවියෙ තියෙන හොඳම යුධ කබායන්ගෙන් එකක්.

6. ගැන්ඩල්ෆ් , ෆෝඩෝ ඇතුලු පිරිස මොරියා වල දොරටුවෙන් ඇතුලු වීමට උත්සහ කිරීමෙදි ඔවුන්ට වතුරෙ ඉදල පහර දුන් අත්භූත සතා කවුද?

Watcher in the Water කියල හඳුන්වන මේ අත්භූත සත්වයා මොරියා වල ගේට්ටුවෙ ආරක්ෂකයා විදියට කටයුතු කරනව.ආරක්ෂකයට වඩා මේ සතා භයානක ඡීවියෙක් විදියට තමා හඳුන්වන්නෙ.
මොකද මේ සත්වයා oin කියන රණකාමී කුරුමිට්ටවත් මීට කාලෙකට කලින් මරල දාල තියෙනව. එයා ග්‍රිම්ලිගෙ ලඟම නෑයෙක්.
    මේ සතාගෙ උපත ගැන අපිට හරි පැහැදිලි කිරීමක් නෑ. නමුත් මොහු දෙවනි යුගයෙදි බිහිවුනා කියලයි විශ්වාස කරන්නෙ. , නමුත් ගැන්ඩල්ෆ් කියන විදියට මොහු ඕක්ලටත් වඩා පරණ ඡීවියෙක්.

7. කවුද මේ ගැන්ඩල්ෆ් ඇතුලු පිරිසට මොරියා වල පතල ඇතුලෙදි හමුවුන Balrogs කියන යක්ෂයා. කොහොමද ඔහු ගැන්ඩල්ෆ්ටත් පාලනය කරන්න බැරි තරම් බලවත් උනේ?

     Balrogs එහෙමත් නැත්නම් Valaraukar කියල හඳුන්වන යක්ෂයන් කියන්නෙ පළවෙනි අඳුරු අධිපති Melkor ගෙ සේවයට පැමිණි maiar ( ගැන්ඩල්ෆ් අයිතිවෙන වර්ගයේ දිව්‍යමය ඡීවීන්) පිරිසක්.. මොවුන් ගැන්ඩල්ෆ් වගේ අහිංසක මනුෂ්‍ය ස්වරූපයකින් නම් නෙවෙයි ආවෙ. පේනවනෙ හැටි. ට්‍රෝල්ලගෙ පෙනුම අරගෙන තමයි මෙයාල ආවෙ.
    පළවෙනි අඳුරු අධිපතියගෙ බිඳවැටීම එක්ක බිඳවැටුණු මොවුන්ව ශ්‍රෙෂ්ඨ රණකාමින් සහ රඡවරුන් විසින් මරන්න පටන්ගත්ත. රණකාමියොත් බර ගානක් මැරුන මුන්ව මරන්න ගිහින්.
  මේ සංහාරයෙන් බේරුන අය පෘථිවියෙ ගැඹුරුම ගුහා වල සැඟවුනා..
        මෙහෙම ගුහාවක පතුලෙ යුග දෙකක්ම නිදාගෙන හිටපු balrog කෙනෙක්ව තමයි මොරියා වල පතල් හාරපු කුරුමිට්ටන් ඇහැරෙව්වෙ. ධනයට තියෙන තණ්හාව නිසා සීමාව ඉක්මවල හාරන්න ගිහින් මොවුන් balrogව ඇහැරෙව්ව..

තව අනිවාර්යයෙන්ම කියන්න දෙයක් තියෙනව මේ balrog කට්ටිය සවුරෝන්ගෙ මට්ටමේ අය උනත් ඔවුන් සවුරෝන්ට වඩා චුට්ටක් විතර බලයෙන් අඩුයි..

ඒ වගේම මකරුන්ට වඩාත් බලයෙන් ටිකක් අඩුයි.

8. කවුද මේ ගැලැඩ්‍රියෙල් එහෙමත් නැත්නම් ආලෝකයේ ආර්යාව , ඇයි ඇය ෆෝඩෝ බල මුදුව දුන්නම  බාර නොගත්තෙ?


 ගැලැඩ්‍රියෙල් කියන්නෙ මධ්‍යම පෘථිවියේ ඉන්න බලවත්ම සුරයන්ගෙන් කෙනෙක්. කෙටියෙන් කිව්වොත් ඉන්න බලවත්ම කෙනා තමා ඇය. ඇය විවාහ වෙලා ඉන්නෙ Celeborn කියන සුර නායකය සමඟයි.
   පළවෙනි යුගය පටන්ගන්නත් කලින් ඉපදුන ගැලැඩ්‍රියෙල් තමන්ගෙ සැමියට වඩා අවුරුදු 500+ වැඩිමල් කෙනෙක්.
     ඇයට උපතින්ම ලැබුන මායා බලයට අමතරව ඇය පැළඳගෙන ඉන්න සුරයන්ට අයත් බල මුදුව නිසා ඇය මධ්‍යම පෘථිවියෙ බලවත්ම ඡීවීන්ගෙනුත් කෙනෙක් වෙනව.
     මැය ඇයි මෙච්චර වයස වෙලත් අනෙක් සුරයන් වගේ නොමියෙන භූමියට නොගියේ. ඒකට හේතුවක් තියෙනව.
අනෙක් සාමාන්‍ය සුරයන් වගේ නෙවෙයි ගැලැඩ්‍රියෙල් ඉපදුනේ මධ්‍යම පෘථිවියෙ නෙවෙයි ඇය ඉපදුනේ  අමරණීය භූමියෙයි. නමුත් ඇය විසින් සුරයන් කිහිප දෙනෙක්ව ඝාතනය කිරීම නිසා ඇයව බොහෝ කාලකට කලින් මධ්‍යම පෘථිවියට පිටුවහල් කලා.
      ෆෝඩෝ බල මුදුව ලබා දීම ඇයට ලැබුණු පරීක්ෂණයක්. ඇය එය අතට නොගෙන එපා කියල එයින් සමත්වුන නිසා ඇයට නැවතත් අමරණීය භූමියට යන්න අවස්ථාව හිමිවුනා..
බැරිවෙලාවත් අැය මුද්ද අතට ගත්ත නම්,,,

""අඳුරු රඡු වෙනුවට ඔබ⁣ට සිටීවි රැඡිනක්.ඒ වගේම මම අඳුරු නොවේවි. උදෑසන වගේ ලස්සන වේවි , රාත්‍රිය වගේ භයංකාර වේවි.පෘථිවියේ අත්තිවාරමටත් වඩා මම ශක්තිමත් වේවි. හැමෝම මට ආදරය කරල බලාපොරොත්තු සුන් කර ගනීවි""

මේ ඇයගෙ වචනයි. මේ අනුව පැහැදිලි වෙනව ඇය මුද්ද පැළඳ ගතතොත් සවුරෝන්ට වඩා බලවත් වෙන බව වගේම අැය කාටවත් නතර කිරීමට බැරි බලවේගයක් බවට පත් වෙන බව. නමුත් ඇය ඒ අවධානම ගන්නෙ නෑ.

9. Balrog එක්ක පහලට වැටුන අලු පැහැති ගැන්ඩල්ෆ් කොහොමද සුදු ඇඳුමක් ඇඳගෙන ආපහු ආවෙ..

       මේක ගැන කියනව නම් ගැන්ඩල්ෆ් ලොකු සටනකට පස්සෙ balrogව පරාඡය කලා, නමුත් ඒකට වැයවුන ශක්තිය නිසා ගැන්ඩල්ෆුත් මියගියා.නමුත් ගැන්ඩල්ෆ් කියන්නෙත් දිව්‍යමය ඡීවියෙක් , ඉතිං එයාගෙ භෞතික ස්වරූපය  මියගියාට එයා මියයන්නෑ.
    ගැන්ඩල්ෆ්ගෙ ආධ්‍යාත්මික ස්වරූපය දෙවියන් විසින් නැවත හරවල එව්ව සරුමාන් විදියට. දෙවියො සරුමාන් හෙවත් ධවල මායාකරුව හැදුවෙ යහපත් බවේ සංකේතයක් විදියටයි. නමුත් සරුමාන් යහපත් බවට පිටුපෑව..
      සරුමාන්ට පස්සෙ ඉන්න බලවත්ම මායාකාරය තමයි ගැන්ඩල්ෆ්. සරුමාන් තමන්ගෙ නමට ගැලපෙන රාඡකාරිය හරියට කරන්නෙ නැත්නම් , ධවල මායාකර පදවිය ගැන්ඩල්ෆ්ට දෙන්න දෙවියො තීරණය කරල තමයි ගැන්ඩල්ෆ්ව ආපසු එව්වෙ.

10. කවුද මේරි සහ පිපින්ට අමුතුම පණ තියෙන ගහ?

Treebeard එහෙමත් නැත්නම් Fangorn කියන්නෙ මධ්‍යම පෘථිවියෙ ඡීවත්වුන වයසම ගස් බාරකරුව වගේම ඔවුන්ගෙ ප්‍රධානිය. මෙයා මධ්‍යම පෘථිවියෙ ඡීවත්වෙන වයසකම අයගෙන් කෙනෙක් කියල ගැන්ඩල්ෆ් හඳුන්වනව.
සුරයන් විසින් ගස් වලට කතා බහ කරන්න උගන්නව පවා ඔහුට මතකයි
    ඔහු කාගෙවත් පැත්ත ගත්ත කෙනෙක් නෙවෙයි, ඔහු ගස් වල පැත්ත ගත්ත කෙනෙක්. එම නිසා ඔහු සවුරෝන් සමඟ ඇතිවුන යුද්ධයට කිසිම දායකත්වයක් නොදක්වන්න තීරණය කලත් ,, සරුමාන් ගස් වලට කරන විනාශය දැකල ඔහු ඔහුගෙ තීරණය වෙනස් කර ගන්නව.
අවසානයේ සරුමාන්ව යටත් කරගන්නෙ මොහු සහ මොහුගෙ පිරිස විසින්.

11. මොකක්ද මේ ඇරගෝන් හට රිවන්ඩේල් වල රඡු  ගෙනල්ල දීපු සුවිශේෂී අසිපත?

Andúril එහෙමත් නැත්නම් උතුරේ ගිණි සිලුව කියල හඳුන්වන මේ අසිපත ගොන්ඩෝර් වල රඡ පෙළපතට උරුම එකක්.
මේක මුලින්ම හැඳින්වුවෙ නාසිහිල්හි අසිපත කියලයි. පළවෙනි යුගයෙදි තමයි මේ අසිපත නිර්මාණය වෙලා තියෙන්නෙ.
සවුරෝන් සමඟ පුරාණ සටනෙදි කැඩි ගියපු මේ අසිපත පාවිච්චි කරල තමයි ඉසිල්ඩූර් රඡු සවුරෝන්ගෙ අතේ ඇඟිලි කපල දැම්මෙ.
     සටනින් පස්සෙ කැබලි උන මෙම අසිපත වසර ගානක් රිවන්ඩේල් වල කෞතුක වස්තුවක් විදියට තියල තිබ්බත් අරෙවන්ගෙ ඉල්ලීම මත ඇයගෙ පියා මේක ආපහු හදවල ඇරගෝන් හට ලබා දෙනව..
      මේ අසිපතෙන් තම උරුමය තහවුරු කරගන්න ඇරගෝන් ගොන්ඩෝර් වල සටනට, ඔහුගේ මුතුන්මිත්ත ඉසිල්ඩූර් ශාප කරපු හමුදාවක් මේ කඩුව යොදාගෙන කැඳවන්න සමත්වෙනව.

12. මෝඩෝර් වලදි ෆෝඩෝව කන්න ආපු මකුලුව මොකාද?

Shelob කියන නමින් හදුන්වන මේ මකුලුව ගැහැණු සතෙක්.Ungoliant නමින් හඳුන්වන මකුලු ස්වරූපයක් ගත්ත දුෂ්ට ආත්මයෙ අවසාන දරුව තමයි මේ shelob කියන්නෙ.
      මෙයාව සවුරෝන් දුර්ග මාර්ගයේ ගුහා වල ආරක්ෂාවට යොදවලයි තියෙන්නෙ. මෙයා සවුරෝන්ගේ සිරකරුවන්ව කමින් සතුරන්ගෙන් ගුහා ටික ආරක්ෂා කරගෙන ඡීවත්වෙනව

13. කොහොමද ගැහැණියක් නාස්ගුල් හමුදාවෙ ප්‍රධානියාව එහෙමත් නැත්නම් Witch King of Angmar ව මැරුවෙ.

    මේක දෛවයට අනුව උන දෙයක් . නාස්ගුල් ප්‍රධානියා බිමට ආපු වෙලාවෙ මෙරි පිටුපසින් ඔහුට ඇන්න නිසා ඔහුගෙ අවධානය වෙනස්වුනා
 මීලඟට එයොවින් විසින් ඔහුගෙ මුහුණටම ප්‍රහාරයක් එල්ල කලා.

     අතීතයේ මේ witch king ට ශාපයක් එල්ල වෙලා තියෙනව කාන්තාවගෙ අතින් මැරෙන්න. අන්න ඒකත් එයා ⁣කාන්තාවකගෙ අතින්ම මැරෙන්න හේතුවක්.

14. දැන් අපි එමු අවසාන ප්‍රශ්නයට. කතාවෙ අවසානයට ෆෝඩෝ ඇතුලු පිරිස නැව් නැගල කොහෙද ගියේ?

    මෙයාල හැමෝම ගියේ මම පළවෙනි පෝස්ට් එකේ පැහැදිලි කරපු දිව්‍යමය ඡීවීන් ඉන්න  අමරණීය දූපතටයි..
  ෆෝඩෝ සහ බිල්බෝ දෙදෙනාට එහෙට යන්න හේතු කිහිපයක් තිබුන. එකක් තමයි මුද්ද බොහෝ කාලයක් තබා ගැනීම නිසා ඔවුගේ ආත්මයට උන හානිය ⁣සාමාන්‍ය ලෝකෙදි සනීප කරගන්න බැරි වීම.
අනෙක් එක තමයි අර මකුලුවා සමඟ සටනින් ෆෝඩෝට උන හානියටත් සාමාන්‍ය ලෝකෙ බෙහෙත් නොතිබීම..

ගැන්ඩල්ෆ් එහෙ යන්න හේතුව තමයි ඔහු කලයුතු රාඡකාරිය අවසන් වීම..

15. එතකොට දැන් අමරණීය භූමියට ගියාම ෆෝඩෝ මැරෙන්නෙ නැද්ද?

හපෝ නෑ, ෆෝඩෝ සහ බිල්බෝ බැගින්ස් අනිවාර්යයෙන්ම මැරෙනව. මොකද එහෙ භූමිය අමරණීය නෑ. එහෙ ඉන්න ඡීවීන් විතරයි අමරණීය..
     නමුත් සුරයන් සහ ගැන්ඩල්ෆ් නම් මැරෙන්නෙ නෑ ඔවුන් අමරණීය ඡීවීන් නිසා..

දැන් කතාව අවසානයිද?

නෑ අවසාන වශයෙන් ඔයාලට කියන්න දේවල් වගයකුත් තියෙනව.

ගොන්ඩෝර් රාඡ්‍යයේ රඡ උන ඇරගෝන් වසර 210 රඡකම් කරල මියගියා.. ඔහුගේ බිරිඳ අමරණීය එරොවෙන්.
ඇය ඇරගෝන් මැරුන දුකට හදවතේ වේදනාවෙන් මියගියා..

එතකොට අපේ ලෙගොලස් සහ ග්‍රිම්ලි තව තව වීරකම් ගොඩක් කරල අවසානයේ බෝට්ටුවක් හදාගෙන අමරණීය දූපතට ගියා.. අමරණීය දූපතට ගිය එකම කුරුමිට්ට උනෙත් ග්‍රිම්ලි..

මේරි සහ පිපින් නම් රාඡ්‍ය සේවයේ යෙදිල මිය ගියා..

එතකොට කතාවෙ සැබෑ වීරය සෑම්. ඔහුත් සාමාන්‍ය ඡීවිතයක් ගත කරල බිරිඳ මිය ගියාට පස්සෙ අමරණීය දූපතට ගියා. මොකද ඔහුත් තාවකාලිකව හරි බල මුදුව ලඟ තබාගත්ත නිසා..

එහෙනම් බල මුදුවේ මිතුරු හවුලේ කතාන්දරය මෙතනින් අවසන් වෙනව..

කරුණු පැහැදිලි කිරීමට සහ තවත් තොරතුරු ඇතුලත් කරල මම ඡායාරූප දාල ඇති ඒ ටිකත් අනිවාර්යයෙන් බලන්න.

බිල්බෝ බැගින්ස්ගේ වීරචාරිකාවෙන් ආරම්භ වූ ෆෝඩෝ බැගින්ස්ගෙන් අවසන් වූ බල මුදුවේ මිතුරු හවුලේ කතාන්දරය

   

       අඳුරු අධිපතියෙකුගේ කූට උපක්‍රම මත ආරම්භ වූ යුද්ධයක්. යුද්ධයේ ඉරණම තීන්දු කරන අතුරුදන් වූ  මහා බලගතු මුද්දක්.
       අඟුටු මිට්ටන්ගේ වාසභූමිය බේරාගැනීමට යන සටනට එක්වූ කල කුඩා හොබිට්ටෙක්ගේ ඉරණමට එකතු වන මේ මුදුව  වසර සියයක්ට පසු ඔහු විසින් ඔහුගේ ඥාති පුත්‍රයා වන ෆෝඩෝ හට ලබා දුන්නේ ලෝකයේ ඉරණම ගැන කිසිවක් නොදැනද?
      අවසානයේ බල අරගලයේ උච්චතම ⁣නිමේෂයේ බලගතු මුද්ද විනාශ කිරීමට මරණයේ ගිනිකන්ද වෙත යන පා ගමන උදෙසා ෆෝඩෝ සමඟ යාමට ස්වේච්ඡාවෙන් ඉදිරිපත් වූ වීර හොබිට්ටන් තුන් දෙනෙක් දෙනෙක් සහ අසහාය  වීරයන් පස්දෙනෙක්ගේ ඉරණම කෙසේ විසදේවිද?
       මධ්‍යම පෘතුවියේ ඉරණම තීන්දු කරන අවසාන බලාපොරොත්තුව වූ මොවුන්ගේ ගමන සඵල වේවිද?

      මම මේ වචන ටික කිව්ව ගමන් ඔයාල හැමෝම දන්නවනෙ ⁣මම මේ මොකක් ගැනද ලියන්නෙ කියල.  ඔව් ඔව් ටෝල්ස්කින් මහත්මයගෙ පොත් ඇසුරෙන් නිර්මාණය උන  lord of the rings නම් අසහාය චිත්‍රපට ත්‍රිත්වය සහ hobbt චිත්‍රපට ත්‍රිත්වය ගැන තමයි මම මේ කතා කරන්න හදන්නෙ.
   මේ චිත්‍රපට ත්‍රිත්ව නොබලපු කිසිම කෙනෙක් අද වනවිට නැතිව ඇති කියලයි මම හිතන්නෙ. මොකද මේක එච්චරටම ඡනප්‍රිය නිර්මාණයක්.
        මම lord of the rings  චිත්‍රපට ත්‍රිත්වය මුලින්ම බැලුවෙ සිරස නාලිකාවෙ  නිවාඩු කාලෙ යන උදෑසන ළමා චිත්‍රපට වලින්. පොඩි ළමයෙක් උන මම ඒ කාලෙ ඉස්කෝලෙ නිවාඩුව ඉවරවුනාමත් ඕක පෙන්නුව නිසා අවසන් කොටස් බලන්න හොර නිවාඩු  දාල බැනුම් ඇහුව කියල මට තාම මතකයි.
     කොහොම හරි මේ ලඟදි මගේ මිත්‍ර කවිශාන් හිරුදික මිත්‍රයා මට මේ චිත්‍රපට හයේම extended කට් ටික දීල ආයෙ බලන්න කියල මාව යොමු කලා. මම හරියටම මේ චිත්‍රපට රසවින්දෙ මේ extended cut ටික බලල තමයි.
     මේ සම්පූර්ණ චිත්‍රපට හයේම Extended කට් එක බලපු මට පොත් ටික කියවන්න බැරි උනත් මේ චිත්‍රපටයෙ චරිත , සහ පසුබිම ගැන  විස්තර  හොයන්න ගොඩාක් ලොකු ආසාවක් ආව.

ඒ ආව ආසාවෙ ප්‍රතිඵලය උනේ මම හොයාගත්ත මෙන්න  මේ කරුණුයි.

මෙව්ව 100% නිවැරදිද කියන්න මම දන්නෑ. වැරදීම් නිවැරැදි කිරීම ඔබලා සතුයි

  ටෝල්කින් මහත්මයගෙ  පොත් වලට අනුව ඉරු (eru) කියන දෙවිය තමයි  හැමදේකම නිර්මාණකරුවා උනේ.
         මුලින්ම ඉරු දෙවියන් අයිනූර් (ainur) කියල දිව්‍යමය ඡීවීන් කොට්ඨාසයක් මැව්ව. මේ ඡීවීන්ගෙන් බලවත්ම අය  Valar සහ තරමක් දුර්වල අය maiar කියල තමයි හඳුවන්වනු ලැබුවෙ.
        මීලඟට ඉරු දෙවියන් විසින් මැව්වෙ ලෝකය. මේ ලෝකය පොත්වල හැඳින්වුයෙ ආද්‍රා යන නමින් (Arda). ( ආද්‍රා කියන්නෙ පෘථිවියෙම පරණ ආකෘතියක් වගේ එකක්).
     ඊලඟට ඉරු තමන් මවපු ලෝකයෙ Valinor කියන දූපතක් සහ middle earth ( මධ්‍යම පෘථිවිය )කියල මහද්වීපයක් නිර්මාණය කලා. ඊලඟට ඔහු ainur හෙවත් පළවෙනි දිව්‍යමය ඡීවීන්ව valinor දූපතේ පදිංචි කලා.
ඉරු මීලඟට

Elves එල්ෆ්වරුන් හෙවත් සුරයන්
Mens මිනිසුන්
Dwarves කුරුමිට්ටන්

  සහ තවත් ගොඩාක්  ඡීවීන් සමඟ අංගසම්පූර්ණ ලෝකයක්  middle earth වල මැව්ව.

         මේ සියල්ලම මවල කට්ටිය සතුටින් ඡීවත්වෙනකොට දෙවියන් වහන්සේ මුලින්ම මවල valinor දූපතේ පදිංචි කරපු ainur කියන දිව්‍යමය ඡීවීන්ටත් ඕන උනා middle earth පැත්තට ඇවිත් බලන්න. මෙයාල දිව්‍යමය ඡීවීන් නිසා ඒ බව හංගගෙන middle earth වල ඉන්න සාමාන්‍ය ඡීවීන්ගෙ ස්වරූප අරගෙන තමයි middle earth වලට ආවෙ
 මේ එන අය ගොඩක් සුවිශේෂීයි,මොකද මෙයාල ස්වරූපය වෙනස් කරගෙන ආවට මෙයාල මධ්‍යම පෘථිවියෙ ඉන්න සාමාන්‍ය ඡීවීන්ගෙ හැකියාවන් ඉක්මවූ දිව්‍යමය පිරිසක්,,
මොවුන්ගෙ පැමිණීම  මධ්‍යම පෘථිවියෙ රාඡධානි සහ ඡීවීන්ගෙ ඉරණම වෙනස් මගකට යොමු කලා.

දැන් අපි බලමු valinor දූපතෙන් මධ්‍යම පෘථිවියට ආව අයගෙන් අපි අනිවාර්යයෙන් දැනගතයුතු අය කවුද කියල.

Molroth එහෙමත් නැත්නම් moloch  (valar අති බලවත් ) මොහු තමයි දෙවියන් වහන්සේගේ බලවත්ම නිර්මාණය. මොහු ගොඩාක් බලවත් අමරණීය දිව්‍යමය ඡීවියෙක්. මොහු දෙවියන්ට පමණක් දෙවනි වෙන කෙනෙක් කිව්වත් වැරදි නෑ.
          මෙයා middle earth වලට ආවෙ එහෙ පාලනය කරන්න කියල හිතාගෙන. මෙයා middle earth වලට ආවට පස්සෙ මෙයා පළවෙනි අඳුරු අධිපතිය බවට පත්වුනා වගේම ඕක් , ට්‍රෝල් , ඩ්‍රැගන් වැනි දුෂ්ඨ බලවත් ඡීවීන්  නිර්මාණය කලෙත් මොහු විසින් තමයි. මේ ඡීවීන්ව නිර්මාණය කරන්න ගිහින්  මෙයාගෙ අසීමිත බලය වැයවෙලා මෙයා තරමක් දුර්වල උනා.

Sauron (maiar තරමක් දුර්වල ) moloch ගෙ සේවකය වන මොහු moloch සමඟ මධ්‍යම පෘථිවියට ඇවිත් ඔහුගේ ලඟම සේවකය වෙලා ඉදල ඔහුගෙ බිඳවැටීම සමඟ දෙවනි අඳුරු අධිපතිය බවට පත් වෙනව.මොහුත් ස්වාමියාගෙ අමුණ වෙනුවෙන් අඳුරු රාඡ්‍යයක් ගොඩ නගන්න තමා කැප වුනේ. සවුරෝන් බල මුද්ද දාගෙන හිටපු උපරිම බලවත් කාලයෙදිවත් ඔහු⁣ට  moloch ගෙ දුර්වල කාලෙ බලයට සමාන වෙන්න බැරි උනා කියල තමා  කියවෙන්නෙ..
කොහොම නමුත් ලෝඩ් ඔෆ්ද රින්ග්ස් සහ හොබිට් සිනමාපට වල ප්‍රධාන දුෂ්ටය විදියට අපිට හමුවෙන්නෙ මෙයාව.  ඒ නිසා මෙයාව අනිවාර්යයෙන් මතකයේ රඳවගන්න.

මීලඟට සරුමාන් සහ ගැන්ඩල්ෆ් ප්‍රමුඛ මායාකරුවන්  පස්දෙනා (maiar වර්ගයේ සෙලෙස්ටියල්ල) මොවුන් මහලු මනුෂ්‍ය වේශයක් මවාගෙන මධ්‍යම පෘථිවියට ආවෙ පෘථිවිය අඳුරෙන් ආරක්ෂා කරන්නයි.
මෙතන මායාකරුවන් අතරින් සරුමාන් බලවත් සහ ශේෂ්ඨතමයා වෙනව වගේම ගැන්ඩල්ෆ් බුද්ධියත්ම කෙනා වෙනව.

දැන් යමු ඊලඟ කතාවට

මේ ඉරු දෙවියන් විසින් මවපු ලෝකය ප්‍රධාන යුග කිහිපයකට බෙදෙනව

පළවෙනි යුගය - මේකෙදි තමයි molochගෙ නැගී සිටීම සහ බිඳවැටීම සිදු වෙන කාලය.
මොහු අඳුරු අධිපතිය විදියට හිස ඔසවල ලෝකය පාලනය කරන්න උත්සාහ කරන්නෙත් , කට්ටිය එකතුවෙලා මොහුව පරාඡය කරල දම්වැල් වලින් ගැට ගහල සදාකාලිකව හිර කරන්නෙත් මේ කාලෙදි තමයි. ( අමරණීය නිසා මරන්න බෑ)

දෙවනි යුගය - මේකෙදි තමයි සවුරෝන් නැගී සිටින්නෙ.. වංචනික ආකාරයට කුරුමිට්ටන් , මනුෂ්‍යන් සහ සුරයන්ට බලවත්  මුදු ලබාදීල ඔහුගේ රහස්ගත අති බලවත් මුද්දෙන්  ,, අර අනෙක් මුදු දාපු අයව පාලනය කරන්න උත්සහ කරන්නෙත්,,, අවසානයේ විශාල යුද්ධයකින් පස්සෙ සවුරෝන් පරාඡයට පත් වෙන්නෙත් මේ කාලයෙදියි.

තුන්වෙනි යුගය - හොබිට් සහ ලෝඩ් ඔෆ්ද රින්ග් චිත්‍රපට දෙකට පාදකවෙන කාලය තියෙන්නෙ මේ යුගයෙයි. සවුරෝන් තමන්ගෙ අතුරුදන් උන බල මුදුව සොයාගෙන නැවත නැගී සිටීමට උත්සහ දැරීම පරාඡය කිරීමත් සමඟ මේ යුගය අවසන් වෙනව.

හතරවන යුගය - මේක ගැන වැඩි විස්තර නෑ , ලෝඩ් ඔෆ්ද රින්ග් චිත්‍රපටයෙ පෙන්නපු ශේ්‍රෂ්ඨ රඡු ඇ⁣රගෝන්ගේ මරණයත් , අතීත වීරයන්ගෙ වීර කතා පුරාවෘත්ත බවට පත් වීමත්, මිනිස්සුන්ට අතීතය සම්පූර්ණයෙන්ම අමතක වීමත් වෙන්නෙ මේ කාලයෙදියි..

දැන් අපි ලෝකය ගැන දැනගත්ත.

දැන් අපි හොබිට් කතාවට ඇතුලුවෙමු.


හොබිට් කතාව නොදන්න කෙනෙක් නෑනෙ. ඒ නිසා මම ඒ ගැන වැඩිය කියන්න යන්නෑ

ගැන්ඩල්ෆ් කියන මායාකාරය සහ තෝරින් ඕකන්ෂීල්ඩ් කියන කුරුමිටි අධිපතිය ප්‍රමුඛ කරගත්ත අඟුටු මිට්ටන් පිරිසක් බිල්බෝ බැගින්ස් කියන හොබිට්වත් එකතුකරගෙන ආකම් ස්ටෝන් කියන කුරුමිට්ටන්ගෙ  රාඡකීය පළිඟුව හොයාගෙන ඒකෙන් කුරුමිටි හමුදා එකතු කරගෙන  මකරෙක් විසින් අත්පත් කරගත්ත තමන්ගෙ රාඡධානිය ලබාගන්න යුද්යක් පටන් ගන්න යනව

ඒ අස්සෙ ශරීරය මියගිහින් අන්ධකාරයෙ ඉන්න සවුරෝන් කියන අඳුරු අධිපතියට දැනෙනව තමන්ගෙ සැඟවුන බල මුද්ද නැවතත් එළියට ඇවිත් කියල. (චාරිකාවෙදි බිල්බෝ ඒක ගුහාවක තිබිල ගොලම් කියන සතාගෙන් උස්සල සාමාන්‍ය ලෝකෙට අරගෙන එනව)
ඒ නිසා සවුරෝන් එයාගෙ අඳුරු සේනා නැවත සූදානම් කරනව🙏

අවසානයේ විශාල සටන් කිහිපයක්  වෙලා මකර මැරෙනව. සවුරෝන්ගෙ හමුදා පරාඡය වෙනව. තෝරින් ඕකන්ෂීල්ඩ් නියම රණකාමියෙක් විදියට මිය යනව. තෝරින්ගෙ සහෝදරය කුරුමිට්ටන්ගෙ අලුත් රඡතුමා වෙනව වගේම කුරුමිට්ටන්ට නැවතත් ඔවුන්ගෙ අහිමි උන නිවහන , කඳුකර රාඡධානිය නැවත ලැබෙනව.

සටන අවසානයේ බිල්බෝ බැගින්ස් කියන හොබිට් සවුරෝන්ගේ බල මුදුවත් අරගෙන ගෙදර යනව(මිනිහ දන්නෑ මිනිහ ගෙනිච්චෙ මොකක්ද කියල)

එතනින් තමයි හොබිට් කතාව ඉවරවෙලා ලෝඩ් ඔෆ් ද රින්ග් කතාවෙ ආරම්භය සිද්ධවෙන්නෙ..

මේ ලිපිය පළවෙනි ලිපිය විතරයි. මට වෙලාවක් ලැබුන ගමන් ඉතුරු ලිපියත් ලියන්නම් lord of the rings ගැන.

බල මුදුවේ මිතුර හවුලේ අවසානය ගැන ලියන්න බොහෝ දේ තිබේ😍😍😍
   

ගම් තුලානේ රස කතා නෑයෝ

       

 ඔන්න මම ඔයාලට මෙදා පොටේ අරගෙන ආවෙ ඇත්තම ඇත්ත ගැමි රස කතාවක්.මේකට ගෑවුන අයගෙ පරම්පරාවෙ අයට අදටත් ඔය සිද්දිය මතක් කළාම හොඳටෝම කේන්ති යනවලු
    එකදාස් නමසිය බර ගනන්වල(මට කතාව කියපු කෙනාටත් කාලෙ මතක නෑ 1950 - 60 අතර කාලය වෙන්න ඕන) මේ කියන ගම්මානයට බස් එකක් තිබිල නැහැ. කොළඹ ඉදල කලුතරට එක බස් එකකිනුත් ඉතිරි ටික තව බස් එකකිනුත් ගම ඇතුලට  කරත්තෙනුත් තමයි යන්න තිබිල තියෙන්නෙ.
     දවසක් ගමේ හිටපු එක්තරා පවුලකට එයාලගෙ කෑගල්ලෙ හිටපු නැන්ද කෙනෙක් ලියුමක් එවල තියෙනව. ලියුමක් කිව්වට මේක තැපැල් ලියුමක් නම් නෙවෙයි, කෑගල්⁣ෙල ඉදල ආපු ගමේ ගෙයක් බඳින්න මනුස්සයෙක්  අතේ එවපු කොළ කෑල්ලක්.
      ඒ කාලෙ අද කාලෙ වගේ නෙවෙයි දුර බැහැර නෑයො නෑගම් එන්නෙ ගොඩාක් කාලෙකින්නෙ.මේ කියන නැන්දත් කසාඳ බැඳල ගම අතහැරල ගිහින් අවුරුදු පහළොවකට වැඩීලු. එදායින් පස්සෙ නැන්ද ⁣එවපු පළවෙනි පණිවිඩේ තමයි ඒ ලියුම් කඩදහිය.
ලියුම ගෙනාපු මනුස්සය කියල තියෙන විදිහට ඒ මනුස්සය නැන්දලගෙ ලඟම අසල්වැසියෙක් , මිනිහ ගෙයක් බදින වැඩකට මේ කියන ගමට යනව කිව්වම නැන්ද ලියුම් කෑල්ල දුන්නලු ගිහින් දෙන්න කියල.
         නැන්දගෙ ලොකු පුතයි. යාලුවො කිහිප දෙනෙකුයි එකතුවෙලා අම්මගෙ උපන්ගම බල⁣ාගන්න තව සතියකින් එනව කියල තමයි ලියුම් කෑල්ලෙ ලියල තියෙන්නෙ.එයාලට පවුලෙ අයට වගේ සලකන්න කියල ලියල එවල.
            ඉතින් මේ පවුලෙ අය නැන්දගෙ පුතාල එන්න සතියකට කලින් ඉදලම එයාලව පිළිගන්න ලෑස්ති වෙලා.මොකද අවුරුදු පහළොවකට පස්සෙ එන  නෑයොනෙ.කෙසෙල් ඉදවල,

මී කිරි මුදවල, දඩ මස් හොයල  ඔක්කොම ලෑස්ති කරල තමයි තියල තියෙන්නෙ.
      ඔන්න කට්ටිය එන දවසත් ආවලු. ⁣ඉතින් ගෙදර අය ගෙදර හිටපු තරුණ ඉලන්දාරි දෙතුන්දෙනෙක් කරත්ත දෙකක් එක්ක ටවුමට පිටත්කලාලු නෑයන්ව එක්කන් එන්න කියල.
          ටවුමට ගිය ගමේ ඉලන්දාරි කට්ටිය බස් එක එනකම් බස් නවත්තන තැනට වෙලා බලන්හිටියලු.
    ඔන්න ඉතින් බස් එක ඇවිත්  නැවැත්තුවලු , බර සෙනගක් බස් එකෙන් බැස්සලු. ඒ කාලෙ දවසට තිබ්බ එකම බස් එක ඒකලු.
     අවුරුදු විස්සක විතර පෙනුම තියෙන ගඡ ඉලන්දාරි හය දෙනෙක් බස් එ⁣ෙකන් බැහැල වට පිට බල බල ඉන්නවලු.
අපේ අයත් දැකපු ගමන් කට්ටියව අඳුනගෙන කරත්තෙ දාගෙන එක්කගෙන ආවලු.

   මේ ඉලන්දාරි අතර හිටපු ලස්සන සුදු මහත ඉලන්දාරිය තමන් නැන්දගෙ පුතා කියල අඳුන්වල දුන්නලු.
 ගමේ අය කවදාවත් ඉලන්දාරියව දැකල නෑනෙ
    දුර බැහැර ඉදල ආපු නැන්දගෙ පුතාට ගමේ අම්මගෙ නෑයො රඡ සැළකිලි සැළකිලි කලාලු..
    ඒ අතරතුර ගමේ අය අම්ම ගැන, කෑගල්ල ගැන  විස්තර එහෙමත් ඇහුවලු.
ඉලන්දාරිය ඒ ගැන කියන්න ටිකක් අකමැතිලු.
නැන්දගෙ පුතත් එක්ක ආපු ඉලන්දාරි ටික ගෙදර අයව පැත්තකට අඩ ගහගෙන ගිහින් කිව්වලු ගමේ ප්‍රේම සම්බන්දෙකට අම්ම විරුද්ධ උන නිසා ඉලන්දාරියා අම්ම ගැන කතා කරන්න කැමති නෑ කියල. මිනිහ ගමෙන් ටික දවසකට ඈත්වෙන්න ඕන නිසයි මේ ගමන ආවෙත් කියල කිව්වලු.

මෙයාලත් කල්පනා කලාලු අවුරුදු පහළොවකින් ආපු දරුවගෙ හිත රිද්දන්නෙ මොකටද කියල.
කොහොමින් කොහොමින් හරි ගමට ඇවිත් දවස් තුනකට පස්සෙ නැන්දගෙ පුතයි යාලුවො ටිකයි ආපහු කෑගලු යන්න ලකලෑස්ති උනාලු.
   ගෙදර කට්ටිය කොලුවව තව ටික දවසක් නවත්තගන්න කොච්චර උත්සාහ කලත් වැඩේ හරි ගියෙ නැහැලු..
   ඉතින් කොලුව ආපහු යනකොට ගෙනියන්න, හාල් මලු දෙකකුයි, වේලපු දඩ මසුයි,ගෙදර හදපු පහේ වර්ගයි,ගම්මිරිස්, පුවක් ,කරාබුනැ⁣ටි මලු වගයක් වගේම ගෙදර මහපු පන් පැදුරු පහකුයි, රෙදි වගේකුයි, අත්තම්මගෙ කරාබු කුට්ටමයිත් දුන්නලු.

      ඊට පස්සෙ නෑයන්ගෙ දෙපා වැඳපු නැන්දගෙ පුතා කාපු බීපුවටත් ස්තුති කරල ආපහු එන්නත් පොරොන්දු වෙලා යාලුවො නඩයත් එක්ක යන්න පිටත්වුනාලු
⁣
හොඳම හරිය වෙල⁣ා තියෙන්නෙ මේ සිද්ධිය වෙලා අවුරුදු පහකට පස්සෙ.
 
      ඕන් ඉතින් මේ සිද්ධියෙන් අවුරුදු පහකට පස්සෙ දවසක් කසාදයක් ගැන දැනුම් දෙන්න කියල හිතාගෙන මෙයාල නැන්දව බලන්න කෑගලු ගිහින්..

 ගියාට පස්සෙ තමයි මෙයාල දැනගෙන තියෙන්නෙ. නැන්ද එවපු ලියුමකුත් නෑ නැන්දට ළමයිත් නෑ,
නැන්ද කසාඳ බැඳල ගිය  කාලෙම මිනිහ දාල ගිහින්,ඊට පස්සෙ එහෙදි අසනීප වෙල⁣ා මැරිල කියල. ඒ කාලෙ නැන්දගෙ ගමට දැනුම්දෙන්න කවුරුවත් ඉදලත් නැති නිසා ඒ මරණෙ එ⁣ෙහදිම කටයුතු කරල දාලලු..
අනේ අපොයි!!!

මහාචාර්යවරයාගේ දියණිය හෙවත් සීලියා

ශරීරය ක්‍රියාවිරහිත වීමේ යාන්ත්‍රණය ක්‍රියාත්මකයි

1.2.3.Start

හරිම පුදුමයි මහාචාර්යතුමා!
 ඇත්තටම  ඒ පුද්ගලයට මොකක්ද සිදුවුණේ,
විසි නව හැවිරිදි තරුණ විද්‍යාඥයෙකු වූ කාරියවසම් තම මහාචාර්යවරයා වූ හැට හැවිරිදි හෙක්ටර් ගුණතිලක මහතාගෙන් විමසීය.
    මහාචාර්යවරයා සහ තරුණයා සිටියේ මහාචාර්යවරයාගේ නිවසේ බිම් මහළ තුළ පැවති රහස් විද්‍යාගාරය තුළ මහාචාර්යවරයාගේ නව නිර්මාණය පිරික්සමිනි.

  මගේ නවීනතම නිර්මාණය උන මෙන්න මේ පැලැස්තර කැබැල්ලෙන් තමයි ඔය ඉන්න පුද්ගලයට ඒ දේ උනේ.

මහාචාර්ය තුමා ඉතාමත් කුඩා චිපයක් සහිත පැලැස්තර කැබැල්ලක් ගෙන කාරියවසම්ගේ මුහුණට කිට්ටු කරමින් ඉතාමත් සතුටින් පැවසීය.

  මේක සාමාන්‍ය තුවාල වලට ගහන පැලැස්තර කැබැල්ලක් නෙවෙයි. මේක මම නිෂ්පාදනය කරපු අති විශේෂ චිපයක් ඇතුළත් පැලැස්තර කැබැල්ලක්. මේ පැලැස්තරය අපිට අවශ්‍ය පුද්ගලයගෙ  හිසේ කුඩා මොළය ප්‍රදේශයෙ ඇලෙව්වහම අපිට පුළුවන් ඒ පුද්ගලයව අපිට අවශ්‍ය ඕනෑම මොහොතක අකර්මණ්‍ය කරල දාන්න.

ඔබට තේරෙනව නේද ඒකෙ තියෙන වැදගත්කම.
බැරෑරුම් මුහුණක් ආරූඩ කරගත් මහාචාර්ය වරයා පැවසීය.

තව දුරටත් මේ රටට සිර මැදිරි අවශ්‍ය නැහැ. අපිට පුළුවන් ඕනම අපරාධකරුවෙක්ව මේ පැලැස්තරය සවි කරල සමාඡයට මුදා හරින්න..

ඒක හරියන්නෑ මහාචාර්ය තුමා.තරුණ කාරියවසම් එසේ පවසද්දී, මහාචාර්යවරයා ඔහු දෙස බලාපොරොත්තු කඩවුණු බැල්මක් හෙළමින් ඒ මන්දැයි විමසීය.

දැන් අපි නිදහස් කරන අපරාධකරුවාට පුළුවන්නෙ ඔහුට අවශ්‍ය ඕනම වෙලාවක ඔහුගෙ හිසට සවි කරපු ප්ලාස්ටරය  ඉවත්කරගන්න!

එතකොට ඔබතුමාගෙ වැඩේ අසාර්ථකයි නේද?

ඇත්තම නේන්නම් මට ඒ ගැන කල්පනා උනේම නැහැ. අද කාලෙ තරුණ තරුණියො අපේ කාලෙ අයට වඩා ගොඩක් බුද්ධිමත් තමයි. අපේ සීලියට උනත් මහාචාර්ය කෙනෙක් උන මට වඩා ගොඩාක් බුද්ධිමත් අදහස් තියෙනවනෙ.
එයා තමයි මේ උපකරණය ගොඩනගන්න අදහස මගෙ හිතට දැම්මෙත්.
    සීලියා යනු මහාචාර්ය වරයාගේ තරුණ දියණියයි.විසි තුන්වන වියේ පසුවන ඇය මේ වන විට ප්‍රසිද්ධ විශ්ව විද්‍යාලයක අවසන් වසරේ ඉගෙනුම ලබන ශිෂ්‍යාවකි.තම පියාගේ අඩි පාරේ යමින් දක්ෂ විද්‍යාඥයෙකු වීම ඇගේ එකම අරමුණයි.

වසර කිහිපයක් මහාචාර්යවරයාගේ සහයකයා ලෙස ක්‍රියා කළ කාරියවසම් හා මහාචාර්යවරයාගේ දියණිය අතර යම් පෙම් සබඳතාවයක් පසුගිය කාලයේ ඇතිවී තිබුණි.
මේ පිළිබඳව දැනුවත් වූ මහාචාර්යවරයා වහාම එම සබඳතාවය බිඳ වැටෙන ලෙස කටයුතු සිදු කරන ලදී.
මෙහිදී නැවතත් කාරියවසම් ඉදිරියේ තම දියණියගේ නම සිහි කරමින් තමන් සිදුකරන ලද්දේ වැරැද්දක් දැයි මහාචාර්යවරයා තුළ සිතුවිල්ලක් ඇති වන්නට විය.
මේ හැඟීම ඇතිවූ තැනින්ම නැති කළ යුතුය.

කාරියවසම් ඔයා දැන් යන්න. මට මගේ වැඩේට හිත යොමු කරන්න අවශ්‍යයි.මට අවශ්‍යතාවයක් උනොත් ෆ්‍රැන්සිස් ඉන්නවනෙ..

ෆ්‍රැන්සිස් යනු මහාචාර්ය වරයාගේ නිවසේ සිටින මෙහෙකරුවායි..

තවත් වසර කිහිපයක් ගෙවී ගියේ ලොවටම රහසේය.

මහාචාර්ය හෙක්ටර් තව නව නිපැයුම වඩාත් සාර්ථක අයුරින් ප්‍රතිනිර්මාණය කලේය.
තම අති විශේෂ පරීක්ෂණය ලොවට හෙළි කිරීමට පෙර පෞද්ගලිකව අත්හදා බැලීමට ඔහුට අවශ්‍ය විය..

සීලියා,
ෆ්‍රැන්සිස් තාම ආවෙ නැද්ද?

තාම ආවෙ නෑ ඩැඩී.

මේ මනුස්යට මම අද උදේනෙ එන්න කියල කිව්වෙ.ගෙදර ගිහින් එන්නම් කියල ගිහින් පැළ උනාද? දැන් ඉතින් මම මේ පරීක්ෂණයට නිදර්ශකයක් විදියට ගන්න කෙනෙක් කොහෙන් හොයා ගන්නද?

ගෙදර කවුද?
ගෙදර  කවුද?

කවුද ඒ පාර මේ වෙලාවෙම දොරට ගහන්නෙ.
දුව, ඔයා ගිහින් බලල එන්න..

ඩැඩී ඩොක්ට කාරියවසම් ඇවිත්

ආ.කාරියවසම්!!!

තම දියණිය සිටින මොහොතේ කාරියවසම් පැමිණීම ගැන මහාචාර්යතුමාට ඇති වූයේ කෝපයකි.
නමුත් මේ මොහොතේ වටිනාකම ගැන සලකන විට එය එතරම් සැලකිය යුත්තක් නොවේ.
තම කෝපය සිත තුළම සඟවාගත් මහාචාර්යවරයා ව්‍යාඡ සිනාවක් මුවෙහි රඳවාගෙන කාරියවසම් හට ඇමතුවේය.

ඉලන්දාරියා තමුසෙව මේ වෙලාවෙ දැකගන්න ලැබුන එකත් ලොකු දෙයක්.

මට මේ පරීක්ෂණේ ඉවර කරගන්න බැරුව හිටියෙ ෆ්‍රැන්සිස් නැතුව.
කොහෙද මේ යකා හරියටම අදම හොයාගන්න නෑනෙ.

මොකක්ද මහාචාර්ය තුමා වෙන්න ඕන.මට මැරෙන්න වෙන වැඩක් එහෙම නෙවේ නේද?
කාරියවසම් සිනාසෙමින් ඇසීය.
හපෝ නෑ, ඔහේට මතකද මම අර ඉස්සර දවසක් ඔහේට පෙන්නපු චිප් එකක් සවි කරපු පැලැස්තරේ.
මම ඒක තවත් වැඩිදියුණු කලා..

මහාචාර්යවරයා ආඩම්බර සිතින් පැවසීය

මට දැන් ඒක පරික්ෂා කරගන්නයි ඕන.

ඩැඩී ඩැඩී

ඇයි සීලියා,

ඩැඩීට මේ විද්‍යාත්මක වැඩ නිසා මනුස්ස ගුණධර්ම පවා අමතක වෙලා.
ගෙදරට ආපු අමුත්තෙක්ට ඔහොම සලකන එක හරිද ඩැඩී..
ගෙදරට ආපු මනුස්සයෙක්ව ඔයාට ඔහොම අවධානම් පරීක්ෂණ වලට යොදාගන්න එක හොඳද?

ඒකට කමක්නෑ සීලියා කාරියවසම් පැවසීය..

හැබෑටම දුව කියනං මට ඒ ගැන කල්පනාවට ආවෙත් නෑනෙ..ඒකක් ඇත්ත තමා මගෙ දරුවා...

හොඳයි හොඳයි

මගේ පරීක්ෂණයෙ නිදර්ශකය මම ම වෙන්නම්කො. එතකොට මට මේකෙ තත්වය ගැනත් හරියටම දැනගන්න පුළුවන් වෙනව.

සීලියා ඔයා දන්නව නේද මේක ක්‍රියාත්මක කරන හැටි

ඔව් තාත්තේ,,
මගෙ උදව්වට කාරියවසම්  ඉන්නවනෙ.ඔයා බයවෙන්න එපා.

කාරියවසම් මේ අහගන්නව,
මම කලින් පාර හදපු පැලැස්තරේට පුළුවන් උනේ මනුස්සයෙක්ව මුලුමනින්ම අක්‍රිය කරන්න විතරයි.ඒ වෙලාවෙ ඉදල ඔහුට මුකුත්ම කරගන්න බෑ , සිහියත් නැහැ.
     ඒත් මම මෙදා සැරේ කරපු නවීකරණ කිරීමත් එක්ක මේක වෙනස්ම විදිහකට තමයි  ක්‍රියාත්මක වෙන්නෙ..
ශරීරය අක්‍රිය වෙන්න නිල් බොත්තම ඔබල. අර අතන තියෙන විශේෂ රතු බොත්තම එබුවහම,
අක්‍රීය වෙච්ච පුද්ගලයගෙ සම්පූර්ණ ශරීර අභ්‍යන්තර ක්‍රියාවලි වැඩ කරන්න පටන්ගන්නව.ඒ කියන්නෙ, අපි පැලැස්තරේ අලවපු මනුස්සයට අත පය හොලවන්න විතරයි බැරි.ඔහුගෙ ඇස් කන් , මනස හොඳටම ක්‍රියාත්මක වෙන්න ගන්නව.හිතන්න පතන්න උනත් පුළුවන්. ඒව ක්‍රියාත්මක කරන්න විතරයි බැරි.
ඒ විතරක් නෙවෙයි, දැන් මේ පැලැස්තරේ සවි කරල ශරීරය අක්‍රිය කලාට පස්සෙ,
පැලැස්තරේ හිසෙන් ඉවත්කලත් ශරීරය ක්‍රියාත්මක වෙන්නෑ. නැවත ක්‍රියාත්මක වෙන්න නම් නැවතත් මේ පැලැස්තරේ අලවල නිල් බොත්තම ඔබල විද්‍යුත් ධාරාවක් මොළයට ලබා දීල උත්තේඡනයක් දෙන්නම ඕන.

මේ ක්‍රමය භාවිතා කරල ඉතාමත් දරුණු අපරාධකාරයො පුටු වල හේත්තු කරවල අපිට එයාලට යහපත් සාරධර්ම උගන්නන්න පුළුවන් වෙයි.මේක බන්ධනාගාර ක්‍රමය තුළ විප්ලවයක් ඇති කරන්න පුළුවන් නිර්මාණයක්.

කාරියවසම් තමුන් වෛද්‍ය විද්‍යාව ගැන ඉගෙනගත්තට මගෙත් එක්ක ඉදල ඉලෙක්ට්‍රොනික් වැඩ ගැනත් ටිකක් දන්නව නේද?
ප්‍රශ්නයක් ආවොත් මගෙ දුව කියන විදියටම කරනව.

දැන් අර පැලැස්තරය අරගෙන මගෙ හිස පිටුපස්සෙ අලවනව.

හරි මහාචාර්යතුමා හරි..

ආහ්, වැඩේ සාර්ථකයි.
තමුසෙ මම හිතුවට වඩා දක්ෂයෙක්නෙ..

දැන් මම මේ මේසෙ හාන්සි වෙන්නම්..
සීලියා
ඔයා නිල් බොත්තම ඔබන්න...

මහලු මහාචාර්යවරයා තම විද්‍යාගාරයේ පැවති මේසයේ සැතපුණු අතර ඔහුගේ දියණිය වූ සීලියා විසින් නිල් පැහැ බොත්තම ඔබන ලදී..

ඩැඩී ඩැඩී!!!
ඩැඩී!

වැඩේ සාර්ථකයි!!!

ඉන්පසුව සිදු වූයේ කුමක්ද?

ඉන්පසුව අති විශේෂ රතු බොත්තම ඔබා මහාචාර්යවරයාගේ මනස ක්‍රියාත්මක කළ සීලියා, ඔහුගේ මුහුණ විද්‍යාගාරයයේ සෑම කොනම පෙනෙන පරිද්දෙන් පැත්තට හැරවූවාය...

ඉන්පසු අැය,
එක්වරම තරුණ විද්‍යාඥ  කාරියවසම් අසළට පැමිණ ඔහුව සිපවැළඳ ගත්තාය.

මහලු මහාචාර්යවරයාට සිදුව ඇත්තේ තම දියණියගේ මෙම පිළිකුල්සහගත හැසිරීම , ඇසිපිය නොහෙලා බලා සිටීම පමණි. මන්දයත් මේ වන විට ඔහුගේ මුලු ශරීරයම අක්‍රීයව පැවතිණි.

සිපගැනීමෙන් පසුව මේසයේ දිගා වී සිටින මහලු මහාචාර්යවරයාගේ මුහුණ අසලට පැමණි තරුණ දියණිය ඔහු දෙස බලමින් කතාව ආරම්භ කලාය.

ඩැඩී දන්නවනෙ මගෙයි කාරිගෙයි ලව් එෆෙයාර් එකක් තිබුන බව.
ඩැඩී ඔයා මට ඒ දවස්වලම කාරියවසම්ව විවාහ කරල දුන්නනම් මේ කිසි දෙයක් වෙන්නෑනෙ..
ඔයාට ඕන උනේ, ඔයාගෙ යාලුව මහාචාර්ය සිරිපාලගෙ  පුතා සුනිල්ට මාව විවාහ කරල දෙන්නනෙ,
කොච්චර ලඟින් ආශ්‍රය කලත් ඔයා කාරියවසම්ට කැමති උනේම නෑනෙ.කාරියවසම් හොඳට ඉගෙනගන්න , හොඳ රස්සාවක් කරන කෙනෙක්, ඒත් ඔයාට එයාගෙ දුප්පත් පවුල් පසුබිම අමතක කරන්න බැරි උනානෙ ඩැඩී.
එයා මගෙ ඡීවිතේ කියල මම ඔයාට කොච්චර කිව්වද?
 මම ආස කෙනාව විවාහ කරගන්න අවසර දෙන්න කියල,
මම ඔයාගෙන් කොච්චර වැඳවැටිල ඉල්ලුවද?
ඔයා මගෙ හැඟීම් ගැන පොඩ්ඩක්වත් හිතුවෙ නෑ ඩැඩී.
ඔයාට ඕන කලේ මහ ලොකු ප්‍රසිද්ධියයි , ඡනතා සේවයයි විතරයි.
ඔයාගෙ දුවගෙ හැඟීම් තේරුම්ගන්න ඔයා චුට්වත් උත්සාහ කලේ නෑ ඩැඩී..

ඔයාම තමයි මේ දේ කරන තැනට මාව අසරණ කලේ.

කාරී, ඔයා ගිහින් ෆ්‍රැන්සිස්ට එන්න කියන්න.
මිනිහ ඉස්සරහ ගේට්ටුව ලඟ ඇති.මම මිනිහට එතන ඉන්න කියල ඇත්තෙ පරීක්ෂණ ඉවරවෙනකම්.
ඊට කලින් ඔයා අර පැලැස්තර කෑල්ල අයින්කරල, තාත්තව ගෙදර සාලෙට ගෙනියන්න උදව්කරන්න..
ඊට පස්සෙ මේ දොර සදහටම වහල දාන්න.

සුලු මොහොතකට පසු කාරියවසම් විසින් කරන ලද දැනුම්දීම මත ෆ්‍රැන්සිස් නිවසට පැමිණියේය....

      සාලයේ එක් කෙළවරක වැටී සිටි මහලු මහාචාර්යවරයාගේ හිස තම උකුළ මත තබාගෙන මහාචාර්යවරයාගේ තරුණ දියණිය අඬමින් සිටින අයුරු ඔහුට දක්නට ලැබිණි.

බලන්නකො ෆ්‍රැන්සිස් මගෙ ඩැඩීට වෙච්ච දේ...

අදත් මොකක්ද පරීක්ෂණයක් තියෙනව කියල නොකා නොබී වැඩ කර කර හි⁣ටියෙ..
ඔයා දන්නවනෙ පහුගිය කාලෙම ඩැඩීගෙ හැසිරීම..
හරියට කෑමක් බීමක් නෑ.
හරියට පිස්සු හැදිල වගේ පරීක්ෂණ වලට මහන්සි උනේ, මට පේන්නෙ ඩැඩීගෙ පෙෂර් වැඩි වෙලා පැරලයිස් වෙල⁣ා...

මගෙ දෙයියනේ,
මගෙ ඩැඩීට මේ මොකද උනේ.

මාස කිහිපයක් ගත විය.
   
පැරලයිස් තත්වයට පත් වූ මහාචාර්යවරයාට කොතරම් වෛද්‍ය ප්‍රතිකාර කළද  ඒ සියල්ල ගඟට කැපූ ඉණි මෙන් අසාර්ථක විය.අවසානයේ ඔහුට ප්‍රතිකාර කිරීම අත්හැර දමන්නට සියලු දෙනාට සිදු විය.

මහාචාර්යවරයා⁣ෙග් නිවසේ , ඔහුගේ දියණිය හා ඇගේ සැමියා වූ කාරියවසම් ඉතාමත්  සතුටෙන් දිවි ගෙවුවෝය. දියණියක් වශයෙන් සීලියා අසනීප වූ තම පියාවද ඉතා හොඳින් රැකබලා ගනිමින් නිවසේ කටයුතුද බලාගනිමින්  කරන කාර්යභාරය, හිතවතුන් සැමගේ ප්‍රශංසාවට ලක්විය.
   තවත් ටික කලකට පසු සීලියා හා කාරියවසම්ගේ ලෝකය තුළට කුඩා දියණියක්ද පැමිනිණි.
සති කිහිපයක් දියණිය සමඟ කාලය ගත කල කාරියවසම් නැවත රැකියාව වෙත පිටත්ව ගිය අතර, නිවසේ තනිවූ  සීලියාට එක්වරම ඇති වූ සිතිවිල්ලක් මත ඇය තම අලුත උපන් ළදරුවා සිය පියාණන් පෙන්වීමට තීරණය කළාය.
දරුවා පියාණන් හට පෙන්නූ සීලියා ආපසු යෑමට හැරෙනවිට  දුටුවේ මෙතෙක් නෙසෙල්වී දැඩිව පැවති තම පියාණන්ගේ දෑස තුළින් කඳුලු බිඳු ගලා එන බවයි...

වහා තම කාමරය වෙත දිව ගිය ඇය. දරුවා තොටිල්ල මත තබා,
අල්මාරිය විවර කර එයින් යතුරක් ගෙන.
හැකි වේගයෙන් නිවසේ යටි මහළේ පැවති පියාගේ විද්‍යාගාරය වෙත ගියාය. එහි මළකා තිබූ දොර අපහසුවේන් විවෘත කරගත් ඇය, විද්‍යාගාරයයේ එක් පසෙක තිබූ,
බොහෝ කළකින් විවර නොකෙරූ සේප්පුවට තම⁣ා රැගෙන ආ විශේෂ යතුර දමා විවෘතකර, එය තුළ තිබූ පෙට්ටියක් අතට ගත්තාය. ඉන්පසු පෙට්ටිය විවර කළ ඇය ඒ තුළින් ගත්තේ වසර ගණනකට පෙර ඇගේ පියා නිර්මාණය කළ චිපය සවි කළ පැලැස්තර කැබැල්ලයි. ඉන්පසු අැය ඒ ආසන්නයේ පැවති නිල් පැහැ බොත්තම සහිත පැනලය දෙස බැලූයේ බලාපොරොත්තු සපිරි දෑසකිනි.