Wednesday, December 21, 2016

මමියේ ශාපය

     
අද මම ලියන්න කල්පනා කලේ මම මීට කලින් ටයිටැනික් ගැන ලියපු ලිපිය සම්බන්ධ අතුරු ලිපියක් . මේ ලිපියෙදි මම විස්තර කරන්න බලාපොරොත්තු වෙන්නෙ ටයිටැනික් නැවේ විනාශයට හේතු වුන බවට සැලකෙන ශාපලත් මමියක් ගැන. මේ කතාව 100% ඇත්ත කියලනම් කියන්න බෑ.නමුත් මේ කතාවත් නොසලකා හරින්න බැරි කතාවක්.
      ක්‍රිස්තු පූර්ව 1500 දී පමණ ඡීවත් වූ ආමෙන් රා කුමරිය මියගිය පසු එකල ඊඡිප්තු වැසියන්  ඇගේ දේහය අති විශේෂ ලී වලින් තැනූ මිනී පෙට්ටියක දමා නයිල් නදීයේ ඉවුරක් තුළ මිහිදන් කලා.එදායින් පසු නැවතත් ඇය ගැන කතාකරන්න පටන්ගත්තෙ 1890 වර්ෂයේදීයි.
     
1890 වර්ෂයේ ඊඡිප්තු සංචාරයක් සඳහා ආ ඇමරිකානු කෝටිපති මිතුරන් හතර දෙනෙකුට මෙම මමිය හමුවුණා . ඒ විකිණීම සඳහා දමා තිබියදීයි.  මෙයින් එක මිතුරෙක් පවුම් දහසක් ගෙවා මෙම මමිය මිලදී ගනු ලැබුවා. ඒ තමා විසින් නැවතත් මවු රටට යන විට සිහිවටනයක් ලෙස රැගෙන යන්නයි.
        මෙය තමයි ශාපයේ ආරම්භය. මමිය මිලදී ගත් තරුණ ව්‍යාපාරිකය තමා නතරවී සිටි හෝටලයට එය රැගෙන ගියා. ඉන් පැය කිහිපයකට පසු ඔහුගේ බිරිඳ දැක තිබුනේ ඔහු හෝටලයෙන් පිටවී පයින්ම පාලු කාන්තාරය දෙසට ගමන් කරනවා පමණයි . ඔහු නැවත පැමිණියේ නෑ.ඔහුට සිදුවූ දේ අභිරහසක් වුනා.
        දෙවන ව්‍යාපාරිකයා හට ඊට පසු දින ඔහුගේ ඊඡිප්තු ඡාතික සේවකයා විසින් කිසිදු හේතුවක් රහිතව වෙඩි තබා තිබුනා.. එම වෙඩි පහර නිසා බරපතල තුවාල ලැබූ ඔහුගේ අතක් කපා දැමීමට සිදු වුනා.
           තුන්වන ව්‍යාපාරිකයා නිවස වෙත ගිය විට ඔහුට ආරංචි වූයේ ඔහු එතෙක් කල කල සියලුම බැංකු ආයෝඡන කඩා වැටී ඇති බවයි.ඔහු තවදුරටත් කෝටිපතියෙක් වුනේ නෑ.
              සිවුවැන්නා හට බරපතල රෝගාබාධයක් ඇති වූ අතර කරන ලද රැකියාවද අහිමි වුනා. අවසානයේදී ඔහු දිවි ගැටගසා ගැනීමට මහා මාර්ග අවට ගිනිපෙට්ටි අළෙවි කරන්නෙකු බවට පත් වුනා.
   
ඒ වන විට එංගලන්තය වෙත රැගෙන විත් තිබූ මමිය අඩංගු පෙට්ටිය එංගලන්ත කෝටිපති ව්‍යාපාරිකයෙකු විසින් මිලට ගත්ත. එය මිලදී ගෙන කිහිප දිනක් ගතවීමට මත්තෙන් ව්‍යාපාරිකයාගේ පවුලේ තිදෙනෙක් රිය අනතුරකින් බරපල තුවාළ ලැබුව. , එසේම ව්‍යාපාරිකයාගේ නිවස ගිනිගැනීමකටද ලක් වුනා, තත්වයේ බරපතල කම වටහා ගත් ඔහු මමිය අඩංගු පෙට්ටිය වහාම එංගලන්ත කෞතුකාගාරය වෙත ලබා දුන්නා.
      මෙම මමිය කෞතුකාගාරය වෙත ගෙන යන ලද්දේ ට්‍රක් රථයක් මගින්, මමිය කෞතුකාගාරය වෙත ගෙන ගොස් බෑමට පෙර කිසිදු හේතුවක් නොමැතිව ට්‍රක් රථය පිටුපසට ධාවනය වී තිබෙනවා.. අවසානයේ ට්‍රක් රථයෙන් බා ගන්නා ලද මමිය අඩංගු පෙට්ටිය කෞතුකාගාරය වෙත ගෙන ගියේ සේවකයන් දෙදෙනෙකු විසිනුයි.. කෞතුකාගාරයෙහි පඩිපෙලෙන් එය රැගෙන යාමේදී එක් අයෙකුගේ පය පැටලී ඇඳ වැටුනා. ඔහුගේ පාදය කැඩී ඇති බව පසුව දැනගැනීමට ලැබුනු අතර අනෙක් සේවකයා මෙම සිද්ධියෙන් දින දෙකකට පසුව හදුනාගත නොහැකි රෝගයකින් මිය ගියා.
   
කුමරියගේ මමිය කෞතුකාගාරයේ ඊඡිප්තු අංශයේ තැම්පත් කිරීමත් සමගයි සෑබෑ කරදර ආරම්භ වීමට පටන්ගත්තේ. කෞතුකාගාරයෙහි  රාත්‍රි මුර සංචාරයේ යෙදෙන නිලධාරියා හට සැමදාමත් මමී පෙට්ටිය අසලින් අත්භූත හඩවල් ඇසෙන්නට පටන්ගත්තා .. ඊට ටික දිනකට පසු ඔහුගේ මළ සිරුර මමී පෙට්ටිය අසල තිබී උදෑසන සොයාගනු ලැබුවා. දිනක් කෞතුකාගාරය නැරඹීමට පැමිණි පුද්ගලයෙකු දිනක් මමියේ පෙට්ටියෙහි තින්ත වර්ගයක් ආලේප කලා. ඔහුගේ සියලු දරුවන් සරම්ප සෑදී මිය යාමෙන් ඔහුට එහි වන්දිය ගෙවීමට සිදුවුනා . මේ සිද්ධි ගැන ආරංචි වූ කිසිම කෞතුකාගාර සේවකයෙකු මමිය අසලට පිරිසිදු කිරීම් කටයුතු කිරීමට යෑමට කැමති වූයේ නෑ.. අවසානයේ කෞතුකාගාර බලධාරීන් මමිය අඩංගු පෙට්ටිය කෞතුකාගාරයෙහි බිම් මහල වෙත ගෙනගියා.
     එය පහළට ගෙන ගොස් දිනකට පසුව බිම් මහලේ සේවකයෙක් බරපතල ලෙස අසනීප වුන , ඒ වගේම කෞතුකාගාරයෙහි වැඩ පරීක්ෂකවරයා තම මේසය මතම මිය ගොස් සිටියදී හමු වුනා.
   මෙම සිද්ධිය ගැන ආරංචි වූ මාධ්‍යවේදීයෙක් පැමිණ මමී පෙට්ටියේ  ඡායාරූප ලබා ගත්තේ ඒවා තම පුවත්පතේ පළ කරන අදහසින්. ඔහු විසින් ලබාගත් ඡායාරූප ශුද්ධ කිරීමේදී ඔහු දැක ඇත්තේ මමී පෙට්ටියේ ලබාගත් ඡායාරූපය මත බිහිසුණු අමුනුෂ්‍ය මුහුණක් ඇති බවයි , මෙය දරාගත නොහැකි වූ ඔහු වහාම නිවස වෙත ගොස් කාමරයේ දොර වසාගෙන හිසට වෙඩි තබාගෙන මියයනවා.
      තවදුරටත් මෙය කෞතුකාගාරයෙහි තබා ගැනීම කරදරයක් බව සිතූ බලධාරීන් පෞද්ගලික කෞතුක වස්තු අළෙවි කරන්නෙකුට මෙම මමිය අලෙවි කරනවා.අවාසනාවන්ත මරණ හා ප්‍රශ්න පැමිණීම නිසා එහි අයිතිකරු විසින් මමිය නිවසෙහි අට්ටාලයෙහි තැම්පත් කරනව.
      මේ කාලෙදිම තමයි ලෝකප්‍රසිද්ධ මැඩම් හෙලේනා බ්ලැට්වැස්කි මැතිනිය මේ ප්‍රදේශයේ සංචාරයකට එන්නෙ. මේ ප්‍රදේශයට පැමිණීමත් සමඟ එතුමියව අසාමාන්‍ය ලෙස වෙවුලන්න පටන් ගන්නව.. ඇයට වැටහෙනව අසාමාන්‍ය බලවත් බූතාත්මයක් මෙම ප්‍රදේශයේ  සිටින බව. ඇය ඒ පිළිබඳව සොයමින් ගොස් අවසානයේ නතර වෙන්නෙ අර පුද්ගලයගෙ නිවසේ අට්ටාලයේ තිබුණු මමී පෙට්ටිය අසල. එහි අයිතිකරු එතුමියගෙන් අසනව මෙම ආත්මය පළවා හැරීමට පුළුවන් ද කියල , එතුමිය පවසනව මෙහි පළවා හැරීම කියල දෙයක් නෑ නපුර සදාකල් පවතිනව , පුළුවන් තරම් ඉක්මනින් මෙය ඉවත් කරන්න කියල. මේ කතාව පිළිගන්න අයිතිකරු වහාම මමිය විකිණීමට පුද්ගලයෙක් හොයනව, නමුත් පසුගිය කාලයේ දි සිද්ධ වෙච්ච දේවල් දන්න කිසිදු කෙනෙක් මෙය මිලදී ගන්න කැමති වෙන්නෑ.. අවසානයෙදි ඇමරිකානු ඡාතික පුරාවිද්‍යාඥයෙක්  ඉහළ මිලකට මෙය මිලදී ගැනීමට තීරණය කරනව. ඔහු විසින් මිලදී ගන්නා ලද මමිය ඔහු සමඟ අැමරිකාවේ නිව්යෝර්ක් නගරය බලා රැගෙන යාමට ඔහු  තෝරගන්නෙ white star සමාගමේ නවතම නෞකාව වෙච්ච ටයිටැනික් .
   ඊට පස්සෙ ඉතින් වෙච්ච දේවල් ගැන කියන්න දෙයක් නෑනෙ.. කොහොම වෙතත් මේ සිද්ධිය තහවුරු කරන්න වගේම අසත්‍යයි කියන්නත් එහෙමට සාක්ෂි නෑ. එකළ එංගලන්ත නීති අනුව කෞතුකාගාරයක පවතින වස්තු විකිණීම තහනම්, එමෙන්ම කෞතුක වස්තු ප්‍රවාහනය සපුරා තහනම් දෙයක්, ඒක නිසා මෙම සිද්ධිය ඒ කාලෙ ඉඳලම  රහසක් විදිහට තියාගෙන ඉන්නව කියලත් කතාවක් තියෙනව. ඒ වගේම ටයිටැනික් නැවෙන් ඡීවිත බේරගත්ත ගොඩක් අය කියල තියෙනව නැව ගැටෙන වෙලාවෙ අත්භූත කාන්තාවක් නැව් තට්ටුව උඩ දැක්ක කියල.

(තොරතුරු අන්තර්ඡාලය ඇසුරිණි)

         ඒව කොහොම උනත් දැන් නැවත් නෑ, මමියත් නෑ,  මේක කියවපු කට්ටිය මේක හිතට ගන්නැතුව වතුර ටිකක් බීල රෑට දොයියගන්න , මොකද  හීනෙන් බය වෙන අයට දෙන්න  මම ගාව බෙහෙත් නෑ. තිබ්බ ඒව කලින් හොල්මන් බෝනික්කො ගැන කියවල බයවෙච්ච අයට දීල ඉවර උන.

Saturday, December 17, 2016

වොරන්ටිය

       
         මම ලියාගෙන ගිය පෝස්ට් එකත් එකත් මගින් නවත්තල මේ දාන්න කල්පනා කලෙ මට හදිස්සියෙම කල්පනා වුනු සිද්ධියක්.  Phone එහෙම ගන්න ඉන්න කට්ටියට මට මේ වෙච්ච සිද්ධිය දැනගන්න එක ගොඩක් වැදගත් වෙයි..
       2013 අවුරුද්ද  , මේ අවුරුද්දෙ තමයි මම o/l ලිවුවෙ . රිසාල්ට් වලින් මම අනූ නවනවයෙන් ගොඩගිය. ( දැන් කවුරුවත් රිසාල්ට් එහෙම අහන්න එපා )  ඒකට තමයි මට phone එකක් ගන්න දහදාහක් අම්මගෙන් ලැබුනෙ..ඒ කාලෙ මට ඇන්රොයිඩ් ගැන කිසිම ආසාවක් තිබ්බෙ නෑ. ඒ කාලෙ මගෙ හිත ගියේම ඡාව phone වලට.. ( කට්ටිය හිනාවෙන්න එපා , ඒ කාලෙ මම එහෙම තමයි )  nokia c1 එකක් ගන්න මම කලුතර හැම කඩේකටම ගිය.. ඒ හැම එකකින්ම කිවුවෙ ඒ phone දැන් එන්නෙ නෑ කියල.. අන්තිමට මම එක කඩේකට ගිය.. හරිම හොඳ ඇන්ටි කෙනෙක් තමයි ඒකෙ හිටියෙ .එයා කිවුව ඇන්රොයිඩ් phone තමයි දැන්  ඡනප්‍රිය  micomax a57 phone එකක් රුපියල් දහදාහකට දෙන්නම් කිවුව .. ඒත් මට ඕන උනෙ ඡාව එකක්. අන්තිමට එයා මට e tell ඡාව එකක් පෙන්නුව , ඒක පහළොවක්.. ඒක ගන්න කැමති නැතුව මම කඩෙන් එන්න හදනකොට එයා මට වෙන phone එකක් පෙන්නුව..ඒක තමයි celkone c7045 . එහෙම එකක් ගැන මම අහලවත් තිබ්බෙ නෑ. ඒකෙ ඡාව තියෙනව කියල කිවුව .. මම ඇහුව ශුවර් ද කියල. ශුවර් කියල box එක කඩල මට phone එක පෙන්නුව.
එකෙ තියෙන ගේම් වගයක් පෙන්නල ඒ ඡාව ගේම් මේකෙ ඡාව වැඩ කියල phone එක කොහොමහරි මගෙ ඇගේ ගැහුව . දෙනකොටත් කිවුවෙ ඡාව නැත්තම් ආයෙ ඇවිල්ල මාරු කරගන්න , ඒක අපිට ප්‍රශ්නයක් නෑ කියල. ඒකට රු: 6500 ක් ගිය.. ( මම පස්සෙ දැනගත්තෙ ඒක 4500ඉ කියල )
     Phone එක ගෙනල්ල පොඩ්ඩක් විපරම් කලාම තමා මට 100% ක් තහවුරු වුනෙ මේකෙ ඡාව නෑ කියල .( මම ඒ කාලෙ දැනටත් වඩා මෝඩයි ටිකක් විතර ). මාරු කරන්න රෙද්දක් ඇඳන්  යන්න බැරි නිසා මම ඒකත් තියාගෙන හිටිය.  ගෙනල්ල මාසෙකින් phone එක චාඡ් වෙන්නැතුන ගිය. වොරන්ටි තියෙන නිසා බය නැතුව කඩේට ගිහින් phone එක දුන්න .මාක් කරන්න කියල වොරන්ටියත් උන් ගත්ත.හදන්න ගත්ත phone එක සතියකින් විතර බලන්න ගියාම company යැවුව කිවුව . අන්තිමට සති දෙකකින් විතර phone එක ආවම කිවුව battery ය සවුත්තු වෙලා කියල . කඩෙන් රු 600 ක් දීල බැට්රියක් අරගෙන phone  ගිනියන්න කියලත් කිවුව .  මට 100% ශුවර් phone එකේ බැට්රිය හොඳටම තිබිච්ච බව. ඒක නිසා මම කිවුව අලුතින් බැට්රි එපා පරණ එකත් එක්ක දෙන්න කියල.
      ඔතනින් තමා සීන් එක පටන්ගත්තෙ.. අර ඇන්ටි ඇවිල්ල කිවුව company එකෙන් බැට්රිය වීසි කරල කියල. එහෙම කොහොමද වීසි කරන්නෙ? වීසි කරලනම් ගෙන්නල දෙන්න කියල මමත් එකහෙලාම කිවුව. ඇයි යකෝ හොඳටම තිබ්බ බැට්රිය නෙ. හරි තව සතියකින් එන්න කිවුව .. මමත් ගිය . මෙතන බැට්රි සවුත්තතු කරගෙන අපිට කරදර කරන්න එනව, තාම ආවෙ නෑ පස්සෙ එනව කියල අර ඇන්ටි බැනගෙන ආව. තමුසෙල විකුණන කොට එක විදිහක් දැන් එක විදිහක් කියල බනින්නත් කල්පනා කරල phone එකත් උන්ගාව නිසා කට පියාගෙන ආව.
     ආයෙත් සතියකට පස්සෙ කඩේට ගිය . මේ පාර මම ගියෙ නෑ. තාත්ත කලුතර යන ගමන් ගිහිල්ල තිබ්බෙ. කවරෙක දාල phone එකයි බැට්රියයි එවල තිබ්බ.. වොරන්ටියට වෙච්ච දෙයක් නෑ. තාත්තටත් වැඩත් එක්ක ඒක අහන්නත් අමතක වෙල. දැන් ඉතින් බඩු ලැබුනනෙ. මම phone එකට බැට්රිය දාන්න බැලුව .උන් දීල තිබ්බෙ මගෙ බැට්රිය නෙවෙයි. සවුත්තු වෙච්ච බබා හම්බුවෙන්න කිට්ටුවෙච්ච බැට්රියක් ඒක. මම ඒක දාල phone එකේ පියන වහන්න හැදුව පියනවත් වැහෙන්නෑ. දැන් මොනව කරන්නද වොරන්ටියත් නෑ.. phone එක අරන් එතකොට මාස දෙකයි. මමයි තාත්තයි බැට්රියක් හොයන්න ආයෙ කලුතර ගිය. අරුන්ට බැනල වැඩකුත් නෑ අපේ මෝඩ කමට.ඒනිසා අර කඩේ ඇරෙන්න කලුතර තිබ්බ හැම phone  කඩේකටම අපි ගිය. ඒ phone එකට ගැලපෙන බැට්රියක් කොහෙවත් නෑ. අන්තිමට රුපියල් 500ක් දීල බැට්රියක් ගෙනාව. එක phone එකට මැච් වෙන්නෑ.. ඡිඡිබිරිස් වැඩකින් මාට්ටු කරල 2016 වෙනකන්ම මම ඒක පාවිච්චි කලා..

ඔය තියෙන්නෙ ඒක >>

නොදන්න කමට කඩේකට ගියොත් අපිව ඉවරම කරල දානව කඩ කාරයො.. අද මම phone එකක් ගත්තොත් බලන්න ඕන ඔක්කොම බලනව. කඩේට කලින් ගිය එවුන් ගැනත් බලලයි යන්නෙ.වොරන්ටියට හදන්න දුන්නත් battery ය දෙන්නෑ.. නැත්තම් දුන්නත් මාක් එකක් තියාගන්නව. ඒත් මම අදත් කලුතර ගියාම දකිනව ඒ කඩේ අම්බානකට සෙනඟ ඉන්නව.. මම වගේ තව කී දෙනෙක්ව උන් ගොනාට අන්දන්න ඇද්ද? ඒත් මොනව කරන්ද ඒක ඉතින් ගන්න එකාගෙ මෝඩකම.

Friday, December 9, 2016

සාගරයේ බියකරු සිහිනය හෙවත් ටයිටැනික්

ටයිටැනික් කියන්නෙ බියකරු ඛේදවාචකයකින් අවසන්වුණු සුන්දර සිහිනයක්. අද මම ලියන්න තීරණය කලේ මේ ටයිටැනික් ගැන කරුණු ටිකක්.. මේ ගැන දන්න අයත් ඇති,, නොදන්න අයත් ඇති.. කවුහරි මේක කියවල නොදන්න  යමක් දැනගන්නව නම් එච්චරයි වෙන්න ඕන.

1. ටයිටැනික් දියත්කරන අවස්ථාව වන විට එය මිනිසා විසින් නිර්මාණය කරන ලද විශාලම චලනය වන වස්තුව වුනා .

2. ටැයිටැනික් නැව සෑදීම සඳහා  ඇමරිකානු ඩොලර් මිලියන 7.5 වියදම් වී තිබෙනවා.

3. ටයිටැනික්හි බර ටොන් 52,310 වෙනවා.

4.White Star Line සමාගම ටයිටැනික් සහ ඔලිම්පික් නැමැති නැව් සැලසුම් කරන ලද්දේ එකළ ප්‍රසිද්ධ Cunard liner සමාගමේ Lusitania and Mauretania යන නැව් සමඟ තරඟ කිරීමටයි.

5.Northern Ireland  හි Belfast ප්‍රදේශයේ පැවති නෞකාව තැනීමේ කටයුතු සඳහා කම්කරුවන් 15000 ක් පමණ සහභාගි වුනා.

6.ටයිටැනික් නැව සතුව පිහිනුම් තටාකයක්, ව්යායාම ශාලාවක්, තුර්කි ස්නාන ස්ථානයක් සහ පළමු  පන්තියේ මගීන් සඳහා එක් පුස්තකාලයකුත් දෙවන පන්තිය සඳහා තවත් එක් පුස්තකාලයකුත් පැවතියා.

7. මෙම නෞකාව තුළ පන්ති භේදය කොපමණ දුරට තිබුනාද කිවහොත් තෙවන පන්තියේ මගීන්ට පළමු පන්තිය වෙත යාමටවත් හැකියාවක් නොතිබුණි.

8. එසේම පළමු පන්තියේ වැසිකිළි අාම්පන්න කිරිඟරුඩෙනුත් , දෙවන පන්තියේ වැසිකිළි ආම්පන්න පිඟන් මැටියෙනුත් , තෙවන පන්තියේ වැසිකිළි ආම්පන්න යකඩිනුත් සාදා තිබුණි

9. නිව්යෝර්ක් බලා ගමන්කිරීමට පළමු පන්තියේ ටිකට්පතක් ඩොලර් 4,350 වූ අතර එය අද වන විට ‍ෙඩාලර් 69,600 ක පමණ මුදලකි.

10. ටයිටැනික් හි උපරිම වේගය තප්පරයට නෝටි 23 පමණ විය.කොටින්ම කිවහොත් එය පැයට සැතපුම් 27 කටත් වඩා වේගවත්.

11. මෙම නැව ඡීවිතාරක්ෂක බෝට්ටු 20ක් තිබූ අතර ඉන් එකක 65 දෙනෙකුට යා හැකිය. මෙය නෞකාවේ සිටි මිනිසුන්ගෙන් තුනෙන් එකකට පමණයි සෑහුණේ . 1170 දෙනෙකුට ආරක්ෂාකාරීව ගමන් කළ හැකි වූ නමුත් කලබලය නිසා ඡීවිත බේරාගත්තේ 706 දෙනෙකු පමණයි .

12. ටයිටැනික් නැව අයිස් කුට්ටියෙහි ගැටීමට ප්‍රධාන හේතුව වූයේ එහි කපිතාන් වරයා වූ ඊ.ඡේ ස්මිත් විසින් වෙනත් නෞකා කපිතාන් වරු විසින් එවන ලද අනතුරු ඇඟවීම් ගණන් නොගැනීමයි.

13.අයිස් කුට්ටියේ ගැටුණු නෞකාව එකවර මුහුදට ගිලා බැස්සේ නෑ, එය කොටස් තුනකට කැඩී පැය තුනකට ආසන්න කාලයක් තුළ කොටසින් කොටස ගිලා බැස්සා.

14. මෙම අනතුරින් පුද්ගලයන් 1514 ක් ඡීවිතක්ෂයට පත්වුණු අතර මෙම ඛේදවාචකයෙන් මගීන් සහ කාර්යමණ්ඩලයේ  706 කට පමණක්  දිවි බේරා ගැනීමට හැකිවුනා..

15. ඔබ ටයිටැනික් චිත්‍රපටය නැරඹූ කෙනෙක්නම් ඔබට මතක ඇති නැව ගිලෙන විට එහි සිටි සංගීතඥයන් දිගටම වාදනයේ යෙදුණු බව. සැබෑවටත් නෞකාවේ සිටි සංගීතඥයන් නැව ගිලෙන විට එක දිගට පැය කිහිපයක් සංගීතය වාදනය කලා.. නමුත් අවාසනාවට ඔවුන් කිසිවෙකුට දිවි බේරාගැනීමට නම් හැකිවුණේ නෑ.

16. නෞකා අනතුරින් දියට වැටුණු බොහෝ දෙනෙකු මිය ගියේ පිහිනීමට නොදත් නිසා නොව ඡලයේ අධික සීතල දරා ගැනීමට නොහැකිවයි.

17. අනතුරට පසුව අනතුරින් දිවි බේරාගත් වයිට් ස්ටාර් සමාගමේ සභාපති j. Bruce Ismay ඇතුලු පිරිස කාන්තාවන් හා ළමුන් අතහැර දිවි බේරාගැනීම නිසා සමාඡයේ ගැරහුමට පත්වුනා.

18. 1985 දී ගවේෂණ කණ්ඩායමක් විසින් මුහුදු පතුලේ අඩි 12415 පහළ තැන්පත්ව තිබූ නෞකාවේ කොටස් සොයාගනු ලැබුවා.

මේ ඔක්කොටම පස්සෙ ටයිටැනික් අනතුර ගැන තවත් කියන්න දෙයක්  තියෙනවා.. ඒ තමයි අනතුර පිළිබඳව ලෝකයාගේ  අදහස්..මෙහිදී  ප්‍රධාන හේතුවට අමතරව තවත් විශ්වාස කිහිපයක්  පවතිනවා..ටයිටැනික් නැවෙහි ගෙන ගිය ශාපලත් ඊඡිප්තු මමියක් හේතුවෙන් අනතුර සිදුවූ බවත් , නිකොලායි ටෙස්ලා නැමැති විද්‍යාඥයාගේ පරීක්ෂණ ආයෝජකයෙකු විනාශ කිරීමට මෙය සිදුකල බවත් , එමෙන්ම නෞකාව තැනීමට වානේ උණු කිරීමේදී සේවකයන් දෙදෙනෙකු උණු කරන වානේ තුළට වැඩී දියවීයාම නිසා ඔවුන්ගේ ආත්මයන් පලිගැනීමට මෙම අනතුර ඇති කල බවත් කියවෙනවා.. මෙම මත තුන ඉදිරියෙදි පුළුවන් උනොත් මේ බ්ලොග් එකෙන් මම තවදුරටත් විස්තර කරන්න බලාපොරොත්තු වෙනව. බලමුකො ඉස්සරහට......  

තොරතුරු අන්තර්ඡාලය ඇසුරෙනි .



Saturday, December 3, 2016

සිනමාවේ යථාර්තය

      අද මම ඕගොල්ලන්ට අරගෙන ආවෙ ලෝකප්‍රකට  චිත්‍රපට කිහිපයක දර්ශනයන් සකස් කරපු ආකාරයයි, චිත්‍රපට බලන අපි හැමෝටම මේ දර්ශන සෑබෑවක් විදිහට පෙනුනත් මේ දර්ශන ඇත්තටම සකස්කරන්නෙ විශේෂ ප්‍රයෝග යොදා ගනිමිනුයි. ඒ ප්‍රයෝග කොච්චර දක්ෂ විදිහට සිනමාවේදී යොදා ගෙන තියෙනවද කියල මේ ටික බැලුවම ඕගොල්ලන්ට තේරුම් ගන්න පුළුවන් .
                                         
                                The Avengers





Avatar



                  Alice in Wonderland



                        Boardwalk Empire


                                Captain America



                             Deadly Honeym


                                                  District 9


                              Game of Thrones





Gravity


                                     Grey’s Anatomy


                                      The Hobbit




The Hunger Games


                                   Iron Man



Life of pie


                                Man of Steel


               Oz the Great and Powerful


                      Pirates of the Caribbean


                 Rise of the Planet of the Apes



                            Superman Returns



                         The Dark Knight Rises


               The Great Gatsby


                 The Secret in Their Eyes



                             The Walking Dead


                                   

                          The Wolf of Wall Street


                                                            Transformers


                                                                           300


තොරතුරු අන්තර්ඡාලය ඇසුරෙනි ..

ලංකාපුර දේව

      කාලයේ වැලි තලාවට යටවුණු එක්තරා වීරයෙකුගේ කතාවක්!!!              මේ ක්‍රිස්තු වර්ෂ 1166 අවුරුද්දයි. එක්තරා සුවිශාල මහා දේශයක පිහිටි තවත...