Wednesday, December 21, 2016

මමියේ ශාපය

     
අද මම ලියන්න කල්පනා කලේ මම මීට කලින් ටයිටැනික් ගැන ලියපු ලිපිය සම්බන්ධ අතුරු ලිපියක් . මේ ලිපියෙදි මම විස්තර කරන්න බලාපොරොත්තු වෙන්නෙ ටයිටැනික් නැවේ විනාශයට හේතු වුන බවට සැලකෙන ශාපලත් මමියක් ගැන. මේ කතාව 100% ඇත්ත කියලනම් කියන්න බෑ.නමුත් මේ කතාවත් නොසලකා හරින්න බැරි කතාවක්.
      ක්‍රිස්තු පූර්ව 1500 දී පමණ ඡීවත් වූ ආමෙන් රා කුමරිය මියගිය පසු එකල ඊඡිප්තු වැසියන්  ඇගේ දේහය අති විශේෂ ලී වලින් තැනූ මිනී පෙට්ටියක දමා නයිල් නදීයේ ඉවුරක් තුළ මිහිදන් කලා.එදායින් පසු නැවතත් ඇය ගැන කතාකරන්න පටන්ගත්තෙ 1890 වර්ෂයේදීයි.
     
1890 වර්ෂයේ ඊඡිප්තු සංචාරයක් සඳහා ආ ඇමරිකානු කෝටිපති මිතුරන් හතර දෙනෙකුට මෙම මමිය හමුවුණා . ඒ විකිණීම සඳහා දමා තිබියදීයි.  මෙයින් එක මිතුරෙක් පවුම් දහසක් ගෙවා මෙම මමිය මිලදී ගනු ලැබුවා. ඒ තමා විසින් නැවතත් මවු රටට යන විට සිහිවටනයක් ලෙස රැගෙන යන්නයි.
        මෙය තමයි ශාපයේ ආරම්භය. මමිය මිලදී ගත් තරුණ ව්‍යාපාරිකය තමා නතරවී සිටි හෝටලයට එය රැගෙන ගියා. ඉන් පැය කිහිපයකට පසු ඔහුගේ බිරිඳ දැක තිබුනේ ඔහු හෝටලයෙන් පිටවී පයින්ම පාලු කාන්තාරය දෙසට ගමන් කරනවා පමණයි . ඔහු නැවත පැමිණියේ නෑ.ඔහුට සිදුවූ දේ අභිරහසක් වුනා.
        දෙවන ව්‍යාපාරිකයා හට ඊට පසු දින ඔහුගේ ඊඡිප්තු ඡාතික සේවකයා විසින් කිසිදු හේතුවක් රහිතව වෙඩි තබා තිබුනා.. එම වෙඩි පහර නිසා බරපතල තුවාල ලැබූ ඔහුගේ අතක් කපා දැමීමට සිදු වුනා.
           තුන්වන ව්‍යාපාරිකයා නිවස වෙත ගිය විට ඔහුට ආරංචි වූයේ ඔහු එතෙක් කල කල සියලුම බැංකු ආයෝඡන කඩා වැටී ඇති බවයි.ඔහු තවදුරටත් කෝටිපතියෙක් වුනේ නෑ.
              සිවුවැන්නා හට බරපතල රෝගාබාධයක් ඇති වූ අතර කරන ලද රැකියාවද අහිමි වුනා. අවසානයේදී ඔහු දිවි ගැටගසා ගැනීමට මහා මාර්ග අවට ගිනිපෙට්ටි අළෙවි කරන්නෙකු බවට පත් වුනා.
   
ඒ වන විට එංගලන්තය වෙත රැගෙන විත් තිබූ මමිය අඩංගු පෙට්ටිය එංගලන්ත කෝටිපති ව්‍යාපාරිකයෙකු විසින් මිලට ගත්ත. එය මිලදී ගෙන කිහිප දිනක් ගතවීමට මත්තෙන් ව්‍යාපාරිකයාගේ පවුලේ තිදෙනෙක් රිය අනතුරකින් බරපල තුවාළ ලැබුව. , එසේම ව්‍යාපාරිකයාගේ නිවස ගිනිගැනීමකටද ලක් වුනා, තත්වයේ බරපතල කම වටහා ගත් ඔහු මමිය අඩංගු පෙට්ටිය වහාම එංගලන්ත කෞතුකාගාරය වෙත ලබා දුන්නා.
      මෙම මමිය කෞතුකාගාරය වෙත ගෙන යන ලද්දේ ට්‍රක් රථයක් මගින්, මමිය කෞතුකාගාරය වෙත ගෙන ගොස් බෑමට පෙර කිසිදු හේතුවක් නොමැතිව ට්‍රක් රථය පිටුපසට ධාවනය වී තිබෙනවා.. අවසානයේ ට්‍රක් රථයෙන් බා ගන්නා ලද මමිය අඩංගු පෙට්ටිය කෞතුකාගාරය වෙත ගෙන ගියේ සේවකයන් දෙදෙනෙකු විසිනුයි.. කෞතුකාගාරයෙහි පඩිපෙලෙන් එය රැගෙන යාමේදී එක් අයෙකුගේ පය පැටලී ඇඳ වැටුනා. ඔහුගේ පාදය කැඩී ඇති බව පසුව දැනගැනීමට ලැබුනු අතර අනෙක් සේවකයා මෙම සිද්ධියෙන් දින දෙකකට පසුව හදුනාගත නොහැකි රෝගයකින් මිය ගියා.
   
කුමරියගේ මමිය කෞතුකාගාරයේ ඊඡිප්තු අංශයේ තැම්පත් කිරීමත් සමගයි සෑබෑ කරදර ආරම්භ වීමට පටන්ගත්තේ. කෞතුකාගාරයෙහි  රාත්‍රි මුර සංචාරයේ යෙදෙන නිලධාරියා හට සැමදාමත් මමී පෙට්ටිය අසලින් අත්භූත හඩවල් ඇසෙන්නට පටන්ගත්තා .. ඊට ටික දිනකට පසු ඔහුගේ මළ සිරුර මමී පෙට්ටිය අසල තිබී උදෑසන සොයාගනු ලැබුවා. දිනක් කෞතුකාගාරය නැරඹීමට පැමිණි පුද්ගලයෙකු දිනක් මමියේ පෙට්ටියෙහි තින්ත වර්ගයක් ආලේප කලා. ඔහුගේ සියලු දරුවන් සරම්ප සෑදී මිය යාමෙන් ඔහුට එහි වන්දිය ගෙවීමට සිදුවුනා . මේ සිද්ධි ගැන ආරංචි වූ කිසිම කෞතුකාගාර සේවකයෙකු මමිය අසලට පිරිසිදු කිරීම් කටයුතු කිරීමට යෑමට කැමති වූයේ නෑ.. අවසානයේ කෞතුකාගාර බලධාරීන් මමිය අඩංගු පෙට්ටිය කෞතුකාගාරයෙහි බිම් මහල වෙත ගෙනගියා.
     එය පහළට ගෙන ගොස් දිනකට පසුව බිම් මහලේ සේවකයෙක් බරපතල ලෙස අසනීප වුන , ඒ වගේම කෞතුකාගාරයෙහි වැඩ පරීක්ෂකවරයා තම මේසය මතම මිය ගොස් සිටියදී හමු වුනා.
   මෙම සිද්ධිය ගැන ආරංචි වූ මාධ්‍යවේදීයෙක් පැමිණ මමී පෙට්ටියේ  ඡායාරූප ලබා ගත්තේ ඒවා තම පුවත්පතේ පළ කරන අදහසින්. ඔහු විසින් ලබාගත් ඡායාරූප ශුද්ධ කිරීමේදී ඔහු දැක ඇත්තේ මමී පෙට්ටියේ ලබාගත් ඡායාරූපය මත බිහිසුණු අමුනුෂ්‍ය මුහුණක් ඇති බවයි , මෙය දරාගත නොහැකි වූ ඔහු වහාම නිවස වෙත ගොස් කාමරයේ දොර වසාගෙන හිසට වෙඩි තබාගෙන මියයනවා.
      තවදුරටත් මෙය කෞතුකාගාරයෙහි තබා ගැනීම කරදරයක් බව සිතූ බලධාරීන් පෞද්ගලික කෞතුක වස්තු අළෙවි කරන්නෙකුට මෙම මමිය අලෙවි කරනවා.අවාසනාවන්ත මරණ හා ප්‍රශ්න පැමිණීම නිසා එහි අයිතිකරු විසින් මමිය නිවසෙහි අට්ටාලයෙහි තැම්පත් කරනව.
      මේ කාලෙදිම තමයි ලෝකප්‍රසිද්ධ මැඩම් හෙලේනා බ්ලැට්වැස්කි මැතිනිය මේ ප්‍රදේශයේ සංචාරයකට එන්නෙ. මේ ප්‍රදේශයට පැමිණීමත් සමඟ එතුමියව අසාමාන්‍ය ලෙස වෙවුලන්න පටන් ගන්නව.. ඇයට වැටහෙනව අසාමාන්‍ය බලවත් බූතාත්මයක් මෙම ප්‍රදේශයේ  සිටින බව. ඇය ඒ පිළිබඳව සොයමින් ගොස් අවසානයේ නතර වෙන්නෙ අර පුද්ගලයගෙ නිවසේ අට්ටාලයේ තිබුණු මමී පෙට්ටිය අසල. එහි අයිතිකරු එතුමියගෙන් අසනව මෙම ආත්මය පළවා හැරීමට පුළුවන් ද කියල , එතුමිය පවසනව මෙහි පළවා හැරීම කියල දෙයක් නෑ නපුර සදාකල් පවතිනව , පුළුවන් තරම් ඉක්මනින් මෙය ඉවත් කරන්න කියල. මේ කතාව පිළිගන්න අයිතිකරු වහාම මමිය විකිණීමට පුද්ගලයෙක් හොයනව, නමුත් පසුගිය කාලයේ දි සිද්ධ වෙච්ච දේවල් දන්න කිසිදු කෙනෙක් මෙය මිලදී ගන්න කැමති වෙන්නෑ.. අවසානයෙදි ඇමරිකානු ඡාතික පුරාවිද්‍යාඥයෙක්  ඉහළ මිලකට මෙය මිලදී ගැනීමට තීරණය කරනව. ඔහු විසින් මිලදී ගන්නා ලද මමිය ඔහු සමඟ අැමරිකාවේ නිව්යෝර්ක් නගරය බලා රැගෙන යාමට ඔහු  තෝරගන්නෙ white star සමාගමේ නවතම නෞකාව වෙච්ච ටයිටැනික් .
   ඊට පස්සෙ ඉතින් වෙච්ච දේවල් ගැන කියන්න දෙයක් නෑනෙ.. කොහොම වෙතත් මේ සිද්ධිය තහවුරු කරන්න වගේම අසත්‍යයි කියන්නත් එහෙමට සාක්ෂි නෑ. එකළ එංගලන්ත නීති අනුව කෞතුකාගාරයක පවතින වස්තු විකිණීම තහනම්, එමෙන්ම කෞතුක වස්තු ප්‍රවාහනය සපුරා තහනම් දෙයක්, ඒක නිසා මෙම සිද්ධිය ඒ කාලෙ ඉඳලම  රහසක් විදිහට තියාගෙන ඉන්නව කියලත් කතාවක් තියෙනව. ඒ වගේම ටයිටැනික් නැවෙන් ඡීවිත බේරගත්ත ගොඩක් අය කියල තියෙනව නැව ගැටෙන වෙලාවෙ අත්භූත කාන්තාවක් නැව් තට්ටුව උඩ දැක්ක කියල.

(තොරතුරු අන්තර්ඡාලය ඇසුරිණි)

         ඒව කොහොම උනත් දැන් නැවත් නෑ, මමියත් නෑ,  මේක කියවපු කට්ටිය මේක හිතට ගන්නැතුව වතුර ටිකක් බීල රෑට දොයියගන්න , මොකද  හීනෙන් බය වෙන අයට දෙන්න  මම ගාව බෙහෙත් නෑ. තිබ්බ ඒව කලින් හොල්මන් බෝනික්කො ගැන කියවල බයවෙච්ච අයට දීල ඉවර උන.

21 comments:

  1. ජය බෝලී නාත්! අපිත් ගොඩවුනා කියහන්කො....

    ReplyDelete
  2. කලින් අහලා තිබ්බට මේ තරන් විස්තරයක් දැනගෙන උන්නෙ නෑ... සුපිරියට ලියලා තියෙනවා...

    ReplyDelete
  3. පත්තරේක ලිපියකින් මේ ගැන කියවල තිබුණා.ඒත් මේ තරම් විස්තර තිබුනෙ නෑ.ලස්සනට ලියල තියෙනවා.

    ReplyDelete
  4. matath eka prashnayak thiyenawa
    kohomada oya mami eka engalantheta genichche kiyala oya wage dewal e athara thura sidda une nadda

    ReplyDelete
  5. Aka gena kiyanna kattiya eturu wenna netuwa ati 😂😂😂

    ReplyDelete
  6. හොද වෙලාවට උදේ බැලුවෙ බොලොග් එක

    ReplyDelete
  7. Eththa unath boru unath patta kathawa. Oya wage ewa issarahatath wediyen liyanna.

    ReplyDelete
    Replies
    1. ස්තූතියි , අනිවාර්යයෙන් තව දාන්නම්

      Delete
  8. මේක පට්ට..තව ඒව ඕනෙ..ස්දුදියි..

    ReplyDelete
  9. මන් අදමයි මේ කතාව ඇහුවේ. ලස්සනට රසවත් විදියට ලියලා තියනවා.. කුතුහලය ඇති වෙන විදියට... නියමයි... ඒ වගේම ස්තූතියි මෙවැනි නොදන්නා දේවල් බ්ලොග් එකේ සටහන් කරනවට.. අපේ දැනුම වැඩි වෙන්න...

    ReplyDelete
  10. අදමයි ඇහුවෙ😐

    ReplyDelete

හොල්මන

තාත්තේ ඇඳ යට හොල්මනක් ඉන්නවා.. දරුවා කෑ ගැසීය.. කෑ ගැසීම ඇසුණු පියා එතනට පැමිණ ඇඳ යටට එබී බැලීය. එහිදී ඔහු දුටුවේ ඇඳ යට ගුලිවී සිටින දරුවාය...