~ අමරණීය සැබෑ ආදරය ~

 

ආදරය කියන දේ ඇත්තටම හරිම පුදුමාකාර දෙයක් , තමන්ට මුලු ලෝකයම එරෙහි උනත් කිසිම ගානක් නැතුව ආදරය කරන්න සැබෑ ආදරවන්තයන්ට පුලුවන් . හැබැයි ලෝකෙ තියෙන හැම ආදර කතාවක්ම ඉවරවෙන්නෙ සතුටුදායක විදියට නෙවෙයි , අතරින් පතර ශෝකදායක කතාත් දකින්න ලැබෙනව.

 මම අද ලියන්න තීරණය කලේ අතීතයේ අහන්න ලැබුණු හොඳම ආදර කතා කීපයක් ගැන. මේ ආදර කතා අතර මිත්‍යා , ප්‍රබන්ධ , සත්‍ය සිදුවීම් එහෙමත් තියෙනව. ඕගොල්ලො දන්න කතා වගේම නොදන්න කතාත් මේ අතර ඇති ,කියවලම බලන්නකො ලෝකෙ හොඳම ආදර කතා ටික කොහොමද කියල..

    1. Paris and Helen

( පැරිස් සහ හෙලන්ගේ ආදර කතාව )

       ග්‍රීක මිත්‍යා කතාවක් කියල සැලකෙන මේ කතාව තවමත් මිත්‍යාවක්ද සත්‍යක්ද කියල පිළිගන්න බැරුව දෙකට දෙව⁣ාරෙ තියෙන කතාවක් මේ කතාව පටන්ගන්නෙ මෙහෙ⁣මයි.

    අතීතයෙදි දෙව්ලොවේ ලස්සනම දේවතාවිය කවුද කියල තොරගන්න තරඟයක් තිබුණ. මේ තරඟයට සහභාගි ිවුනෙ ඇතීනා , හේරා සහ ඇප්රොඩයිට් කියන දෙවඟනන් තුන්දෙනයි. මේ තුන්දෙනා මේ ගැන තීරණය කරන්න පැරිස් නැමැති ග්‍රීක කුමාරයට භාරදුන්න..  ""මෙය ලස්සනම තැනැත්තිය වෙතටයි "" කියල ලියා තිබුණු රන් ඇපල් ගෙඩිය ලස්සනම දේවතාවියට ලබාදෙන එක තමයි මොහුගේ වගකීම වුනෙ.
   කොහොම නමුත් තෝරා ගැනීම කරන්න තියෙන දවසට කලින් දවසෙ ඇප්රොඩයිට් කියන දෙවඟන ඇවිල්ල පැරිස් කුමාරයට කිවුව ඔබ මාව තෝරගත්තොත් මිහිපිට සිටින ලස්සනම කාන්තාව ඔබට විවාහ කරල දෙනව කියල.
     කවුද ඉතින් ඒකට අකමැති, කුමාරයත් සද්ද නැතුව ඉඳල ඊළග දවසෙ ඇප්රොඩයිට් දෙවඟන අතට අර රන් ඇපල්ගෙඩිය දුන්න. ඔහු ඔහුගෙ පොරොන්දුව ඉෂ්ට කරපු නිසා දෙවඟනටත් ඇගේ පොරොන්දුව ඉෂ්ට කරන්න සිද්ධවුනා.
 ඇය වහාම සොයල බැලුව ලෝකෙ ලස්සනම කාන්තාව කවුද කියල.  ඒ තමයි ස්පාටා වල රඡතුමා වුණු මෙලනියුස්ගෙ බිරිඳ වෙච්ච හෙලේනා. පොරොන්දුව අනුව දේවතාවිය විසින් හෙලේනාව පැහැරගෙන ගිහිල්ල පැරිස් කුමාරයට භාරදුන්න .
   ඇය හිතුවෙ වැඩේ එතනින් ඉවරවෙයි කියල.. නමුත් ස්පාටන් කුමාරය වැඩේ අතහැරියෙ නෑ,,  ඔහු තමන්ගෙ විශිෂ්ටතම සොල්දාදුවන්ව අරගෙන ගිහිල්ල ට්‍රෝයි පුරය එක්ක යුධ ප්‍රකාශකලා. එතෙක් අපරාඡිත රාඡධානියක් වෙලා තිබ්බ ට්‍රෝයි පුරය ⁣ෙට්‍රා්ඡන් අශ්වය යොදාගෙන පරාඡය කරල තමන්ගෙ බිරිඳවත් අරගෙන තමයි ආපහු ආවෙ..පැරිස් කුමාරය නම් මැරිච්ච බව තමා රහස් ආරංන්චි මාර්ග වලින් දැනගන්න ලැබුන

     2. Orpheus and Eurydice

   මේ කතාවත් ලස්සන ග්‍රීක මිත්‍යා කතාවක්, මේකෙ තියෙන නම් සිංහලෙන් දාන්න ගියොත් පොඩ්ඩක් විතර අවුල් යන නිසා මම ඉංග්‍රීසි නම් ඒ විදිහටම යොදාගත්ත.

        Orpheus කියන්නෙ ග්‍රීක මිත්‍යා කතා වල එන වීරයෙක් , මෙයාගෙ විශිෂ්ට සංගීත හැකියාවෙන් මෙයාට පුලුවන් වුනා ⁣මුලු දෙව්ලොවත්  ,  සතුන් සහ ගස් ගල් පවා වශී කරගන්න. කොහොම වුනත් මෙයාගෙ මුලු ඡීවිතයම උනේ මෙයාගෙ බිරිඳ වෙච්ච eurydice . දවසක් eurydice නයෙක් දෂ්ට කරල මියයනව. අධික ශෝකයට පත්වෙන orpheus තීරණය කරනව පාතාල ලෝකයට ගිහින් තමන්ගෙ බිරිඳව ආපහු අරගෙන එන්න. ඔහු පාතාල ලෝකයට ගිහින් සංගීතය වාදනය කරල පාතාල ලෝකෙ දෙවිවරුන්ව වසඟ කර ගන්නව. දෙවිවරු මොහුට වරයක් ලබා දෙනව බිරිඳව ආපහු මනුෂ්‍ය ලෝකයට අරගෙන යන්න , ඒක වෙන්නෙ මෙහෙමයි orpheus පසුපස නොබලා පාතාල ලෝකයේ දොරටුවෙන් පිටවෙන්න ඕන, බිරිඳ ඔහු පසුපසින් ඇවිත් දොරටුවෙන් පිටවෙනව.. නමුත් දොරටුවෙන් පිට වෙන්න කලින් orpheus පිටුපස හැරිල බැලුවොත් බිරිඳව සදාකාලයටම අහිමි වෙනව.
 අපේ වීරය ලබාදීපු වරයෙ හැටියට ඇවිදගෙන ඇවිල්ල පාතාල ලෝකෙ දොරටුව වෙත ලඟාවෙනව. නමුත් දොරටුවෙන් පිට වෙන්න කලින් ඔහුට සැකයක් ඇතිවෙනව බිරිඳ ඇත්තටම පිටුපසින් එනවද කියල. ඔහු දොරටුව අසලට වෙලා පිටිස්ස හැරිල බලනව.. ඔහුට පේනව ඔහුගේ පසුපසින් ආපු බිරිඳ අන්ධකාරයෙ දියවෙලා යන හැටි.

  3.Cleopatra and Mark Antony

( ක්ලියෝපැට්රා සහ මාක් අැන්තනි )

    මේකනම් සත්‍ය ආදර කතාවක්, ක්ලියෝපැට්රා සහ මාක් ඇන්තනි අතර ඇතිවෙච්ච ආදර අන්දරයේ අවසානය නම් ගොඩක් ගොඩක් ශෝකදායකයි.

     සීසර්ගෙ මරණයෙන් පස්සෙ ක්ලියෝපැට්රාගෙ ආදරවන්තය වුනේ මාක් ඇන්තනී ,මෙයා  රෝමයේ ඡෙනරාල් කෙනෙක්, මේකනම් සීසර් එක්ක වගේ එකක් නෙවෙයි සිරා ලවක්, නමුත් එක දිනයක මාක් ඇන්තනී රෝමය සමඟ යුද්ධ කරන්න ගිහිල්ල පරදිනව. මේ පරාඡය ගැන දැනගන්න ක්ලියෝපැට්රා දේශපානික ප්‍රයෝගයක් විදිහට තමන් මේ පරාඡය ගැන දුකින් මියගියා කියල රෝමයට දැනගන්න පණිවිඩ යවනව. නමුත් අවාසනාවට මාක් ඇන්තනීටත් මේ ආරංචිය දැනගන්න ලැබෙනව. ( සුදූ ඔයා හොඳින්ද අහන්න ඒ කාලෙ ටෙලිෆෝන් තිබුනෙ නෑනෙ. ) පරාඡයත්, පෙම්වතිය මියයාමත් නිසා අධික ශෝකයට පත්වෙන මාක් ඇන්තනි තමන්ගෙ කිණිස්සෙන් හදවතට ඇණගෙන සියදිවි නසාගන්නව.
 තමන්ගෙ ප්‍රයෝගය වැරදි විදියට තේරුම් අරගෙන  ආදරවන්තය මියගිය බව දැනගත්ත ක්ලියෝපැට්රාත් විසකුරු නාගයෙක් ලවා දෂ්ටකරගෙන සියදිවි නසාගන්නව.

   4.Bonnie Parker and Clyde Barrow  ( බොනී සහ ක්ලයිඩ්)

    බොනී සහ ක්ලයිඩ් කියන්නෙ මුලු මහත් ඇමරිකාවම කලඹවපු  ආදරණීය මංකොල්ලකාර ඡෝඩුවක්.පොලිස් නිලධාරීන් නව දෙනෙක්ගේ සහ සිවිල් වැසියන් කිහිපදෙනෙකුගේ මරණ වලට වගකිවයුතු මේ ඡෝඩුව මුලින්ම මුණගැහිල තියෙන්නෙ 1930 දියි.

         ඒ වනවිටත් ක්ලයිඩ්ට විරුද්ධව අපරාධ සම්බන්ධයෙන් වරෙන්තු නිකුත් වෙලා තිබුනත් බොනී ඒ කිසිවක් ගනන් නොගෙන ඔහු හා ආද⁣රයෙන් බැඳෙනව. ඒ වගේම ඔහුව යහමගට ගන්නව වෙනුවට ඇය තීරණය කරන්නෙ ඔහු සමඟ අපරාධ වලට හවුල්වීමටයි. 1934 දි හදිසි වැටලීමක් මගින් පොලීසිය මොවුන් දෙදෙනා වෙඩි තබා මරාදමන තුරුම ඔවුන් දෙදෙනා ඉතාමත් ආදර⁣ෙයන් සිටි බව තමයි දැනගන්න ලැබුනෙ.
   මෙම ආදරණීය යුවලගේ දේහයන් එකට තැන්පත් කිරීමට ලුසියානා පොලීසිය කටයුතු කරන්න හැදුවත් බොනීගෙ පවුලේ විරෝධතාවය නිසා දේහයන් වෙන වෙනම තැන්පත් කරනව.

    5. Napoleon and Josephine

( නැපෝලියන් සහ ඡොසපින්)

           ප්‍රංශ විප්ලවයෙන් සැමියා මරණයට පත්වුන දරුවන් දෙදෙනෙකුගේ මවක වුන ඡොසපින් ගැන නැපෝලියන්ගෙ හිතේ ආදරයක් ඇතිවුනා,, කට්ටිය දන්නවන නැපෝලියන් කියන්නෙ කවුද කියල...

     තමන්ගෙ සිත් ගත් ඇයට නැපෝලියන් අසීමිතව ආදරය කලා.ඔහු විසින් අැයව විවාහ කරගෙන දින ⁣ෙදකකට පසුව වැදගත් යුධ මෙහෙයුමකට නැපෝලියන්ට ඉතාලිය බලා යන්න සිද්ධවුනා , ඔහු ඉතාලියේ සිට විටින් විට ඇයට ආදර හසුන්  යැවුවා, දිනක් ඇයට ඉතාලිය බලා එන ලෙස නැපොලියන් ආරාධනා කලා, නමුත් ඇය ඉතාලිය වෙත ඒම ප්‍රතික්ෂේප කලා, මේ ගැන සැකහිතපු නැපෝලියන් වහාම ප්‍රංශය බලා ආව. එහිදී නැපොලියන්ට රහස් ආරංචි මාර්ග වලින් දැනගන්න ලැබෙනව  Hippolyte Charles නැමැති නිලධාරියා සමඟ ඇය සබඳතාවයක් පටන්අරගෙන කියල. නැපෝලියන් ආවට පස්සෙ ඇය මේ සබඳතාව නැවැත්තුවත් ඇයට ආපහු නැපෝලියන්ගෙ ආදරේ නම් දිනාගන්න වෙන්නෑ. ඒ අතරෙදිම නැපෝලියන් ඡොසපින්ව දික්කසාද කරල මාරි ලොයිස් නැමැති කාන්තාව විවාහ කරගන්නව.
     මේ මොනව උනත් නැපෝලියන් දික්කසාදයෙන් පස්සෙ ඡොසපින් ගැන කිවුවෙ මෙහෙමයි.  “France, the Army, the Head of the
Army, Josephine.”
     ඒ වගේම ⁣දික්කසාදය සිද්ධවුනත් තම මරණය දක්වාම නැපෝලියන්ව අමතක කරන්න ඡොසපින්ටත් නොහැකි  වුනා, ඇය ඩිප්තීරියා⁣ රෝගයෙන් මියයන විට පවසපු අවසන් වචනය තමයි ""නැපෝලියන් ""

#  තොරතුරු අන්තර්ඡාලය ඇසුරිනි ...

   මේ කතා ඔක්කාම මම කෙටියෙන් කිවුවට මේව සරල පොඩි කතා නෙවෙයි, පුලුවන් වෙලාවක නෙට් එකෙන් හොයල බලන්න , ඔය එක කතාවක් දවස්ගානක් කියවන්න තරම් විස්තර තියෙනව.... පැරිස් සහ හෙලේනා ගැන පුස්තකාල , පොත්හල් වල ඉලියඩ් කියල ලොකු පොතක් තියෙනව කියවලම  බලන්නකො...ඒක මමත් ආසාවෙන් කියවපු පොතක්..

ආ.........
කෝ දැන් එතකොට රෝමියෝ ඡුලියට් ?

ඡැක් රෝස් ??

ඒ කට්ටියයි තව කට්ටිය ගැනයි මම ඉස්සරහට තව පෝස්ට් එකකින් දාන්නම්කො..මේ පෝස්ට් එක දැනටමත් ලොකු වැඩියි....

ගුරුකම් , magic සහ සංස්කෘතිය

   

ඉතාමත් සංකීර්ණව සාකච්ඡා කරන්න ඕන මාතෘකාවක් ටිකක් සරලව මගේ අදහසට අනුව විස්තර කරන්න තමයි මේ සූදානම.. මම මේව ගැන කතාරන්න විශාරදයෙක් නෙවෙයි , සාමාන්‍යයෙන් ඇහෙන දකින දේවල් අනුව තමයි මම මේ නිගමන වලට ආවෙ..
       ලංකාවෙ  ගොඩක් අය හිතාගෙන ඉන්න දෙයක් තමයි මන්තර, ගුරුකම්, හොල්මන් කියන දේවල් ආසියාවෙ ප්‍රාථමික සංස්කෘතික අංගයක් කියන එක.. ඒ කට්ටිය හිතන්නෙ යුරෝපා රටවල බුද්ධිමත් මිනිස්සු ඒව විශ්වාස කරන්නෑ කියල.. ඉතින් අපි අපේ සංස්කෘතියෙ එන ගුරුකම් වගේ දේවල් එක්ක යුරෝපා සංස්කෘතියෙ දේවල් සසඳල බලමුකො..

1. Magic word සහ මන්තර

         යුරෝපා සංස්කෘතියෙ එන  දෙයක් තමයි මායා වචන හෙවත් magic word , හැරී පොටර් චිත්‍රපටිය බැලුවනම් ඕගොල්ලො දන්නවනෙ කොහොමද කියල වචන පාවිච්චි වෙන්නෙ.
         අපේ සංස්කෘතියෙ එන මන්තර දිහා බැලුවම ඒවයිනුත් වෙන්නෙ අත්භූත දේවල් පළවා හරින එක නේද? එතකොට මේ දෙකේ සමානත්වයක් ⁣තියෙනව නේද?
      එක්ස්පැට්රෝ පෙට්රෝනා කියල කෑ ගැහුවත් එකයි ඕන් රීන් කට්ටු කට්ටු කිවුවත් එකයි.. දෙකෙන්ම වෙන්නෙ එකම දෙයක්.

2. මායා යෂ්ටිය සහ කෙවිට

      එංගලන්තෙ ඉඳපු මර්ලින් වගේ මායාකාරයන්ගෙ ඉඳලම  යුරෝපයෙ මායාකාරයො පාවිච්චි කරන දෙයක් තමයි මායා යෂ්ටිය.. මේක ටිකක් මහත කෝටු කෑල්ලක් , මේකෙන් කාටහරි තට්ටු කලොත් බඩු හරි තමා..
       අපේ ගුරුන්නාන්සෙල ගාව තියෙන්නෙ එක්කො මතුරපු වේවැලක් නැත්තම් බස්තමක්, මේකට මතුරල ආතුරයට තට්ටුවක් දැම්මම ආතුරයගෙ ඇගේ ඉන්න යකා යනව..ඒ වගේම තමන්ගෙ ආරක්ෂාවටත් අපේ කට්ටිය අරන්යන්නෙ මේ බස්තම හරි කෙවිට හරි තමා..

3. මායා කල්දේරම් සහ අරිෂ්ට

          ප්‍රසිද්ධ ඉංග්‍රීසි කාටූන් එකක් වෙච්ච astrix and friends එහෙම නැත්තම් සූර පප්ප කාටූන් එකේ මැඡික් අරිෂ්ටෙ ගැන නොදන්න කෙනෙක් නෑනෙ,, ඒ වගේම මායාකාරියො හදන මායා අරිෂ්ට කල්දේරම් එහෙමත් යුරෝපීය ගුප්ත විද්‍ය පැත්තෙ එක කොටසක්.
          අපේ සංස්කෘතිය ගත්තොත් හෙණරාඡ තෛලය, රාඡ තරංගනී තෛලය වගේ තෙල් හිදින්න පත අට එකට සිඳවල අපේ කට්ටියත් කල්දේරම් වල දාල කකාරල තියෙනව. ඒ වගේම වෙද මහත්තුරු, වෙද හාමිනේල බෙහෙත්  අරිෂ්ට හදන්නත් කල්දේරම් වල බෙහෙත් කකාරවමින් කටයුතු කරල තියෙනව.

4. සෝම්බි සහ පිල්ලි

 
     යුරෝපා සංස්කෘතියෙ සෝම්බි කියන්නෙ ඇවිදින මළවුන්ට,, එහිදී මායාකරුවන් පණදීම ,, යක්ෂ බලයන් මගින් පණ ලැබීම , පිස්සු විද්‍යාඥයන්ගෙ වැඩ නිසා පණ ලැබීම වගේ වැඩ වලින් මේ ඇවිදින මළවුන් බිහිවෙනව. ඒ වගේම අදුරු බලවේග වලට ඔවුන්ව පාලනය කරන්නත් පුලුවන්..
      අපේ සංස්කෘතියෙ ගුරුන්නාන්සෙල දවස්ගානක් මහන්සිවෙල කනත්තට වෙල මළ මිනියකට මතුරල පදම්කරල හදාගන්න ඡීවියෙක් තමා මේ පිල්ලිය කියන්නෙ..ගුරුන්නාන්සෙට අවශ්‍යවය වැඩවලට මෙයාව පාවිච්චි කරන්න පුලුවන්. ඒ වගේම පිල්ලිය වැඩේ ශුවර් එකටම කරන බවත් ප්‍රසිද්ධයි.

5. වැම්පයර්, ඩ්‍රැකියුලා සහ රීරි යකා

    වැම්පයර්වරු කියන්නෙ මිනිස්සුන්ගෙ ලේ උරාබොන සත්ව කොට්ටාසයක් ඒ කට්ටියගෙ නායකය තමයි ඩ්‍රැකිය ,  මේ කට්ටිය රාත්‍රී කාලයේ මිනිස් ලේ සොයමින් සැරිසරනව කියලයි යුරෝපීයන් විශ්වාස කරන්නෙ.
     රීරි යකා කියන්නෙ ලංකාව සහ දකුණු ආසියාතික රටවල් වල ඉන්න යකෙක් ⁣මෙයත් ගොඩක් බලවත් කෙනෙක් කියල තමයි පැරැන්නො කියන්නෙ..මිනිස් ලේ හොයාගෙන රාත්‍රී කාලෙ සැරිසරන එක තමා මෙයාගෙත් රාඡකාරිය.

6. වෘක මිනිස්සු සහ මහසෝනා

      බටහිර සංස්කෘතියෙ තියෙන තවත් එක දෙයක් තමයි වෘක මිනිස්සු ,, දහවල් කාලයේ මනුස්සයො විදිහටත් රාත්‍රී කා⁣ලයේ මනු වෘකයන් බවටත් පත්වෙන මොවුන් පාලනය කරන්න බැරි දරුණු සත්ව කොට්ටාසයක් කියලයි කියවෙන්නෙ.. මොවුන්ට තියෙන්නෙ මනුස්ස ඇඟකුයි වෘක ඔලුවකුයි.
         රිටිගල ඡයසේන කිවුවම රටම අදුරන අපේ රටේ මහසෝනත් මේ වෘක මිනිස්සුන්ට සමාන වෙන්නෙ හරි පුදුමාකාර විදිහට, වලස් හිසක් ශරීරයේ වැරදි පැත්තට සවි කරගෙන ඉන්න මේ යක්ෂ නායකයට මෙක වුනෙ ගෝටයිම්බර යෝධය පහරදීල  බව නොදන්න කෙනෙක් නෑ. හිසේ වෙනස නැත්තම් මහසෝන යුරෝපීය සංචාරෙකට ගිය වෙලාවක සුද්දො දැකල මේ මිනිස් වෘක කතාව හදාගත්ත කියල කියන්න තිබ්බ.

7. ශාප

   ශාප නම් සංස්කෘතික වෙනසක් නෑ හැම රටකටම පොදුයි.. ඊඡීප්තු මමීවල ශාප , මැණික් වල ශාප , මායාකාරින්ගෙ ශාප වගේම කුවේණිගෙ ශාපයත් ලෝක ප්‍රසිද්ධයි.

8. ආත්මයන් හා යක්කු

     යුරෝපයේ ඉන්න ඔක්කොම භයානක ඡීවින් ගොඩක් වෙලාවට යක්ෂ ආත්මයන් , නැත්තම් අපායන් ආපු යක්ෂයන්, මේ ආත්මයන් අඳුරේ ඉඳල මිනිස් ඡීවිත බිලිගන්න එන බව තමයි කියවෙන්නෙ..
     අපේ සංස්කෘතියෙ යක්කු , පෙ⁣ෙර්තයො , කුම්භාණ්ඩයො  ,, බහිරවයො වගේ ගොඩක් අය ඉන්නව, මේ කට්ටිය මිනිස් ඡීවිත වලට යම් තරමක බලපෑමක් කරන බවත් කියන්න පුලුවන්..

9. මායාකරුවෝ සහ යකැදුරෝ

 
     යුරෝපයේ මායාවන් යොදාගෙන අඳුර සමග ගණුදෙනු කරපු අය මායාකරුවන් විදිහට හඳුන්වනව. ඒ බව මර්ලින්,, හැරී පොටර් වගේ චිත්‍රපටි බලපුවම තේරුම් ගන්න පුලුවන්..ඒ රටවල් වල ඒ වගේ අය අඩුවෙන් තමා ඉඳල තියෙන්නෙත්,
      අපේ රටේ මන්තර සාස්තරෙන් යක්කු භූතයො එළවන අය සංස්කෘතියෙම කොටසක්,, ඒ වගේම ඒ වගේ අය වැහි වැහැල ,, නමගිය දක්ෂ කට්ටඩි මහත්තුරු ඉන්නෙ බොහොම ටිකයි.

  නමය නපුරුයි කියන නිසා විස්තරේ මෙතනින් අවසන් කරන්න මම තීරණය කල..
      මට නම් මේ තොරතුරු හෙවුවහම තේරුනෙ මේ හැම සංස්කෘතියකම ගුප්ත විද්‍යාවෙ ආරම්භක මූලාශය එකක් වෙන්න පුලුවන් කියලයි.

 මේ තොරතුරු අනුව ඕ⁣ෙගාලන්ට මේ සංස්කෘතීන් දෙක ගැන යමක් හැඟුනනම් මටත් දැනගන්න අනිවා comment කරල යන්න.

ඡායාරූප අන්තර්ඡාලය ඇසුරිනි.

සත්ව ලෝකයේ අරුමය

         

මම අද පෝස්ට් එක දාන්න හිතුවෙ සත්තු ගැන ,, සත්තු කිවුවට සුරතල් සත්තු කිවුවොත් තමයි තවත් හොඳ.. සත්තුන්ගෙ වැඩීම ගත්තහම ඒක මිනිස්සුන්ගෙ වැඩීමට වඩා ගොඩක් වෙනස් ,, මේ ඡායාරූප ටික බැලුවම ඕගොලන්ට ඒ ගැන අදහසක් ගන්න පුලුවන් වෙයි.

මේ ඡායාරූප වලින් ඕගොලන්ට පේන්නෙ එකකුසේ ඉපදුනේ නැති වුනත් සහෝදරයො වගේ පේන සත්තු ටිකක්.. බලන්නකො කට්ටියගෙ ලස්සන..

ඡායාරූප අන්තර්ඡාලය ඇසුරිණි.